कोल्हापूर जिल्ह्यात दिवसभर संततधार पावासाची हजेरी

कोल्हापूर : जिल्ह्यात दिवसभर संततधार पाऊस सुरूच राहिला. बुधवारी (ता.३) पहाटेपासून जिल्ह्यात विविध ठिकाणी पावसास सुरुवात झाली.
All day in Kolhapur district The presence of continuous rain
All day in Kolhapur district The presence of continuous rain

कोल्हापूर : जिल्ह्यात दिवसभर संततधार पाऊस सुरूच राहिला. बुधवारी (ता.३) पहाटेपासून जिल्ह्यात विविध ठिकाणी पावसास सुरुवात झाली. थोड्याशा विश्रांतीनंतर अधून-मधून संततधार पाऊस येतच राहिला. निसर्ग चक्रीवादळाच्या प्रभावाने जिल्ह्यात सर्वच ठिकाणी संततधार पाऊस सुरू होता. 

जिल्ह्यात बुधवारी सकाळी ८ वाजता संपलेल्या चोवीस तासांत करवीर तालुक्यात सर्वाधिक ९८.३६ मिमी, तर शिरोळ तालुक्यात सर्वात कमी १०.१४ मिमी पावसाची नोंद झाली. गगनबावडा शाहूवाडी राधानगरी तालुक्यात ५० मि.मी हून अधिक पाऊस झाला. जिल्ह्यातील राधानगरी धरणात ३९ दलघमी पाणीसाठा आहे. सकाळी ७ च्या अहवालानुसार सातारा जिल्ह्यातील कोयना धरणातून २१०० क्युसेक पाण्याचा विसर्ग सुरू आहे. 

सतत पडणाऱ्या पावसामुळे पेरणीसाठी अतिशय चांगले वातावरण झाल्याचे चित्र जिल्ह्यात पाहावयास मिळत आहे. पश्चिम भागात जवळजवळ चाळीस ते पन्नास टक्के धुळवाफ पेरण्या आटोपल्या आहेत. अनेक शेतकरी संततधार पावसात ही पेरण्या करत आहेत. गेल्या दोन दिवसांपासून सातत्याने पाऊस असल्याने याचा फायदा येणाऱ्या खरीप हंगामास चांगल्या प्रमाणात होईल, अशी शक्यता कृषी विभाग व शेतकऱ्यांनी व्यक्त केली.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com