agriculture news in marathi, american fall army warm on maize crop, aurangabad, maharashtra | Agrowon

मराठवाड्यात ४१ हजार हेक्टरवरील मक्यावर लष्करी अळीचा प्रादुर्भाव

टीम अॅग्रोवन
सोमवार, 22 जुलै 2019

एक एकरावर मक्याचे पीक आहे. अळी आली होती. दरम्यान, कृषी विभागाच्या आत्माने मेळावा घेऊन कीडनाशकांच्या उपायांबाबत मार्गदर्शन केले आहे. त्यामुळे तूर्त अळीचा प्रादुर्भाव नियंत्रणात आहे. 
- रवी राजपूत, शेतकरी पाल, ता. फुलंब्री

औरंगाबाद : अमेरिकन लष्करी अळीने औरंगाबाद व जालना जिल्ह्यातील मका पिकावर हल्ला चढविला आहे. दोन्ही जिल्ह्यांत १० ते ४० टक्‍क्‍यांपर्यंत प्रादुर्भावग्रस्त क्षेत्राचे प्रमाण असले तरी केलेल्या उपाययोजनांमुळे तूर्त स्थिती नियंत्रणात आहे. उपाययोजनांच्या खबरदारीमुळे नुकसानीची पातळी अजून ओलांडली नसल्याचा दावा कृषी विभागाच्या यंत्रणेने केला आहे. मराठवाड्यात लष्करी अळीच्या आक्रमणाने ४१ हजार हेक्टरवर प्रादुर्भाव झाला आहे. त्यामुळे तूर्त प्रादुर्भावग्रस्त क्षेत्र कृषी विभागाची यंत्रणा व तज्ज्ञांच्या निरीक्षणाखाली असल्याची माहिती सूत्रांनी दिली.

मराठवाड्यातील औरंगाबाद व जालना जिल्ह्यात प्रामुख्याने मका पीक घेतले जाते. औरंगाबाद जिल्ह्यात सरासरी १ लाख ५३ हजार हेक्‍टरवर तर जालना जिल्ह्यात सरासरी ६० हजार हेक्‍टरवर मकाची लागवड केली जाते. यंदाच्या खरिपात औरंगाबाद जिल्ह्यात सरासरी क्षेत्राच्या पुढे जावून १ लाख ६० हजार हेक्‍टरवर आजवर मका पिकाची लागवड झाली आहे. दुसरीकडे जालना जिल्ह्यात सरासरी क्षेत्राच्या तुलनेत ४७ हजार ८२० हेक्‍टरवर मका पिकाची लागवड झाली. 

यंदाच्या खरिपात अमेरिकन लष्करी अळीच्या नियंत्रणासाठी कृषी विभागासह वसंतराव नाईक मराठवाडा कृषी विद्यापीठांतर्गत राष्ट्रीय कृषी संशोधन प्रकल्प व कृषी विज्ञान केंद्र, जिल्हा परिषदेच्या कृषी विभागाच्या समन्वयातून लष्करी अळी नियंत्रणासाठी जागर मोहीम राबविण्यात आली. हंगामाच्या सुरवातीलाच औरंगाबाद येथे अळी नियंत्रण व जागृती अभियानाची सुरवात करून कृषी विभाग, कृषी विद्यापीठांनी आपली जागरूकता स्पष्ट केली होती. 

अभियानाची सुरवात झाल्याबरोबर जूनच्या दुसऱ्याच आठवड्यात औरंगाबाद जिल्ह्यातील वैजापूर तालुक्‍यात काही गावांत व त्यानंतर टप्प्याटप्प्याने विविध तालुक्‍यांतील मका पिकावर अळीचा प्रादुर्भाव दिसून आला. तेव्हापासून आजतागायत तज्ज्ञांच्या पाहणीनुसार औरंगाबाद, गंगापूर, वैजापूर, खुल्ताबाद आदी तालुक्‍यांतील २० ते ४० टक्‍के पिकावर प्रादुर्भाव झाला आहे. एरवी एक हजाराच्या आत एकूण पीक कालावधीत फवारणी करावी लागणाऱ्या उत्पादकांचे हजार रुपये दोन फवारण्यांवर खर्च झाले आहेत.

प्रतिक्रिया

पाच ते सहा पानांवर मक्याचे पीक आहे. प्रादुर्भावाबाबत शेतकऱ्यांनी पिकाचे बारकाईने निरीक्षण करावे. प्रादुर्भाव दिसून आल्यास शिफारशीनुसार फवारणी करावी. 
- बाळासाहेब शिंदे, जिल्हा अधीक्षक कृषी अधिकारी, जालना. 

अमेरिकन लष्करी अळीचा धोका ओळखून जागृतीचे काम करण्यात आले. नुकसानीची पातळी अजून ओलांडली नाही. पाऊस नाही, अळीला पोषक वातावरण असल्याने धोका आहे. प्रादुर्भावग्रस्त क्षेत्र निरीक्षणाखाली असून उपाययोजनाही सूचविल्या आहेत.
- डॉ. तुकाराम मोटे, जिल्हा अधीक्षक कृषी अधिकारी, औरंगाबाद.

विभाग जिल्हा, तालुका स्तरावर यंत्रणेला अमेरिकन लष्करी अळी नियंत्रणाविषयी सखोल माहिती दिली. अभियानाद्वारे प्रक्षेत्र भेटीतून थेट शेतकऱ्यांना मार्गदर्शन करण्याचे काम सुरू आहे. पावसाच्या उघडिपीमुळे प्रादुर्भावग्रस्त क्षेत्रात वाढ होते आहे. शिफारशीनुसार शेतकऱ्यांनी फवारण्याचे नियोजन करणे आवश्‍यक आहे. शेतकऱ्यांनी निरीक्षणेही नोंदविण्याची गरज.
- डॉ. एस. बी. पवार, सहयोगी संचालक संशोधन.

 


इतर ताज्या घडामोडी
नांदेड, परभणी, हिंगोलीत जून, जुलैमध्ये...नांदेड : नांदेड, परभणी, हिंगोली जिल्ह्यातील ६९...
औरंगाबाद, जालन्यातील दोन मंडळांत...औरंगाबाद : औरंगाबाद व जालना जिल्ह्यातील दोन...
नांदेडमधील आठ केंद्रांत अडीच लाख...नांदेड : जिल्ह्यातील सात केंद्रांवरील शेतकऱ्यांची...
सोयाबीनमध्ये एकात्मिक कीड व्यवस्थापनाचा...अंबड, जि. जालना  ः ‘‘सर्व शेतकऱ्यांनी...
नगर जिल्ह्यात १३२ टक्के पेरणीनगर ः नगर जिल्ह्यात यंदा चांगला पाऊस झाला....
खानदेशात ‘किसान सन्मान’चे अर्ज प्रलंबित...जळगाव  ः खानदेशात सुमारे सव्वालाख शेतकरी...
शेतकऱ्यांची कृषिमंत्र्यांना दोन हजार...जळगाव : केंद्र सरकारच्या हवामानावर आधारित फळ...
खानदेशात हलक्या जमिनीतील पिके संकटातजळगाव  ः खानदेशात मागील आठ ते १० दिवसांपासून...
जळगाव जिल्ह्यातील मका, ज्वारीची खरेदी...जळगाव : शासकीय मका, ज्वारी खरेदी पुन्हा सुरू...
माळेगाव कारखान्याचे अकरा लाख टन ऊस...माळेगाव, जि. पुणे ः माळेगाव सहकारी साखर...
अकोला कृषी विद्यापीठातील क्वारंटाइन...अकोला ः डाॅ. पंजाबराव देशमुख कृषी विद्यापीठातील...
नाशिक जिल्ह्यात चार हजारांवर शेतकरी मका...नाशिक : बाजारात व्यापाऱ्यांकडे खरेदी होणाऱ्या...
वीज बिल माफीसाठी सोमवारी राज्यभर धरणेकोल्हापूर : दरमहा ३०० युनिटसच्या आत वीज वापर...
कोल्हापूर जिल्ह्यात पुरेशा पावसाअभावी...कोल्हापूर : जिल्ह्यात गेल्या दोन महिन्यांपासून...
पीकविमा भरण्यासाठी मुदतवाढीची मागणीअकोला ः पीकविमा पोर्टल व्यवस्थित न चालल्याने अनेक...
पशुवैद्यकीय दवाखान्यांमध्ये कृत्रिम...रत्नागिरी : उच्च प्रतीची वंशावळ तयार करण्यासाठी...
कपाशीवरील फुलकिडे, पांढऱ्या माशीचे...फुलकिडे : ही कीड फिकट पिवळसर रंगाची असून अत्यंत...
सेंद्रिय शेतीबाबत शरद पवार घेणार बैठकपुणे ः राज्यातील सेंद्रिय व रासायनिक अवशेषमुक्त...
यवतमाळ जिल्ह्यात चार लाख शेतकऱ्यांनी...यवतमाळ : कोरोनाच्या पार्श्वभूमीवर पीक विमा...
कपाशीवरील किडींचे कामगंध सापळ्याद्वारे...पिकातील किडीच्या नियंत्रणासाठी एकात्मिक कीड...