अलिबागचा पांढरा कांदा ‘जीआय’च्या वाटेवर

Alibaugh Onion
Alibaugh Onion

पुणे : औषधी गुणधर्मांसाठी प्रसिद्ध असलेल्या अलिबागच्या पांढऱ्या कांद्याला भौगोलिक निर्देशांक (जीआय) मिळवण्याचे प्रयत्न सुरू झाले आहेत. अलिबाग पांढरा कांदा शेतकरी उत्पादक गटातर्फे त्यासाठी करण्यात आलेला प्रस्ताव चेन्नई येथील ‘जीआय रजिस्ट्री’कडून स्वीकारण्यात आहे. प्रस्तावात देण्यात आलेल्या मुद्द्यांचे तांत्रिक मूल्यमापन झाल्यानंतर या कांद्याला जीआय मिळण्याचा मार्ग मोकळा होणार आहे.  पुणे येथील ‘जीएमजीसी’ कंपनीचे प्रमुख व भौगोलिक निर्देशांक (जीआय) विषयातील तज्ज्ञ गणेश हिंगमिरे यांनी याबाबत माहिती दिली. ते म्हणाले, की अलिबागचा पांढरा कांदा वैशिष्ट्यपूर्ण समजला जातो. चवीला अन्य कांद्यापेक्षा गोड, टिकाऊ अशी त्याचे वैशिष्ट्ये आहेत. महिलांकडून कुशलतेने या कांद्याची माळ किंवा वेणी केली जाते व ती प्रसिद्ध आहे. अलिबाग भागातील हे पारंपरिक बियाणे आहे. भातकाढणी झाल्यानंतर दोन महिन्यांच्या कालावधीत ओलाव्याच्या आधारे हा कांदा लावण्यात येतो.  जागतिक बाजारपेठेत संधी  हिंगमिरे म्हणाले, की रायगडचे पांढरे सोने म्हणूनच या कांद्याला ओखले जाते. या बहुगुणी कांद्याला जीआय मिळाल्यास भारतातील विविध राज्यांबरोबरच परदेशांतही त्याला बाजारपेठ मिळण्याची मोठी संधी आहे. रायगड कृषी विभाग- आत्माअंतर्गत प्रकल्प अधिकारी दिनेश शेळके यांनी या कांद्याच्या जीआयसाठी पुढाकार घेतला आहे. डॉ. बाळासाहेब सावंत कोकण कृषी विद्यापीठातील जितेंद्र कदम यांनीही त्यासाठी विशेष प्रयत्न केले आहेत. मागील वर्षी २४ सप्टेंबरला अलिबाग पांढरा कांदा शेतकरी उत्पादक गटाची स्थापना आत्माच्या पुढाकाराने झाली. त्यांच्यातर्फेच जीआयचा प्रस्ताव करण्यात आला आहे.  यंदाच्या १६ जानेवारीला चेन्नई येथील ‘जीआय रजिस्ट्री’कडून तो स्वीकारण्यात आला आहे. या कांद्याबाबत सादर करण्यात आलेल्या वैशिष्ट्यांचे सर्व शास्त्रीय कसोट्यांवर मूल्यमापन होऊन मग त्याला जीआय प्राप्त होण्याचा मार्ग मोकळा होऊ शकेल, असे हिंगमिरे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com