पुणे जिल्ह्यातील सगळी धरणे तुडूंब

पुणे जिल्ह्यातील जवळपास सर्वच धरणे भरली असून एकूण २१३.१३ टीएमसी एवढा उपयुक्त पाणीसाठा झाला आहे. यामध्ये उजनी धरणाचाही समावेश आहे. उन्हाळ्यात पाणी टंचाई कमी भासण्याची शक्यता जलसंपदा विभागाच्या सूत्रांनी वर्तविली आहे.
All the dams in Pune district have been breached
All the dams in Pune district have been breached

पुणे ः चालू वर्षी ऑगस्ट आणि सप्टेंबरमध्ये झालेल्या पावसामुळे धरणांतील पाणी पातळीत वाढ झाली आहे. पुणे जिल्ह्यातील जवळपास सर्वच धरणे भरली असून एकूण २१३.१३ टीएमसी एवढा उपयुक्त पाणीसाठा झाला आहे. यामध्ये उजनी धरणाचाही समावेश आहे. उन्हाळ्यात पाणी टंचाई कमी भासण्याची शक्यता जलसंपदा विभागाच्या सूत्रांनी वर्तविली आहे.

यंदा एक जून रोजी मॉन्सून दाखल झाल्यानंतर जिल्ह्यातील अनेक भागात जोरदार पाऊस झाला होता. परंतु जून व जुलैमध्ये पावसाचे प्रमाण कमी राहिल्याने धरणातील पाणी पातळी फारशी वाढलेली नव्हती. त्यामुळे पाणी टंचाई भासण्याची शक्यता वर्तविण्यात येत होती. मात्र, जून, जुलैमध्ये पाऊस कमी झाला असला तरी ऑगस्ट, सप्टेंबरमध्ये दमदार पाऊस झाला. साधारणपणे तीन ऑगस्टपासून जिल्ह्याच्या धरणक्षेत्रात चांगलाच जोर होता. त्यातच परतीच्या पावसानेही ऑक्टोबरमध्ये हजेरी लावली. त्यामुळे जवळपास सर्वच धरणांतून कमीअधिक प्रमाणात पाण्याचा विसर्ग सोडण्यात आला होता.

गेल्या वर्षी याच काळात या सर्व धरणांत २१३.९१ टीएमसी पाणीसाठा होता. यंदाही गेल्या वर्षी एवढीच वाढ झाल्याचे दिसून येते. यंदा उशिराने झालेल्या जोरदार पावसामुळे धरणांत मोठ्या प्रमाणात पाणीसाठा झाला आहे. यामुळे आगामी काळात पाणी टंचाई भासण्याची शक्यता कमी असल्याचे चित्र आहे.

सध्या वरसगाव, पानशेत, पवना, टेमघर, कासारसाई, मुळशी, कळमोडी, आंध्रा, शेटफळ, गुंजवणी, भाटघर, नीरा देवघर, वीर, नाझरे, डिंभे, उजनी अशी सर्वच धरणे शंभर टक्के भरली आहेत. त्यामुळे भाटघर, नीरा देवघर, वीर, नाझरे, डिंभे, घोड, उजनी, खडकवासला, कासारसाई, कळमोडी, चासकमान, आंध्रा, उजनी या धरणांतून पाण्याचा विसर्ग कालवा आणि नदीमध्ये सोडण्यात आला होता. यामुळे कानंदी, कऱ्हा, घोड, भीमा, मुठा, पवना, आरळा, इंद्रायणी नद्या पाण्याने दुथडी भरून वाहत होत्या.

एक जूनपासून धरणाच्या पाणलोट क्षेत्रनिहाय झालेला पाऊस (मिलिमीटरमध्ये) ः टेमघर ३०८९, वसरगाव २३३९, पानशेत २४५३, खडकवासला १३८३, पवना १८५४, कासारसाई १२८२, मुळशी ३१७९, कळमोडी १११५, चासकमान ९१०, भामा आसखेड १०३३, आंध्रा १२१५, वडीवळे २३२२, गुंजवणी २३६०, भाटघर ११०८, निरा देवघर २१३९, वीर ७३१, नाझरे ८२८, पिंपळगाव जोगे ७८७, माणिकडोह ७७३, येडगाव १०६९, वडज ५७९, डिंभे १०९०, चिल्हेवाडी ९०९, घोड ६५६, विसापूर ५१३, उजनी १०११.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com