agriculture news in marathi, Akola district will get the benefits of pavement money | Agrowon

अकोला जिल्ह्यात पीकविम्याचे पैसे मिळणार

टीम अॅग्रोवन
रविवार, 26 ऑगस्ट 2018

अकोला : ‘‘पीकविम्याचे पैसे न मिळालेल्या जिल्ह्यातील शेतकऱ्यांना लवकरच पैसे मिळतील. शेतकऱ्यांनी निराश होऊ नये. ज्या मंडळामध्ये पीकविमा लागू झालेला आहे, ज्या शेतकऱ्यांकडे पीक विम्याची पावती आहे, त्यांना येत्या काही दिवसांत हे पैसे मिळतील``, अशी माहिती जिल्हाधिकारी आस्तिककुमार पाण्डेय यांनी दिली आहे.

अकोला : ‘‘पीकविम्याचे पैसे न मिळालेल्या जिल्ह्यातील शेतकऱ्यांना लवकरच पैसे मिळतील. शेतकऱ्यांनी निराश होऊ नये. ज्या मंडळामध्ये पीकविमा लागू झालेला आहे, ज्या शेतकऱ्यांकडे पीक विम्याची पावती आहे, त्यांना येत्या काही दिवसांत हे पैसे मिळतील``, अशी माहिती जिल्हाधिकारी आस्तिककुमार पाण्डेय यांनी दिली आहे.

प्रधानमंत्री पीक विमा योजना, फळपीक विमा योजना आणि गोपीनाथ मुंडे शेतकरी अपघात विमा योजना अंमलबजावणी आणि तक्रार निवारणासाठी जिल्हाधिकाऱ्यांच्या दालनात आयोजित बैठकीत ते बोलत होते. या वेळी जिल्हा अधीक्षक कृषी अधिकारी राजेंद्र निकम, नॅशनल इन्श्‍युरन्स कंपनीचे श्याम चिवरकर आदींसह अन्य विमा कंपनीचे प्रतिनिधी, तालुका कृषी अधिकारी, बँक अधिकारी, शेतकरी उपस्थित होते.

पीकविम्याचे पैसे मिळाले नाहीत. विम्याचे पैसे कर्ज खात्यात जमा झाले. पीक विमा रक्कम दुसऱ्या व्यक्तीच्या खात्यात जमा झाली. बोंड अळीची नुकसान भरपाई मिळावी. अतिवृष्टीमुळे नुकसान झालेल्या पिकांची भरपाई मिळावी,  अशा मागण्या बैठकीत शेतकऱ्यांनी केल्या.
पीकविमा जमा होण्यात झालेल्या गोंधळाची गंभीर दखल पांण्डेय यांनी घेऊन जिल्हा जिल्हा मध्यवर्ती बँकेला संबंधित शेतकऱ्याच्या खात्यात पैसे जमा करण्याचे आदेश दिले. पैसे जमा न झाल्यास कारवाई करण्याचा इशारा बॅंकेला दिला.

ज्या शेतकऱ्यांना विम्याचा लाभ भेटला नाही, त्यांची यादी येत्या तीन आठवड्यात प्रसिद्ध होणार आहे. या यादीत नाव नसलेल्या विमाधारक शेतकऱ्यांना तातडीने कार्यवाई करून लाभ मिळवून देण्याचे निर्देशही त्यांनी दिले.  मार्च-२०१७ पूर्वी ज्या शेतकऱ्यांचे विम्याचे पैसे कर्ज खात्यात जमा झाले आहेत, याबाबत योग्य त्या कार्यवाहीसाठी राज्यस्तरीय बँक समितीकडे प्रस्ताव पाठविण्याबाबतची सूचनाही करण्यात आली.

पीक विमा भरपाईच्या दोन याद्या आतापर्यंत प्रसिद्ध झाल्या आहेत. त्यापैकी पहिली यादी सहा जून रोजी प्रसिद्ध झाली. सुमारे ६३ कोटी रुपये शेतकऱ्यांच्या खात्यात जमा झाले आहेत. दुसरी यादी १६ जुलै रोजी प्रसिद्ध झाली असून, या द्वारे सुमारे ३९ कोटी रुपये शेतकऱ्यांच्या खात्यात जमा झाले. तिसरी यादी येत्या तीन आठवड्यात प्रसिद्ध होणार आहे. त्याद्वारे उर्वरित सर्व शेतकऱ्यांना पीक विम्याचे पैसे मिळतील, अशी माहिती विमा कंपनीचे चिवरकर यांनी दिली.


इतर ताज्या घडामोडी
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...
जावळी तालुक्यात वन्यप्राण्यांकडून... मेढा, जि. सातारा : जावळी तालुक्‍यात...
कातळावरील गोड्या पाण्यातील मत्स्यशेतीचा...सिंधुदुर्ग : जिल्ह्यातील कांदळगाव (ता. मालवण)...
सुरक्षित प्रवासासाठी प्रवाशांना सुविधा...नाशिक : प्रवाशांना अधिकाधिक सुविधा देऊन त्यांचा...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
बदलत्या हवामानात कृषी जैवविविधतेचे...संयुक्त राष्ट्रसंघाच्या कृषी जैवविविधता आणि अन्न...
हरितगृह वायू कोणते?मागील लेखामध्ये हरितगृह परिणाम म्हणजे काय, ते आपण...
जागतिक तापमानवाढीवर हरितगृह वायूंचा...सध्या सर्वत्र तापमानवाढीची चर्चा असली, तरी...
गिरणा परिसरात कांदा लागवडीकडे कलमेहुणबारे, जि. जळगाव  ः चाळीसगाव तालुक्‍यात...
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...