agriculture news in Marathi, American fall army worm attack in Solapur District, Maharashtra | Agrowon

सोलापूर जिल्ह्यात मका लष्करी अळीने केला फस्त
टीम अॅग्रोवन
रविवार, 22 सप्टेंबर 2019

माझ्याकडे ७० दुभत्या गाई आहेत. त्यांना जगवण्याची कसरत सुरू आहे. दुष्काळामुळे चारा मिळणे दुरापास्त झाले आहे. दीड महिन्यापूर्वी आठ एकरवर चाऱ्यासाठी मका पेरली. पण चार-पाच पाने फुटल्यापासून लष्करी अळीचा प्रादुर्भाव दिसू लागला. नंतर दोन-तीन वेळा फवारण्याही केल्या. पण, अळी काही नियंत्रणात आली नाही. आतापर्यंत मक्यावर कधीच असला प्रकार नव्हता, मला तर शंका यायला लागली आहे, यामागे काही षड़्यंत्र आहे का शोधावे. 
- पद्माकर भोसले, शेतकरी, पापरी, ता. मोहोळ

सोलापूर ः दुष्काळातही जेमतेम पाण्यावर यंदा खरीप हंगामात पेरणी झालेल्या जवळपास २३ हजार हेक्‍टरवरील मक्‍याचे क्षेत्र अमेरिकन लष्करी अळीने फस्त केले. 

जिल्ह्याची पावसाची एकूण सरासरी ५४५ मिलिमीटर आहे. पण, सरासरीच्या निम्माही पाऊस अद्याप झाला नाही. त्यामुळे खरीप वाया गेला आहे, आता रब्बीच्या पेरणीचे सगळे गणित पावसावरच आहे आणि पावसाचे आता केवळ १५ दिवस उरले आहेत. या कालावधीत किती पाऊस पडणार, याबाबतही साशंकताच आहे. 

सोलापूर जिल्ह्यात रब्बीचे क्षेत्र जवळपास आठ लाख हेक्टर आहे. त्यात सुमारे साडेसहा लाख हेक्टर क्षेत्र एकट्या ज्वारीचे आहे. पण मक्यावरील लष्करी अळीच्या वाढत्या प्रादुर्भावाने ज्वारी आणि बाजरीवरही हे संकट ओढावण्याची शक्यता आहे. 

मक्याचे क्षेत्र फस्त
यंदा उन्हाळी हंगामात आणि खरिपात ज्यांच्याकडे थोडे पाणी आहे, त्यांनी तसेच काहींनी पावसाच्या भरवशावर मका घेतली. पण त्यांना मक्‍यावरील लष्करी अळीने हैराण केले. जिल्ह्यात खरिपात पेर झालेले मकेचे सर्वच्या सर्व २३ हजार हेक्टर क्षेत्र लष्करी अळीने फस्त केले आहे. जिल्ह्यातील प्रामुख्याने सांगोला, मंगळवेढा, पंढरपूर, उत्तर सोलापूर, करमाळा, बार्शी, दक्षिण सोलापुरात या अळीचा सर्वाधिक प्रभाव दिसत आहे. यंदा पावसाळा सुरू होऊन साडेतीन महिने उलटले, परंतु पावसाने अद्यापही दमदार हजेरी लावलेली नाही. 

 २५० हून अधिक शेतीशाळा
मक्‍यावरील या वाढत्या प्रादुर्भावामुळे कृषी विभागाने गेल्या महिन्यापासून जिल्ह्यात शेतीशाळांचे आयोजन करून प्रबोधन सुरू केले. आतापर्यंत जवळपास २५० हून अधिक शेतीशाळा गावागावात घेतल्या आहेत. पण, वातावरणातील सततच्या बदलामुळे आणि या अळीला पोषक वातावरण राहत असल्याने ही अळी आजही हाताबाहेर आहे. 
 

इतर ताज्या घडामोडी
मराठवाड्यातील ३७१ मंडळांमध्ये पाऊसऔरंगाबाद/ परभणी ः मराठवाड्यातील आठ जिल्ह्यांतील...
पुणे जिल्ह्यात संततधार पाऊसपुणे : पुणे जिल्ह्यात सर्वदूर शनिवारपासून (ता. १९...
पावसामुळे भात उत्पादक धास्तावलेपुणे : दोन ते तीन दिवसांपासून पावसाने पुन्हा...
नांदेड, परभणी, हिंगोली जिल्ह्यांत ५...नांदेड : विधानसभा निवडणुकीसाठी नांदेड, परभणी,...
बुलडाणा जिल्ह्यात २० लाख ३९ हजार मतदार...बुलडाणा : जिल्ह्यात बुलडाणा, चिखली, मलकापूर,...
वाशीम जिल्ह्यात विधानसभेसाठी आज मतदानवाशीम : विधानसभा सार्वत्रिक निवडणुकीसाठी सोमवारी...
रत्नागिरी जिल्ह्यातील पावसामुळे भातशेती...रत्नागिरी ः गेली चार ते पाच दिवस जिल्ह्यात...
सोयाबीन भिजल्याने वाढल्या अडचणीअमरावती ः शेतात सोंगून ठेवलेले सोयाबीन दोन...
नगर : दोन दिवसांपासून जिल्हाभरात...नगर ः नगर जिल्ह्यामध्ये गेल्या दोन दिवसांपासून...
सातारा जिल्ह्यात सर्वत्र दमदार पाऊससातारा : जिल्ह्यात सलग दुसऱ्या दिवशी वादळी...
पावसाने कऱ्हाड-पाटणच्या शेतकऱ्यांचा...कऱ्हाड, जि. सातारा ः मुसळधार पावसाने कऱ्हाड-पाटण...
सुप्रसिद्ध पैलवान दादू चौगुले यांचे निधनकोल्हापूर : हिंदकेसरी, रुस्तुम ए हिंद, महाराष्ट्र...
उजनी धरणातून भीमा नदीत पुन्हा ३० हजार...सोलापूर  ः पुणे जिल्ह्यात पावसाने पुन्हा...
राजापूर, रत्नागिरी, संगमेश्‍वर...रत्नागिरी  ः राजापूर, रत्नागिरीसह संगमेश्‍वर...
कापूस उत्पादकता वाढीसाठी शासनाने...अकोला : महाराष्ट्रात कापूस लागवड क्षेत्र...
पुणे जिल्हयात हलक्या ते मध्यम पावसाची...पुणे : गेल्या दोन दिवसांपासून पावसासाठी पोषक...
मंगळ, चंद्रसदृश मातीमध्ये पिकांचे...नासा या अमेरिकन अवकाश संशोधन संस्थेने चंद्र आणि...
पुणे जिल्ह्यात तीन लाख हेक्टरवर रब्बी...पुणे : मॉन्सूनच्या अंतिम टप्प्यातील पावसाने...
नगर जिल्हा परिषदेमध्ये दूरध्वनीवरील...नगर  : पाणी येत नाही. शिक्षक शाळेत उशिरा...
विधानसभा निवडणुकीसाठी प्रचारतोफा...मुंबई : चौदाव्या विधानसभा निवडणुकीसाठी उमेदवारी...