शासनाच्या सर्व योजनांत सातारा जिल्हा अव्वल ः श्‍वेता सिंघल

शासनाच्या सर्व योजनांत सातारा जिल्हा अव्वल ः श्‍वेता सिंघल
शासनाच्या सर्व योजनांत सातारा जिल्हा अव्वल ः श्‍वेता सिंघल

सातारा ः जिल्ह्यात महसूल विभागातील सर्वच अधिकारी, कर्मचारी क्षमतापूर्ण असल्यामुळेच शासनाची कोणतीही योजना आली तरी त्यात सातारा अव्वल क्रमांकावर राहिला आहे, असे गौरवोद्‌गार जिल्हाधिकारी श्‍वेता सिंघल यांनी काढले.  

कऱ्हाड उपविभागातर्फे येथे आयोजित महसूल दिनाच्या कार्यक्रमात त्या बोलत होत्या. अप्पर जिल्हाधिकारी साहेबराव गायकवाड, निवासी उपजिल्हाधिकारी सुनील थोरवे, महसूल उपजिल्हाधिकारी विद्युत वरखेडकर, उपजिल्हाकारी पूनम मेहता, कीर्ती नलावडे आदींसह सर्व उपजिल्हाधिकारी, प्रांताधिकारी, तहसीलदार, नायब तहसीलदार उपस्थित होते. कार्यक्रमाच्या नेटक्‍या नियोजनाबद्दल जिल्हाधिकारी सिंघल यांनी प्रांताधिकारी खराडे व तहसीलदार वाकडे यांचे कौतुक केले. पुढच्या वर्षी महसूल दिनाची जबाबदारी वाई उपविभागाकडे असल्याचेही श्रीमती सिंघल यांनी या वेळी जाहीर केले. 

गुढीपाडव्यालाही तलाठ्यांनी सुटी न घेता केलेले कामामुळेच जिल्हा अनेक कामांत अव्वल आहे. त्यामुळेच लोकसभा निवडणुकीतही चार टक्के मतदान वाढले, नवमतदारांची नावनोंदणी वाढली आहे. महसूल वसुलीतही अव्वल राहिल्याने काम चांगले झाले आहे. महसूल वसुलीत साहेबराव गायकवाड यांनी मेहनत घेतली. निवडणूक व दुष्काळात सर्वांनीच चांगले काम केले. माण, खटाव, फलटण, कोरेगावच्या प्रांत, तहसीलदारांनी उल्लेखनीय काम केले. 

अप्पर जिल्हाधिकारी श्री. गायकवाड, फलटणचे तहसीलदार हणमंत पाटील, चंद्रकांत पारवे, सागर कारंडे यांची भाषणे झाली. या वेळी महसूलमधील उल्लेखनीय काम करणाऱ्या अधिकारी, कर्मचाऱ्यांचा सत्कार करण्यात आला. प्रांताधिकारी हिम्मत खराडे, तहसीलदार अमरदीप वाकडे यांनी स्वागत केले. श्री. जानुगडे यांनी सूत्रसंचालन केले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com