अमरावतीत भुईमूग प्रतिक्‍विंटल ५२०० रुपये 

अमरावतीत भुईमूग प्रतिक्‍विंटल ५२०० रुपये 
अमरावतीत भुईमूग प्रतिक्‍विंटल ५२०० रुपये 

अमरावती ः स्थानिक बाजार समितीत हंगामातील नव्या भुईमूग शेंगांची आवक सुरू झाली आहे. गेल्या काही दिवसांपासून भुईमूग बाजारात येत असल्याचे व्यापारी सूत्रांनी सांगितले. मंगळवारी (ता. ४) बाजारात आलेल्या भुईमुगाचे व्यवहार ४५०० ते ५२०० रुपये क्‍विंटलने झाले. भुईमुगाच्या दरात आणखी सुधारणा होईल, अशी अपेक्षा वर्तविली जात आहे. 

अमरावती बाजार समितीत दुर्गम मेळघाटातून शेतमालाची आवक होते. बाजारात सध्या भुईमुगाची आवक वाढली आहे. ४५०० ते ५२०० असा सरासरी दर भुईमुगाला मंगळवारी मिळाला. बाजारात ज्वारीचीदेखील अल्पशी आवक असल्याचे सांगण्यात आले. मंगळवारी १५० क्‍विंटल ज्वारीची आवक झाली. १४०० ते २१०० रुपये असा ज्वारीचा दर होता. १९५० ते २८५० या दराने गव्हाचे व्यवहार झाल्याची माहिती देण्यात आली. 

तुरीच्या दरात काहीशी सुधारणा होत हे दर ५००० ते ५८०० रुपये क्‍विंटलवर पोचले. किरकोळ विक्री दरातील वाढीच्या परिणामी तुरीच्या घाऊक दरातही तेजी आल्याचा अनुभव आहे. मुगाचीदेखील बाजारात १२६ प्रतिक्‍विंटलच्या घरात आवक आहे. ५४०० ते ६३०० रुपये क्‍विंटलचा दर मुगाला मंगळवारी मिळाला. ४३५० ते ४७०० रुपये दराने उडीदाचे व्यवहार झाले.

बाजारात हरभऱ्याचीदेखील ३७४ क्‍विंटलची आवक झाली. हरभऱ्याचे दर ४१५० ते ४२७२ रुपये क्‍विंटल होते. १९५० ते २०५० या दराने मका विकल्या गेला. कापसाच्या दरातही मंगळवारी तेजी अनुभवण्यात आली. कापसाचे ६००० ते ६४५० रुपये क्‍विंटलने व्यवहार झाले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com