Agriculture News in Marathi In Ambegaon taluka Start planting potatoes | Page 2 ||| Agrowon

आंबेगाव तालुक्यात  बटाटा लागवड सुरू 

टीम अॅग्रोवन
बुधवार, 15 सप्टेंबर 2021

बटाटा उत्पादनाचे आगार असणाऱ्या आंबेगाव तालुक्‍यातील लौकी, महाळुंगे पडवळ, कळंब, चास आदी ३० गावांत रब्बी हंगामातील बटाटा लागवडीला सुरुवात झाली आहे.

महाळुंगे पडवळ, जि. पुणे : बटाटा उत्पादनाचे आगार असणाऱ्या आंबेगाव तालुक्‍यातील लौकी, महाळुंगे पडवळ, कळंब, चास आदी ३० गावांत रब्बी हंगामातील बटाटा लागवडीला सुरुवात झाली आहे. मजूरटंचाईवर मात करण्यासाठी ट्रॅक्‍टरच्या साह्याने आधुनिक तंत्रज्ञानाद्वारे लागवड करण्याकडे शेतकऱ्यांचा कल वाढला आहे. 

हुतात्मा बाबू गेनू सागर (डिंभे धरण) १०० टक्के भरले आहे. तसेच घोडनदी, उजव्या व डाव्या कालव्यांना पाणी सोडले आहे. त्यामुळे शाश्‍वत पाणी उपलब्ध झाले आहे. चांडोली बुद्रुक, महाळुंगे पडवळ, नांदूर, टाकेवाडी, विठ्ठलवाडी, थोरांदळे, भराडी, नागापूर, जाधववाडी, रांजणी आदी ४० गावांत बटाटा लागवड केली जात आहे. नगदी पैसे मिळवून देणारे पीक म्हणून बटाटा पीक आहे. कोरोनामुळे बटाटा लागवड करण्यासाठी मजुरांची टंचाई आहे. त्यामुळे शेतकरी ट्रॅक्‍टरच्या साह्याने लागवडी करत असल्याचे चित्र पहावयास मिळत आहे.
 
‘‘चार एकर क्षेत्रात बटाटा बियाण्याची लागवड केली आहे. लागवडीसाठी मजूर उपलब्ध होत नसल्याने यांत्रिकीकरणाचा वापर बटाटा लागवड करत आहेत. एक हजार रुपये तास या प्रमाणे ट्रॅक्‍टरद्वारे लागवडीचा दर आहे. यंत्राद्वारे लागवड केल्यामुळे बियाणे जमिनीत गाडून सरी वरंबा तयार होतो. तसेच वेळ, पैसा व खर्चात मोठ्या प्रमाणात बचत होते,’’ असे लौकी येथील शेतकरी श्रीकांत थोरात यांनी सांगितले. 

‘‘बटाटा वाणाचे बाजारभाव या वर्षी कमी आहेत. तसेच धरण भरल्याने शाश्‍वत पाणी उपलब्ध झाले आहे. त्यामुळे बटाटा लागवड क्षेत्रात वाढ होईल. जवळपास २५० हेक्‍टर क्षेत्रात रब्बी हंगामात लागवड होईल असा अंदाज आहे,’’ असे आंबेगाव तालुक्‍याचे कृषी अधिकारी टी. के. चौधरी यांनी सांगितले. 

 


इतर बातम्या
विपरीत परिस्थितीत तग धरणाऱ्या...नागपूर ः दुष्काळी भागात नाचणी पीक तग धरू शकते....
जतमध्ये यंदा मुबलक पाणीसाठा सांगली : जत तालुक्यात २७ प्रकल्प असून, २५३७.८२...
बटाटा वाणाचे भाव तेजीत मंचर, जि. पुणे : बाजार समितीच्या आवारात मराठवाडा...
दिवाळीनंतरच कृषी महाविद्यालये गजबजणारपुणे ः राज्यात कोविडमुळे बंद पडलेले कृषी...
यूपी सरकारची भूमिका वेळकाढूपणाचीनवी दिल्ली ः उत्तरप्रदेशातील लखीमपूर खिरी येथील...
नांदेड जिल्ह्यात रब्बीत साडेतीन लाख...नांदेड : जिल्ह्यात आगामी रब्बी हंगामात पेरणी...
एफआरपीपेक्षा  जादा दर मिळणार?कोल्हापूर : प्रति वर्षीप्रमाणे यंदाही स्वाभिमानी...
नांदेड जिल्ह्यातील वीस हजार शेतकरी...नांदेड : महात्मा ज्योतिराव फुले शेतकरी कर्जमुक्ती...
जिरायत, बागायत जमीन विक्रीवरील निर्बंध ...नाशिक : ‘‘शासनाच्या नव्या धोरणानुसार जमीन...
चंदन लागवडीला प्रोत्साहन; अगरबत्ती...मुंबई : चंदन लागवडीला प्रोत्साहन देणे तसेच...
धुळे : अमरिश पटेल यांचा बिनविरोधसाठी... धुळे : बहुचर्चित धुळे-नंदुरबार जिल्हा मध्यवर्ती...
परभणी जिल्ह्यात कापसाला किमान सात हजार...परभणी ः जिल्ह्यात यंदाच्या हंगामातील खासगी कापूस...
खानदेशात रब्बीची पेरणी २०० टक्के होणे...जळगाव ः खानदेशात रब्बी पेरणीची तयारी सुरू झाली...
‘महावितरण’ची थकबाकी वसुली अत्यावश्यक :...नाशिक : ‘‘वीजनिर्मिती कंपन्यांकडून वीज विकत घेऊन...
परराज्यांतील भात रोखा : मंत्री छगन भुजबळ गडचिरोली :  परराज्यांतील भात (धान) चोरट्या...
शिरपूर तालुक्यात आठ बंधाऱ्यांच्या...शिरपूर, जि. धुळे : तालुक्यातील बोरगाव, जातोडा आणि...
पावसाची उघडीप राहणारपुणे : बंगालच्या उपसागरातील कमी दाबाच्या...
हरभरा बियाणे वितरणासाठी कृषी विभागाची...पुणे ः राज्यातील रब्बी हंगामात हरभऱ्याचे क्षेत्र...
इथेनॉलनिर्मिती १५० कोटी लिटरच्या पुढे...पुणे ः राज्याची एकूण इथेनॉलनिर्मिती क्षमता येत्या...
‘सिबिल’वर ठरतेय कर्जदाराची पतसोलापूर : रिझर्व्ह बॅंकेच्या निकषांनुसार आता...