अमेरिकेची कापूस शेती झाली बोंड अळीमुक्त !

अमेरिकेत कापसावर वाढणारी बोंड अळी
अमेरिकेत कापसावर वाढणारी बोंड अळी

मुंबई ः अमेरिकेच्या कापूस शेतीवर गुलाबी बोंड अळीने मागील काही वर्षे जोरदार आक्रमणे केले होते. येथील सरकार आणि संस्थांनी योग्य उपाययोजना करून नियंत्रण केले. त्यामुळे जवळपास शतकानंतर अमेरिकेतील कापूस शेती बोंड अळीमुक्त झाली आहे, अशी घोषणा अमेरिकेच्या कृषी विभागाने दिली.  देशातील बोंड अळीच्या स्थितीविषयी माहिती देण्यासाठी प्रसिद्ध केलेल्या अहवालात अमेरिकेचे कृषी सचिव सोन्नी पेर्ड्यू म्हणाले, की अमेरिकेच्या कापूस शेतीत गुलाबी बोंड अळीने जवळपास १०० वर्षे प्रादुर्भाव केला होता. बोंड अळीच्या नियंत्रणासाठी देशातील शेतकऱ्यांना दर वर्षी कोट्यवधी रुपयांचा खर्च करावा लागत होता. त्यामुळे शेतकरी अडचणीत येत असत. आता शेतकऱ्यांचा हा खर्च वाचणार आहे. सरकारी संस्था आणि शेतकऱ्यांनी योग्यवेळी योग्य त्या उपाययोजना केल्याने बोंड अळीवर नियंत्रण मिळविण्यात यश आले आहे. आता अमेरिकेच्या सरकारने कापूस शेतीत गुलाबी बोंड अळीचा धोका नसल्याचे म्हटले आहे.  अमेरिकेत सर्वांत प्रथम हेअरेन येथे १९१७ साली गुलाबी बोंड अळीची नोंद झाली. अळीची ओळख करून योग्य त्या उपाययोजना करण्यासाठी जनजागृती करण्यात आली. परंतु, अनेक वर्षे प्रादुर्भाव वाढतच होता. त्यानंतर दर वर्षी येथील शेतकऱ्यांना बोंड अळीचा सामना करावा लागत असे. सरकारी संस्थांनी अलीकडच्या काळात शेतकऱ्यांना योग्य ते मार्गदर्शन करून योग्य वेळी योग्य उपाययोजना देशभर राबविण्यात आल्या. त्याचा परिणाम म्हणून आता अमेरिकेतून गुलाबी बोंड अळी हद्दपार झाली आहे.   सर्वप्रथम १९१७ मध्ये नोंद अमेरिकेत सर्वांत प्रथम हेअरेन येथे १९१७ साली गुलाबी बोंड अळीची नोंद झाली. तसेच, १९५० च्या मध्यात टेक्सासमध्ये बोंड अळी आढळली. बोंड अळीने शेजारच्या राज्यांमध्ये प्रवेश केला आणि वाढत गेली. बोंड अळी १९६३ मध्ये कॅलिफोर्नियामध्ये पोचली. त्यानंतर बोंड अळी देशभर पसरत गेली. सुरवातीच्या काळात अळीवर नियंत्रण मिळविणे कठीण गेले. अळीची ओळख करून योग्य त्या उपाययोजना करण्यासाठी जनजागृती करण्यात आली.  जागतिक कापूस उत्पादन घटणार ब्रिटन येथील कॉटन आउटलुक या संस्थेने २०१८-१९ मध्ये जागतिक कापूस उत्पादनात घट होणार असल्याचा अंदाज जाहीर केला आहे. सप्टेंबरमध्ये जाहीर केलेल्या २६.३९ दशलक्ष टनांवरून २६.३७ दशलक्ष टन कापूस उत्पादन होईल, असा अंदाज कॉटन आउटलुकने जाहीर केला आहे. आफ्रिका खंडातील काही देशांमध्ये उत्पादनात वाढ होणार आहे, तर पाकिस्तान आणि उझबेकिस्तान या देशांमध्ये उत्पादन घटणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com