Agriculture news in marathi Animal Census Breeders honored | Agrowon

पशुगणना प्रगणकांचे मानधन थकले

टीम अॅग्रोवन
शनिवार, 25 जानेवारी 2020

जिल्ह्यातील पशुगणना पूर्ण केलेल्या प्रगणकांचे आधार कार्ड, बॅंक पासबुक आणि पॅन कार्ड हे बॅंकेला लिंकिंग केले आहेत. दोन तालुक्यांतील ही प्रक्रिया अपूर्ण आहे. ती प्रक्रिया लवकरच पूर्ण करून या महिनाअखेरीस त्यांचे मानधन प्रगणकांच्या खात्यावर थेट वर्ग होतील.
- संजय धकाते, उपायुक्त जिल्हा पशुसंवर्धन

सांगली : पशुविभागाकडून जिल्ह्यातील एप्रिल-मे महिन्यात पशुगणना केली होती. मात्र गेल्या नऊ महिन्यांपासून या पशुगणना केलेल्या सुमारे २२५ ते २५० प्रकणकांचे मानधन अद्यापही दिले नाही. हे मानधन शासन दरबारात मंजुरीसाठी तसेच पडून आहे. त्यामुळे प्रगणकांमधून तीव्र नाराजी व्यक्त होत आहे.

जिल्ह्यात सन २०१२ च्या पशुगणनेनुसार २६ लाख ३२ हजार ४०४ इतकी जनावरे आहेत. पशुगणना केल्याने जिल्ह्यात किती पशुधन वाढले याची माहिती मिळते. त्याचबरोबर कोणत्या जातीच्या जनावरांची वाढ झाली आहे. त्यानुसार शासनाकडून लसीकरणासह विविध प्रकारच्या औषधांची मागणी करणे सोपे होते. तसेच पशुवैद्यकीय अधिकारी, डॉक्टर आणि यासह दवाखान्यांची संख्या निश्‍चित केली जाते. त्यामुळे ही पशुगणना दर पाच वर्षांनी केली जाते. मात्र जिल्ह्यातील पशुधनाची संख्या ही सन २०१२ च्या गणनेनुसार आहे.

सन २०१७ ला काही तांत्रिक अडचणीमुळे पशुगणना झाली नाही. त्यामुळे जिल्ह्यातील जनावरांना वेळेत लसीकरण करण्यास अडचणी निर्माण झाल्या. जुन्या गणनेनुसार जनावरांची संख्येनुसार लसीकरणासह विविध औषधांची मागणी करत असल्याने लसीकरणाचा तुटवडा पडत असल्याचे चित्र आहे.

सन २०१९ मध्ये पशु विभागाने पशुगणना करण्याची सुरुवात केली. त्यासाठी या विभागाने सुमारे २२५ ते २५० प्रगणकांची निवड केली. एपिल आणि मे महिन्यात जिल्ह्यातील पशूची गणना केली आहे. या प्रगणकांना शहरी भागातील कुटुंबासाठी साडेसहा रुपये, तर ग्रामीण भागातील कुटुंबासाठी साडेसात रुपये असे देण्याचे ठरले आहे. मात्र गेल्या आठ ते नऊ महिन्यांपासून पशुगणना प्रगणकांचे मानधन अद्यापही त्यांना दिले नाही. त्यामुळे मानधन कधी मिळणार असा प्रश्‍न प्रगणकांकडून उपस्थित होऊ लागला आहे. 

जत तालुक्याचे पाच लाख रुपये थकले

जत तालुक्यात २३ पशुवैद्यकीय दवाख्यांसाठी प्रत्येकी एक व नगर परिषदेमध्ये प्रत्येकी दोन अशा एकूण २५ प्रगणकांनी पशुगणना केली आहे. अशी मिळून ५ लाख २५ हजार रुपये या प्रगणकांचे मानधन थकले आहे.

  • शहरी भागातील प्रति घरासाठी ः ६ रुपये ५० पैसे
  •  ग्रामीण भागातील प्रति घरासाठी ः ७ रुपये ५० पैसे

इतर बातम्या
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
शेतकरी गटांनी बीजोत्पादन कार्यक्रम...अकोला ः अधिक उत्पादनासाठी शेतकरी गटांनी...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...
न्हावी परिसरात मका पिकावर लष्करी अळीचा...न्हावी, जि. जळगाव ः न्हावीसह परिसरात मक्‍याची...
जळगाव ः कापसाच्या खेडा खरेदीला कमी...जळगाव ः कापसाची खेडा खरेदी मागील आठवड्यात...
पोल्ट्री उद्योगाला हवा मदतीचा हातपुणे: बाजारभावातील नरमाईमुळे पोल्ट्री उद्योग...
पुणे जिल्ह्यातील १९ ग्रामपंचायतींना ‘...पुणे : जलजन्य साथरोग, आजारांचा धोका उद्भवू नये,...
हापूस निर्यातीसाठी निर्यातीसाठी पणन...रत्नागिरी ः निर्यातीत हापूसचा टक्का घसरत असून तो...
नीरा देवधर, गुंजवणीतून समन्यायी पाणीवाटपमुंबई ः नीरा देवघर व गुंजवणी धरणांचे कालवे...
तापमानवाढीचा धोका वेळीच ओळखावा लागेल:...औरंगाबाद: निसर्गाच्या दोलायमानतेत मानवी...
नगरमधील नऊ तालुक्यांत तेलबियांची पेरणीच...नगर ः तेलबियांची (गळीत धान्य) पेरणी वाढावी यासाठी...
सातारा जिल्ह्यात ५५ लाख क्विंटल...सातारा : जिल्ह्यात सध्या सुरू असलेल्या गाळपाची...
इंडोनेशियात कच्च्या साखरेची जादा...कोल्हापूर : भारताच्या दृष्टीने साखर निर्यातीसाठी...
चांगदेव यात्रेला प्रारंभ; दिंड्या दाखलचांगदेव, जि. जळगाव ः सिद्धेश्वर योगिराज चांगदेव...
सर्व्हर डाउनच्या गोंधळामुळे द्राक्ष...नाशिक : केंद्रीय अप्रत्यक्ष कर आणि सीमा शुल्क...
निर्यातबंदीमुळे कांदा फुगवटा;...पुणे: कांद्यावरील संपूर्ण निर्यातबंदी तातडीने...
विदर्भात पावसाला पोषक हवामान पुणे: राज्याच्या कमाल आणि किमान तापमानात वाढ...
चारशे अधिकाऱ्यांच्या कृषी विभागात...पुणे ः कृषी विभागात गेल्या दोन ते तीन दिवसांत ३९९...
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...