पाचशे रुपये मदत ही शेतकऱ्यांची थट्टामस्करी : अनिल घनवट

पुणे : महिन्याला पाचशे रुपयांची केलेली मदत हि भिकारी समजुन केलेली आहे. हि शेतकऱ्यांची थट्टामस्करी असून, जखमेवर मिठ चोळणारी तरतूद आहे. याचा आम्ही निषेध करतो, अशी प्रतिक्रिया शरद जोशी प्रणित शेतकरी संघटनेचे अध्यक्ष अनिल घनवट यांनी दिली आहे. श्री. घनवट म्हणाले,''शेतकऱ्यांसाठी एकही तरतूद नसून, काही कोटी वीज जोड दिल्याचे सांगितले, मात्र वीज मिळाली नसून, बीले देखील सुरु केली आहे. असा भोंगळ कारभार सरकारचा सुरु आहे. तर आताच शेतमालाच्या किंमती उत्पादन खर्चाच्या ४० टक्क्यांनी कमी असून, उत्पादन खर्चाच्या ५० टक्के अधिक दर दिल्याची घोषणा देखील फसवी असून, शेतकऱ्यांची फसवणूक आणि चेष्ठा मस्करी करणारा अर्थसंकल्प आहे.‘‘ - ,