Agriculture news in marathi Also produce CNG gas | Page 2 ||| Agrowon

कारखान्यांनी सीएनजी गॅसही तयार करावा : पवार

टीम अॅग्रोवन
रविवार, 24 जानेवारी 2021

राज्याला समृद्धीच्या मार्गावर नेण्यासाठी साखर कारखानदारांची महत्त्वाची भूमिका आहे. आता कारखान्यांनी सीएनजी गॅस तयार करण्यावरही भर द्यावा, असे मत ज्येष्ठ नेते खासदार शरद पवार यांनी व्यक्त केले.

शिराळा, जि. सांगली : राज्याला समृद्धीच्या मार्गावर नेण्यासाठी साखर कारखानदारांची महत्त्वाची भूमिका आहे. साखर उद्योगात वीजनिर्मिती, इथेनॉल, लिकर यांची निर्मिती केली जाते. त्याचबरोबर आता कारखान्यांनी सीएनजी गॅस तयार करण्यावरही भर दिला पाहिजे, असे मत ज्येष्ठ नेते खासदार शरद पवार यांनी व्यक्त केले.

 चिखली (ता. शिराळा) शुक्रवारी (ता. २२) सायंकाळी पाच वाजता येथे लोकनेते फत्तेसिंगराव नाईक यांच्या पूर्णाकृती पुतळ्याच्या अनावरणानंतर ते बोलत होते. नवीन व्यावसायिक दालने सुरू करा. लागेल ती मदत करू, असे त्यांनी सांगितले.  

वेळी सहकार व पणन मंत्री बाळासाहेब पाटील, सहकार, कृषी व सामाजिक न्याय राज्यमंत्री डॉ. विश्वजित कदम, आमदार मानसिंगराव नाईक, खासदार श्रीनिवास पाटील, खासदार धैर्यशील माने, माजी मंत्री अण्णासाहेब डांगे, आमदार मोहनराव कदम, आमदार सुमन पाटील, अरुण लाड, कारखान्याचे उपाध्यक्ष, माजी आमदार बाबासाहेब पाटील, माजी आमदार सत्यजित पाटील, जिल्हा परिषदेचे माजी उपाध्यक्ष सत्यजित देशमुख आदी उपस्थित होते.

 पवार म्हणाले, ‘‘कारखान्यांमार्फत सीएनजी गॅसची निर्मिती झाल्यास कमी दरात लोकांना गॅस मिळू लागल्यास पैसे वाचतील. कारखान्यांना अधिक उत्पन्न मिळेल. त्याचबरोबर या उत्पादनातून शेतकऱ्यांना अधिकाधिक लाभ मिळेल. त्यामुळे कारखान्यांनी अशा नवनवीन प्रयोगांना प्राधान्य द्यावे. फत्तेसिंगराव नाईक यांचा पुतळा नव्या पिढीत चेतना निर्माण करून प्रेरणा देण्याचे काम करेल.’’

पालकमंत्री जयंत पाटील म्हणाले, ‘‘उत्तर भागाच्या पाण्याच्या प्रश्नाचे अप्पांचे स्वप्न वाकुर्डे योजनेच्या माध्यमातून दोन वर्षांत पूर्ण झालेले दिसेल. मानसिंगराव नाईक यांच्या प्रयत्नातून चांदोली पर्यटनास लवकरच गती मिळेल.’’  

माजी आमदार शिवाजीराव नाईक म्हणाले, ‘‘डोंगरी विभागासाठी अप्पांनी केलेले काम दिशादर्शक आहे. त्यांच्या सानिध्यात आलेल्या लोकांना ते साथ देत. निवडणुकीकडे राजकारणात पुरते पाहून सर्वांगीण विकासासाठी झटणारे त्यांचे नेतृत्व होते.’’ 

खासदार श्रीनिवास पाटील म्हणाले, अप्पांच्या कार्याची प्रचिती व त्यांनी दिलेला विश्वास न विसरण्यासारखा आहे. शिराळा, वाळवा व कऱ्हाड तालुक्‍याच्या पाण्यासाठी त्यांनी भगीरथ प्रयत्न केले.’’

आमदार मानसिंगराव नाईक म्हणाले, ‘‘अप्पांनी शेतीच्या पाण्याचा ध्यास घेऊन काम केले. उत्तर भागाला पाणी मिळण्याचे स्वप्न जयंत पाटील यांच्या माध्यमातून पूर्ण होईल.’’ विराज नाईक यांनी स्वागत केले. अमरसिंह नाईक, राजेंद्रसिंह नाईक, साम्राटसिंह नाईक, ॲड. भगतसिंग नाईक, सुनीतादेवी नाईक, नगराध्यक्षा सुनीता निकम, दिनकरराव पाटील, शिवाजीराव घोडे, विष्णू पाटील, विश्वास कदम, कार्यकारी संचालक राम पाटील उपस्थित होते.


इतर ताज्या घडामोडी
सोलापुरात कोथिंबीर, मेथीच्या दरात...सोलापूर  ः सोलापूरबाजार समितीच्या आवारात...
औरंगाबादमध्ये कैरी खातेय भाव;...औरंगाबाद : आठवडाभरात जवळपास चार वेळा आवक झालेली...
नाशिकमध्ये डाळिंबांच्या आवकेत सुधारणा;...नाशिक : येथील बाजार समितीमध्ये गत सप्ताहात...
आरोग्यदायी हळद मिश्रित दूधहळदीचा वापर औषधोपचारामध्ये चांगल्या प्रकारे होते...
कोल्हापूरच्या उन्हाळी नाचणी प्रयोगाचे...कोल्हापूर/नगर : कोल्हापूर जिल्ह्यातील पन्हाळा...
केंद्र सरकार शेतकऱ्यांना आत्मनिर्भर...नागपूर : शेतकऱ्यांना संघटित करीत त्यांना देखील...
नगर जिल्ह्यात दीड लाख हेक्टरवर कांदा...नगर ः पाण्याची उपलब्धता असल्याने नगर जिल्ह्यात...
रुंद सरी वरंबा पद्धतीबाबत...जळगाव ः सुसरी (ता. भुसावळ) येथे नुकतेच जळगाव...
औरंगाबादेत बटाटा सरासरी ८०० रुपये...औरंगाबाद : येथील कृषी उत्पन्न बाजार समितीमध्ये...
हरभरा विक्रीसाठी ३७८३ शेतकऱ्यांची नोंदणीपरभणी/हिंगोली : केंद्र शासनाच्या आधारभूत किंमत (...
‘बॉयोमिक्‍स’मुळे विद्यापीठास वेगळी ओळख...परभणी ः वनस्पती रोगशास्त्र विभागातर्फे निर्मित...
केंद्र सरकारचे कृषी कायदे शेतकरी हिताचे...गडचिरोली : केंद्र सरकारने पारित केलेले कृषी कायदे...
पावसाळ्यातील भरपाईसाठी गावकरी करणार...भंडारा : तुमसर तालुक्‍यातील वैनगंगा, बावनथडी...
कोल्हापूरसाठी पाच फिरते पशुवैद्यकीय...कोल्हापूर : फिरत्या पशुवैद्यकीय दवाखान्यासाठी पाच...
वनमंत्री संजय राठोड यांचा अखेर राजीनामामुंबई : पूजा चव्हाण आत्महत्या प्रकरणात शिवसेना...
स्वतःच्या तुंबड्या भरण्यासाठी ...मुंबई : कॉँग्रेसच्या काळात आंतरराष्ट्रीय...
‘चामोली’ आपत्तीचा अन्वयार्थबर्फ वितळल्यानंतर उघडा पडलेला मातीचा भाग शेती,...
कृषी सल्ला : भुईमूग, हरभरा, मका, खोडवा...हरभरा पीक सर्वसाधारणपणे ११० ते १२० दिवसांमध्ये...
गहू कापणी, साठवणीचे नियोजनगेल्या काही दिवसांपासून थंडी कमी होत असून...
पुण्यात काकडी, फ्लॉवरच्या दरात सुधारणापुणे ः गुलटेकडी येथील कृषी उत्पन्न बाजार...