agriculture news in marathi, alert for cold wave in Vidharbha | Agrowon

विदर्भात थंडीच्या लाटेचा इशारा

टीम अॅग्रोवन
गुरुवार, 31 जानेवारी 2019

पुणे : उत्तरेकडील राज्यांमधून येणाऱ्या वाऱ्याच्या प्रवाहामुळे राज्यात थंडी वाढली आहे. उत्तर महाराष्ट्र, विदर्भ, मराठवाड्यात अनेक ठिकाणी किमान तापमानात सरासरीच्या तुलनेत तब्बल ६ ते ८ अंशांची घट झाल्याने थंडीची लाट आली आहे. बुधवारी (ता. ३०) सकाळी धुळे येथील कृषी महाविद्यालयात राज्यातील नीचांकी ३.४ अंश सेल्सिअस तापमानाची नोंद झाली. आज (ता. ३१) राज्यात थंडीचा कडाका कायम राहण्याबरोबच विदर्भात थंडीच्या लाटेचा इशारा हवामान विभागाने दिला आहे.  

पुणे : उत्तरेकडील राज्यांमधून येणाऱ्या वाऱ्याच्या प्रवाहामुळे राज्यात थंडी वाढली आहे. उत्तर महाराष्ट्र, विदर्भ, मराठवाड्यात अनेक ठिकाणी किमान तापमानात सरासरीच्या तुलनेत तब्बल ६ ते ८ अंशांची घट झाल्याने थंडीची लाट आली आहे. बुधवारी (ता. ३०) सकाळी धुळे येथील कृषी महाविद्यालयात राज्यातील नीचांकी ३.४ अंश सेल्सिअस तापमानाची नोंद झाली. आज (ता. ३१) राज्यात थंडीचा कडाका कायम राहण्याबरोबच विदर्भात थंडीच्या लाटेचा इशारा हवामान विभागाने दिला आहे.  

 हिमालय पर्वत आणि लगतच्या परिसरात असेलेल्या पश्चिमी चक्रावाताच्या स्थितीमुळे या भागात हिमवृष्टी होण्याची शक्यता आहे. या भागात वाहणारे थंड वारे देशाच्या सपाट भूभागाकडे येत आहेत. त्यामुळे मध्य प्रदेश, महाराष्ट्र, ओडिशा, छत्तीसगड राज्यात थंडीची लाट आली आहे. वाऱ्याच्या दिशेमध्ये होत असल्याने दोन दिवस मध्य प्रदेश आणि छत्तीसगडमध्ये, तर आज (ता.३१) विदर्भात थंडीची लाट येण्याची शक्यता हवामान विभागाने वर्तविली आहे. सोमवारपासून (ता.४) मध्य भारतात पावसाला पोषक हवामान होण्याची शक्यता आहे.

बुधवारी (ता. ३०) सकाळी पूर्व राजस्थानच्या भिलवाडा येथे देशाच्या सपाट भूभागावरील नीचांकी १.६ अंश सेल्सिअस तापमानाची नोंद झाली, तर राज्यातील निफाड येथील गहू संशोधन केंद्रात सलग दुसऱ्या दिवशी ४ अंश सेल्सिअस तापमान नोंदले गेले. परभणी येथील वसंतराव नाईक मराठवाडा कृषी विद्यापीठात ४ अंश सेल्सिअस, तर नागपूर येथे ४.६ अंश सेल्सिअस तापमानाची नोंद झाली. नगर, जळगाव, मालेगाव, नाशिक, औरंगाबाद, परभणी, अकोला, गोंदिया, यवतमाळ, वर्धा येथे किमान तापमान ७ अंशांच्या आसपास होते.  

बुधवारी (ता. ३०) सकाळी राज्यातील विविध ठिकाणचे किमान तापमान, कंसात सरासरीच्या तुलनेत तफावत (अंश सेल्सिअसमध्ये) : पुणे ८.२ (-३.३), नगर ६.७ (-५.८), जळगाव ६.४ (-६.१), कोल्हापूर १५.५ (-०.१), महाबळेश्‍वर ११.६ (-२.३), मालेगाव ७.४ (-३.५), नाशिक ७.६, सांगली १३.० (-१.४), सातारा ११.६ (-१.४), सोलापूर ११.७(-५.१), सांताक्रुझ १५.४(-२.१), अलिबाग १६.७(-१.०), रत्नागिरी १९.७(०.६), डहाणू १५.२(-२.२), आैरंगाबाद ७.०(-५.६), परभणी ७.५ (-७.७), नांदेड ८.० (-६.८), उस्मानाबाद १०.६, अकोला ७.०(-७.८), अमरावती ८.०(-७.३), बुलडाणा ८.२ (-७.५), चंद्रपूर ८.२(-७.३), गोंदिया ६.५(-७.८), नागपूर ४.६(-९.५), वर्धा ७.४(-६.९), यवतमाळ ७.४(-८.८).


इतर अॅग्रो विशेष
उत्तर भारतात मॉन्सूनची प्रगती पुणे : उत्तर भारतात मॉन्सूनला प्रगतीसाठी पोषक...
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
काळ्या भाताच्या लागवडी तथ्य तपासूनच...नाशिक : सध्या राज्याच्या विविध भागांत अनेक शेतकरी...
‘एक राज्य एक ब्रँड’ धोरण स्वीकारा;...औरंगाबाद : अनिष्ट ब्रँड वार रोखण्यासाठी एक राज्य...
बहुमजली, शाश्‍वत, नैसर्गिक शेती पद्धती...मध्य प्रदेशातील तिली (जि. सागर) येथील आकाश...
विदर्भात मुसळधारेची शक्यता पुणे : उत्तरेकडे मॉन्सून गेल्यानंतर राज्यातील...
दूधप्रश्‍नी शेतकरी आक्रमक; राज्यभरात...नगर ः दुधाला दर मिळावा यासाठी गुरुवारी (ता. १७)...
‘द्राक्ष क्लस्टर’मध्ये नाशिकचा समावेश नाशिक : केंद्र सरकारने देशभरात विविध ५३ पिकांचे...
सूक्ष्म अन्न उद्योग उन्नयन योजनेला गती...पुणे ः पंतप्रधान सूक्ष्म अन्न उद्योग उन्नयन योजना...
कोकणसह कोल्हापुरात पावसाने दाणादाण पुणे : कोकणातील सिंधुदुर्ग, रत्नागिरी, रायगड,...
पुनर्रचित हवामान आधारित फळपीक विम्याचे...सोलापूर ः राज्यातील फळबागांसाठी असलेल्या...
सिंधुदुर्ग पूरस्थितीच्या उंबरठ्यावरसिंधुदुर्गनगरी ः जिल्ह्यात सुरू असलेल्या मुसळधार...
राज्यात कांदा प्रतिक्विंटल ५०० ते २३००...अकोल्यात प्रतिक्विंटल ६०० ते १६०० रुपये अकोला ः...
खानदेशातील आवार प्रगतीवर स्वारआवार (ता.जि. जळगाव) हे कापूस, दादर ज्वारीसाठी...