Agriculture news in Marathi In Akola district, 52% farmers are far from crop loans | Agrowon

अकोला जिल्ह्यात पीक कर्जापासून ५२ टक्के शेतकरी दूरच

टीम अॅग्रोवन
मंगळवार, 7 जुलै 2020

अकोला ः खरीप हंगामाला सुरुवात झाली असून, पेरण्यांनी वेग घेतलेला आहे. असे असतानाही जिल्ह्यातील सुमारे ५२ टक्के शेतकरी अद्यापही पीक कर्जापासून दूर असल्याचे समोर आले. या हंगामात १ लाख ४२ हजार ५०० शेतकऱ्यांना पीक कर्ज वाटपाचा ११४० कोटींचा लक्ष्यांक असताना आत्तापर्यंत ६७१९४ शेतकऱ्यांना ५४६ कोटींचे पीककर्ज मिळाले. पीक कर्ज मिळालेल्यांचे प्रमाण सरासरी ४८ टक्के एवढे आहे.

अकोला ः खरीप हंगामाला सुरुवात झाली असून, पेरण्यांनी वेग घेतलेला आहे. असे असतानाही जिल्ह्यातील सुमारे ५२ टक्के शेतकरी अद्यापही पीक कर्जापासून दूर असल्याचे समोर आले. या हंगामात १ लाख ४२ हजार ५०० शेतकऱ्यांना पीक कर्ज वाटपाचा ११४० कोटींचा लक्ष्यांक असताना आत्तापर्यंत ६७१९४ शेतकऱ्यांना ५४६ कोटींचे पीककर्ज मिळाले. पीक कर्ज मिळालेल्यांचे प्रमाण सरासरी ४८ टक्के एवढे आहे.

हंगामात सुरुवातीपासूनच शेतकऱ्यांजवळ पैसा नाही, अशी ओरड सुरू होती. लोकप्रतिनिधी वारंवार बँक अधिकाऱ्यांच्या भेटी घेत पीक कर्ज वाटपाची गती वाढविण्याबाबत निर्देश देत आहेत. याचा परिणाम जून महिन्यात बँकांनी पीक कर्ज वाटपाची गती थोडीफार वाढविल्याचे स्पष्ट झाले. त्यामुळेच जिल्ह्याचे पीक कर्ज वाटप ४८ टक्क्यांपर्यंत पोचले आहे. जिल्ह्यात या हंगामात सुमारे पावणेपाच लाख हेक्टरचे नियोजन झाले आहे. यासाठी शेतकऱ्यांना पीक कर्ज हवे होते. प्रशासनाने जिल्ह्यातील एक लाख ४२ हजार शेतकऱ्यांना ५०० शेतकऱ्यांना पीक कर्ज वाटपासाठी ११४० कोटींचा लक्ष्यांक घेतलेला आहे. यापैकी ५० टक्केही रक्कम वितरित झालेली नाही.

जिल्हा बँक आघाडीवर
अकोला जिल्हा मध्यवर्ती सहकारी बँकेने नेहमीप्रमाणे याहीवेळी पीक कर्ज वाटपात आघाडी घेतली. जिल्ह्यात आत्तापर्यंत जे पीक कर्ज वाटप झाले त्यात या बँकेने सर्वाधिक ४० हजार ७७३ शेतकऱ्यांना पीक कर्ज वाटप केले. या शेतकऱ्यांना बँकेने ३०२ कोटी ३६ लाख रुपये वाटप केले आहे. सेवा सहकारी सोसायटींच्या माध्यमातून बँकेने या हंगामात पीक कर्ज वाटपात मोठी आघाडी घेतली. कोरोना, कर्जमाफीची प्रक्रिया यामुळे यंदा वेळेवेर कर्जपुरवठा सुरू होऊ शकला नव्हता, तरीही या बँकेने सहकारी सोसायटींच्या जाळ्याचा योग्य वापर करीत कर्ज वाटप केले.

इतर बँकांची जेमतेम कामगिरी
जिल्ह्यात ग्रामीण बँक; तसेच व्यावसायिक बँकांनी पीक कर्ज वाटपात मात्र हात आखडता घेतलेला आहे. ग्रामीण बँकेने आत्तापर्यंत ७८११ शेतकऱ्यांना ७१ कोटी ५५ लाख रुपये पीक कर्ज दिले आहे; तर व्यावसायिक बँकांनी १८ हजार ६१० शेतकऱ्यांना १७२ कोटी २८ लाख रुपये वाटप केले. जिल्ह्यांचा लक्षांक अद्याप ५० टक्के पूर्ण झालेला नाही. त्यातच कर्जमाफी न मिळालेल्यांची संख्याही अधिक असल्याने या शेतकऱ्यांना शासनाचे निर्देश असूनही बँकांनी पीक कर्जासाठी उभे केलेले नाही. जिल्ह्यात ७१ हजार शेतकऱ्यांना ४४५ कोटींचा कर्जमुक्तीचा लाभ आजवर मिळाला. त्यामुळे कर्जमुक्त झालेल्यापैंकी अंदाजे ५४ हजार नवीन सभासद पीक कर्जास पात्र ठरलेले आहेत.


इतर ताज्या घडामोडी
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...
नांदेड जिल्ह्यातील एक लाख ९२ हजार...नांदेड  ः यंदा जिल्ह्यातील २ लाख ६८ हजार...
ओसंडून वाहतोय आडोळ प्रकल्पशिरपूरजैन, जि. वाशीम ः दमदार पावसामुळे येथील आडोळ...
काटेपूर्णा प्रकल्प तुडुंब, पाणी साठ्यात...अकोला ः यंदाच्या मोसमात आत्तापर्यंत वेगवेगळ्या...
अकोला जिल्ह्यात युरिया खताचा वापर वाढलाअकोला ः जिल्ह्यामध्ये मागील वर्षाच्या तुलनेत...
राधानगरी धरणाचे दोन दरवाजे खुलेचकोल्हापूर : जिल्ह्याच्या पश्‍चिमेकडील...
नाशिक शहरात बैलपोळा साहित्याच्या...नाशिक : गेल्या वर्षांपासून शेतीमालाचे नुकसान व...
मालेगाव तालुक्यात भाजीपाल्यासह खरीप...नाशिक : मालेगाव तालुक्यातील पश्चिम भागात झालेल्या...
येलदरीच्या दोन दरवाजातून विसर्गपरभणी : बुलडणा जिल्ह्यातील खडकपूर्णा धरणातील...
सांगली जिल्ह्यात पावसाचा जोर ओसरलासांगली ः जिल्ह्यात पावसाचा जोर कमी झाला आहे....
नाशिकमध्ये ढोबळी मिरची प्रतिक्विंटल...नाशिक  : येथील कृषी उत्पन्न बाजार समितीमध्ये...