agriculture news in marathi, americal fall army warm on crops, sangli, maharashtra | Agrowon

सांगली जिल्ह्यात अमेरिकन लष्करी अळीने १०२८ हेक्टर क्षेत्र बाधित

टीम अॅग्रोवन
सोमवार, 22 जुलै 2019

सांगली ः जिल्ह्यात मक्यावर अमेरिकन लष्करी अळीचा प्रादुर्भाव होण्यास सुरवात झाली आहे. १०२८ हेक्टर क्षेत्रावरील मका बाधित झाला आहे. अनेक भागांतील संपूर्ण क्षेत्र बाधित झाले आहे. त्यामुळे शेतकरी हवालदिल झाला आहे. लष्करी अळीमुळे बाधित क्षेत्राचे पंचनामे करून नुकसानभरपाई मिळावी, अशी मागणी शेतकरी करू लागले आहेत.

सांगली ः जिल्ह्यात मक्यावर अमेरिकन लष्करी अळीचा प्रादुर्भाव होण्यास सुरवात झाली आहे. १०२८ हेक्टर क्षेत्रावरील मका बाधित झाला आहे. अनेक भागांतील संपूर्ण क्षेत्र बाधित झाले आहे. त्यामुळे शेतकरी हवालदिल झाला आहे. लष्करी अळीमुळे बाधित क्षेत्राचे पंचनामे करून नुकसानभरपाई मिळावी, अशी मागणी शेतकरी करू लागले आहेत.

जिल्ह्यात मक्याचा २५ हजार ३११ हेक्टरवर पेरा झाला आहे. गेल्या महिन्यापासून मक्यावर अमेरिकन लष्करी अळीचा प्रादुर्भाव होण्यास सुरवात झाली आहे. त्यामुळे शेतकऱ्यांत चिंतेचे वातावरण निर्माण झाले. हळूहळू मकापिकाचे नुकसान होऊ लागले. अनेक शेतकऱ्यांचे सत्तर टक्क्यांहून अधिक क्षेत्र बाधित झाले आहे. अळीचा प्रादुर्भाव वाढू लागला आहे. त्यामुळे शेतकरी अडचणीत सापडला आहे. 

दरम्यान, लष्करी अळीचा प्रादुर्भाव झाल्यावर शेतकऱ्यांनी कृषी विभागाशी संपर्क केला. काही ठिकाणी अधिकारी बांधावर पोचले. शेतकऱ्यांना मार्गदर्शन करण्यास सुरवात केली आहे. परंतु, शेतकऱ्यांना वेळेत मार्गदर्शन मिळत नाही. अगोदर दुष्काळ, त्यात आता मक्यावर अमेरिकन लष्करी अळीचा प्रादुर्भाव, यामुळे शेतकऱ्यांना आर्थिक फटका बसला आहे. बाधित झालेल्या क्षेत्राचे पंचनामे करून भरपाई द्यावी, अशी मागणी शेतकरी करू लागले 
आहेत.

मक्यावर लष्करी अळीचा प्रादुर्भाव वाढू लागला आहे. काही ठिकाणी कृषी विभागाकडून मार्गदर्शन केले जात आहे. त्यामुळे शेतकऱ्यांच्या बांधावर जाऊन याचे मार्गदर्शन मेळावे, औषधफवारणी, एकात्मिक कीडव्यवस्थापन, याची माहिती दिली जात आहे. एकात्मिक कीडव्यवस्थापन करण्यासाठी २८ गावे निवडली आहेत. या गावात कृषी विभागाचे अधिकारी कामगंध सापळे लावत असून, शेतकऱ्यांना प्रशिक्षण दिले जात आहे.

प्रतिक्रिया

जिल्ह्यात मक्यावर अमेरिकन लष्करी अळीचा प्रादुर्भाव झाला असून, आम्ही त्यावर नियंत्रण आणण्यासाठी शेतकऱ्यांमध्ये जनजागृती करीत आहोत. सध्या पाऊस नाही. त्यामुळे प्रादुर्भाव अधिक प्रमाणात दिसून येत असला, तरी आम्ही शेतकऱ्यांच्या बांधावर जाऊन मेळावे घेत आहोत.
- राजेंद्र साबळे,जिल्हा कृषी अधीक्षक, सांगली.

अडीच एकर मका केलाय. हळूहळू लष्करी अळीचा प्रादुर्भाव झाल्याने मकापीक धोक्यात आले आहे. कृषी अधिकारी येऊन माहिती देत आहेत. पण, झालेले नुकसान भरून निघणारे नाही, त्यामुळे शासनाने नुकसानभरपाई द्यावी.
- दिलीप खिलारे, मका उत्पादक शेतकरी, झरे, ता. आटपाडी, जि. सांगली.


इतर ताज्या घडामोडी
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...
खानदेशात हलक्या जमिनीतील पिके संकटातजळगाव  ः खानदेशात मागील आठ ते १० दिवसांपासून...
जळगाव जिल्ह्यातील मका, ज्वारीची खरेदी...जळगाव : शासकीय मका, ज्वारी खरेदी पुन्हा सुरू...
माळेगाव कारखान्याचे अकरा लाख टन ऊस...माळेगाव, जि. पुणे ः माळेगाव सहकारी साखर...
अकोला कृषी विद्यापीठातील क्वारंटाइन...अकोला ः डाॅ. पंजाबराव देशमुख कृषी विद्यापीठातील...
नाशिक जिल्ह्यात चार हजारांवर शेतकरी मका...नाशिक : बाजारात व्यापाऱ्यांकडे खरेदी होणाऱ्या...
वीज बिल माफीसाठी सोमवारी राज्यभर धरणेकोल्हापूर : दरमहा ३०० युनिटसच्या आत वीज वापर...
कोल्हापूर जिल्ह्यात पुरेशा पावसाअभावी...कोल्हापूर : जिल्ह्यात गेल्या दोन महिन्यांपासून...
पीकविमा भरण्यासाठी मुदतवाढीची मागणीअकोला ः पीकविमा पोर्टल व्यवस्थित न चालल्याने अनेक...
पशुवैद्यकीय दवाखान्यांमध्ये कृत्रिम...रत्नागिरी : उच्च प्रतीची वंशावळ तयार करण्यासाठी...
कपाशीवरील फुलकिडे, पांढऱ्या माशीचे...फुलकिडे : ही कीड फिकट पिवळसर रंगाची असून अत्यंत...
सेंद्रिय शेतीबाबत शरद पवार घेणार बैठकपुणे ः राज्यातील सेंद्रिय व रासायनिक अवशेषमुक्त...
यवतमाळ जिल्ह्यात चार लाख शेतकऱ्यांनी...यवतमाळ : कोरोनाच्या पार्श्वभूमीवर पीक विमा...
कपाशीवरील किडींचे कामगंध सापळ्याद्वारे...पिकातील किडीच्या नियंत्रणासाठी एकात्मिक कीड...