agriculture news in marathi, american fall army warm on maize crop, pune, maharashtra | Agrowon

इंदापूर तालुक्यात अडीचशे हेक्टरवर लष्करी अळीचा प्रादुर्भाव
टीम अॅग्रोवन
सोमवार, 22 जुलै 2019

यंदा पहिल्यांदाच मक्याची एक एकरावर लागवड केली आहे. त्यावर दोन महिन्यांपासून लष्करी अळीचा प्रादुर्भाव झाला आहे. आत्तापर्यंत तीन वेळा फवारणी केली, तरीही लष्करी अळी आटोक्यात आलेली नाही. त्यामुळे मोठे नुकसान होण्याची शक्यता आहे. 
- विजय खबाले, शेतकरी, भातनिमगाव, ता. इंदापूर. 
 

पुणे   ः गेल्या काही दिवसांपासून मक्यावर अमेरिकन लष्करी अळीचा प्रादुर्भाव वाढत आहे. जिल्ह्यातील इंदापूर तालुक्यात सुमारे ४५० हेक्टरवर मक्याची लागवड झाली आहे. त्यापैकी अडीचशे हेक्टरवरील मका पिकावर लष्करी अळीचा ४० ते ५० टक्के प्रादुर्भाव दिसून आला आहे. उर्वरित बारामती, दौंड या भागातही या अळीचा प्रादुर्भाव होण्याची शक्यता आहे. त्यामुळे मका पिकाचे मोठे नुकसान होण्याची भीती असून त्यावर उपाययोजना करण्यासाठी कृषी विभागाकडून शेतकऱ्यांमध्ये जनजागृती करण्यात येत आहे.  

यंदा उशिराने पाऊस झाल्याने शेतकऱ्यांनी मक्याची उशिराने लागवड करण्यास सुरवात केली आहे. मात्र, इंदापुरातील बावडा, भातनिमगाव, भिगवण, डहाळज, रूई न्हावी या गावातील अनेक शेतकऱ्यांनी मक्याची लवकर लागवड केली होती. त्यामुळे या भागात लष्करी अळीचा प्रादुर्भाव दिसून येत आहे. दौंड, बारामती, जुन्नर, आंबेगावमध्ये उशिराने मक्याची लागवड झाली आहे. त्यामुळे या भागात लष्करी अळीचा अद्याप प्रादुर्भाव झालेला आढळलेला नाही. मात्र पुढील काळात या भागात प्रादुर्भाव होण्याची शक्यता आहे. त्यादृष्टीने कृषी विभागाने उपाययोजना सुरू केलेल्या आहे.

क्रॉपसॅपअंतर्गत कृषी सहायकांकडून सर्वेक्षण सुरू असून सल्ला देण्यात येत आहे. तसेच बारामती येथील राष्ट्रीय अजैविक ताण व्यवस्थापन संस्था आणि बारामती कृषी विज्ञान केंद्राच्या शास्त्रज्ञांकडून शेतकऱ्यांना मार्गदर्शन करण्यात येत आहे. कृषी आयुक्तालयाने लष्करी अळीवरील उपाययोजनांसाठी घडीपत्रिका तयार केली आहे. त्यांचे वाटप शेतकऱ्यांना करण्यात येत आहे. जनजागृतीसाठी ३२ गावामध्ये शेतीशाळा घेण्यात येत आहे. यामध्ये एकात्मिक पीक व्यवस्थापनाचे प्रशिक्षण दिले जाते आहे. आत्तापर्यंत सुमारे ९०० शेतकऱ्यांनी याचा लाभ घेतला आहे. याशिवाय मे महिन्यातील शेवटचा व जूनमधील पहिल्या आठवड्यात उन्नत शेती समृद्ध शेतकरी मोहिमेअंतर्गत ९० गावांत मक्यावरील लष्करी अळीबाबत  जनजागृती मोहीम राबविण्यात आली होती. त्यानुसार शेतकरी योग्य त्या उपाययोजना करत आहेत. 

इंदापूर तालुक्यात मक्यावर लष्करी अळीचा मोठा प्रादुर्भाव झाला आहे. त्यासाठी कृषी विज्ञान केंद्र, राष्ट्रीय अजैविक ताण व्यवस्थापन संस्था यांच्या माध्यमातून जनजागृती करण्यात येत आहे. दौंड, बारामती भागात उशिराने मक्याची लागवड झाली आहे. त्यामुळे या भागात अळीचा प्रादुर्भाव अद्याप दिसून आलेला नाही, अशी माहिती उपविभागीय कृषी अधिकारी बालाजी ताटे यांनी दिली.

इतर ताज्या घडामोडी
पुणे बाजार समिती प्रशासकपदी वर्णी...पुणे  : पुणे कृषी उत्पन्न बाजार समितीचे...
प्रतिकूल हवामानामुळे जुन्नर तालुक्यातील...नारायणगाव, जि. पुणे  : दोन महिन्यांपासून...
नगर जिल्ह्यातील दहा ते अकरा तालुक्यांवर...नगर  ः राज्याच्या काही भागांत जोरदार पावसाने...
पीक नुकसानीबाबत शेतकऱ्याने मांडली कृषी... कऱ्हाड, जि. सातारा ः घरात हुतं नव्हतं...
खानदेशात कापूस पिकात मर रोग, मूळकूजजळगाव ः खानदेशात जळगाव, धुळे व नंदुरबार...
...अन् नारायण राणे काँग्रेसमध्ये गेले...मुंबई  ः कोणताही अन्याय सहन करायचा नाही, या...
सिंधुदुर्ग जिल्ह्यात केळी, नारळ, सुपारी... सिंधुदुर्ग  ः कुणी तीन लाख तर कुणी दोन...
राष्ट्रपतींनी घेतला सूतकताईचा अनुभववर्धा  ः राष्ट्रपती रामनाथ कोविंद यांनी...
पीएच.डी.साठी गुरुवारी सामाईक प्रवेश...पुणे ः  राज्यातील चारही कृषी विद्यापीठांतील...
विधानसभा निवडणुकीसाठी काँग्रेस-... भंडारा  ः विधानसभा निवडणुकीत कॉंग्रेस...
कोयना धरणातून ६७ टीएमसी पाण्याचा विसर्गसातारा : या महिन्याच्या सुरवातीपासून मुसळधार...
मराठवाड्यात पाणीसाठ्याची स्थिती विदारकऔरंगाबाद : अर्धा पावसाळा लोटला तरीही मराठवाड्यात...
बुलडाणा जिल्ह्यात निर्माण झाली १३२५...बुलडाणाः जिल्हा प्रशासन व भारतीय जैन संघटना...
कोकणात नुकसानभरपाईचे वेगळे निकष लावा :...रत्नागिरी : ‘‘सांगली, कोल्हापूरप्रमाणेच कोकणातील...
सिंधुदुर्गात अतिवृष्टीने महावितरणचे चार...सिंधुदुर्ग : जिल्ह्यात झालेल्या अतिवृष्टी आणि...
शेतीमध्ये रासायनिक खतांचा वापर...जालना : सेंद्रिय शेतीमध्ये रासायनिक खतांचा...
परभणी जिल्ह्यात पाण्याअभावी फळबाग...परभणी : जिल्ह्यात गतवर्षीची दुष्काळी स्थिती आणि...
औरंगाबादेत कांदे १००० ते १६०० रुपये...औरंगाबाद : येथील कृषी उत्पन्न बाजार समितीमध्ये...
जळगावच्या पश्‍चिम भागातील प्रकल्प कोरडेचजळगाव ः खानदेशात अनेक भागांत पाऊसमान चांगले असले...
प्रौढांपेक्षा अळ्यांच्या वेगळ्या...गेल्या काही वर्षांमध्ये हानीकारक ठरणाऱ्या किडी...