agriculture news in marathi, american fall army warm on maize crop, nashik, maharashtra | Agrowon

नाशिक जिल्ह्यात मक्यावर अमेरिकन लष्करी अळीचा मोठा प्रादुर्भाव
टीम अॅग्रोवन
गुरुवार, 22 ऑगस्ट 2019

नाशिक  : चालू खरीप हंगामात मका पिकावर मोठ्या प्रमाणात अमेरिकन लष्करी अळीचा प्रादुर्भाव झाल्याने मक्याचे मोठे नुकसान झाले आहे. त्यामुळे दरवर्षीच्या तुलनेत उत्पादन खर्चासह पीक संरक्षणाचा खर्च वाढल्याने जिल्ह्यातील शेतकरी हवालदिल झाले आहेत. 

नाशिक  : चालू खरीप हंगामात मका पिकावर मोठ्या प्रमाणात अमेरिकन लष्करी अळीचा प्रादुर्भाव झाल्याने मक्याचे मोठे नुकसान झाले आहे. त्यामुळे दरवर्षीच्या तुलनेत उत्पादन खर्चासह पीक संरक्षणाचा खर्च वाढल्याने जिल्ह्यातील शेतकरी हवालदिल झाले आहेत. 

जिल्ह्यातील मका लागवडीचे प्रस्तावित क्षेत्र १ लाख ४३ हजार ६४५ हेक्टर असून, १४ तालुक्यांमध्ये २ लाख ९ हजार ८५६ हेक्टर क्षेत्रावर मक्याची लागवड झाली आहे. एकंदरीतच मका लागवडीखालील क्षेत्र वाढले आहे. सुरुवातीला मका पिकावर  लष्करी अळीचा प्रादुर्भाव ९० टक्क्यांपेक्षा अधिक दिसून आला. परिणामी, कीटकनाशकांवरील खर्च वाढला. पीक संरक्षणाचा हा वाढता खर्च शेतकऱ्यांची आर्थिक कोंडी करणारा आहे. सध्याही या अळीचा प्रादुर्भाव २५ ते ३० टक्क्यांपर्यंत असून, मोठ्या प्रमाणावर पिकाचे नुकसान होत आहे. लष्करी अळीने पाने कुरतडून खाल्ल्याचे दिसून आले आहे.

शेतकऱ्यांनी रासायनिक व जैविक कीटकनाशकांच्या फवारण्या केल्या. मात्र याचा फारसा परिणाम दिसला नाही. नुकसान पातळी अधिक वाढल्याने अनेक शेतकऱ्यांनी मक्यावर नांगर फिरवला तर काहींनी पीक उपटून टाकले. सध्या मका पीक तुऱ्यावर आले असून, लष्करी अळी कणसामध्ये प्रवेश करून आतील भागाचे नुकसान करत आहे. त्यामुळे उत्पादनाला मोठा फटका बसण्याची शक्यता आहे.  

मका पिकासाठी दरवर्षी एकरी १० हजार रुपये खर्च येतो. मात्र चालू वर्षी तो दुप्पट झाला आहे. त्यामुळे सरकारने या प्रकरणात गांभीर्याने लक्ष घालावे. तसेच महागडी कीटकनाशके फवारूनही परिणाम दिसत नसल्याने तांत्रिकदृष्ट्या ही बाब तपासून शेतकऱ्यांना न्याय द्यावा ही मागणी शेतकरी वर्गातून जोर धरू लागली आहे. 

मक्याचे पीक दृष्टिक्षेपात  

  • जिल्ह्यातील एकूण लागवड : २ लाख ९ हजार ८५६ हेक्टर
  • प्रादुर्भाव झालेले क्षेत्र : ४९ हजार ९९३ हेक्टर
  • बाधित शेतकरी : ३६ हजार ६७५ 
  • प्रादुर्भाव असलेली गावे :     ७६६ 

इतर बातम्या
कापडे, हळनोर, कांबळे यांना यंदाचा ‘डॉ....पुणे ः ‘सकाळ माध्यम समूहा’तील ‘ॲग्रोवन’चे...
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...
नगर जिल्ह्यात टंचाईग्रस्तांना ३८३...नगर  : पावसाची रोहिणी, मृग, आर्द्रा,...
मराठवाड्यात २६ तालुक्‍यांत...औरंगाबाद  : मराठवाड्यातील आठही जिल्ह्यांतील...
मराठवाड्यात हलक्या पावसाची हजेरीऔरंगाबाद, नांदेड : मराठवाड्यातील ३०९ मंडळांमध्ये...
महाजनादेश यात्रेत सावधगिरी म्हणून...नाशिक : मुख्यमंत्री देवेंद्र फडणवीस यांनी...
साताऱ्यात यंदा ऊस हंगाम तीन महिनेच सातारा : अतिवृष्टीमुळे निर्माण झालेल्या पूर...
दरकवाडीच्या दावणीला चाराप्रश्‍नाने...औरंगाबाद : आधी दुष्काळ मग खरिपातील चारा पिकांवर...
संयुक्त राष्ट्र विकास कार्यक्रम पथकाची...कोल्हापूर : महापुरामुळे झालेल्या नुकसानीची पाहणी...
सत्ताधाऱ्यांच्या चुकीच्या धोरणांने तरुण...बीड : सत्ताधाऱ्यांनी शेतकऱ्यांच्या हिताचा...
कृषी संजीवनी प्रकल्पात पाच हेक्टरपर्यंत...मुंबई : जागतिक बँकेच्या अर्थसाह्याने राबविण्यात...
बदल्यांचा धूमधडाका सुरूचपुणे : राज्यात खरीप हंगाम शेवटच्या टप्प्यात...
वानच्या पाण्यावर पहिला हक्क शेतकऱ्यांचाअकोला : शेती सिंचनासाठी निर्माण करण्यात आलेल्या...
विमा कंपनी कार्यालयात शेतकऱ्यांचा ठिय्यासोलापूर ः पीकविम्याच्या पैशाबाबत सातत्याने...
मक्यावरील लष्करी अळीच्या प्राथमिक...नागपूर : राज्यातील मका पिकावर आलेल्या अमेरिकन...
कृषी विद्यापीठांच्या संशोधन, विकासासाठी...मुंबई ः कृषी विद्यापीठाच्या संशोधन व विकासासाठी...
कोल्हापूर जिल्ह्यात पंधरा टक्के...कोल्हापूर : जिल्ह्यात सुमारे पंधरा टक्के...
शेतकऱ्यांच्या समुपदेशनासाठी राज्यात ...नागपूर : शेतकऱ्यांना पेरणी ते काढणीपर्यंत...
कोकण, मध्य महाराष्ट्रात पावसाचा जोर...पुणे : बंगालच्या उपसागर आणि अरबी समुद्रात तयार...
कोल्हापूरच्या घाटमाथ्यावर अतिवृष्टीचा...पुणे : कोकण, घाटमाथा, मध्य महाराष्ट्राच्या पश्‍...