मागण्या मान्य, लेखी आश्वासनानंतर आण्णांचे आंदोलन मागे

लेखी आश्वासनानंतर आण्णांचे आंदोलन मागे
लेखी आश्वासनानंतर आण्णांचे आंदोलन मागे

राळेगणसिद्धी, जि. नगर : लोकपाल व लोकायुक्त नियुक्तीसाठी गेल्या सात दिवसांपासून राळेगणसिद्धी (जि. नगर) येथे उपोषणाला बसलेले ज्येष्ठ समाजसेवक अण्णा हजारे यांनी उपोषण सोडावे यासाठी मंगळवारी (ता. ५) मुख्यमंत्री देवेंद्र फडणवीस, केंद्रीय कृषिमंत्री राधामोहनसिंह राळेगणसिद्धीत आले होते. मुख्यमंत्री फडणवीस, केंद्रीय कृषिमंत्री राधामोहनसिंह यांच्या लेखी आश्वासनानंतर आण्णा हजारे यांनी आपले उपोषण मागे घेतले. तब्बल सहा तासांपेक्षा अधिक काळ चर्चा सुरू होती.   लोकपाल नियुक्ती; शेतकऱ्यांच्या मागण्यांना सरकारने मान्यता दिली आहेत. यात कृषिमूल्य आयोगला स्वायत्तता, नाशवंत शेतमालासाठी अभ्यासासाठी समिती आदी  विषय आहेत. संरक्षण राज्यमंत्री डॉ. सुभाष भामरे, जलसंपदामंत्री गिरीश महाजन, नियोजन आयोगाचे माजी अध्यक्ष शिवकुमार शर्मा, आदर्श गाव योजना संकल्प व प्रकल्प समितीचे अध्यक्ष पोपटराव पवारही हजर होते. लोकपाल व लोकायुक्ताची नियुक्ती करावी, यांसह शेतकऱ्याच्या विविध मागण्यांसाठी ज्येष्ठ समाजसेवक अण्णा हजारे यांनी त्यांच्या गावी राळेगणसिद्धी येथे यादवबाबा मंदिरात ३० जानेवारीपासून अमरण उपोषण सुरू केले आहे. जलसंपदामंत्री गिरीश महाजन, केंद्रीय संरक्षण राज्यमंत्री सुभाष भामरे यांच्यासोबत सोमवारी रात्री चर्चा केली; पण मागण्याबाबत समाधान झाले नसल्याने अण्णांनी उपोषण सुरूच ठेवले. सरकार दखल घेत नसल्याचा आरोप करत राळेगणच्या ग्रामस्थांसह जिल्हाभर कालपासून आंदोलनाची धग वाढत होती. अण्णांच्या उपोषणाचा मंगळवारी सातवा दिवस असल्याने त्यांचे वजन पाच किलो शंभर ग्रॅमने घटले आहे, असे जिल्हा शल्य चिकित्सक डॉ. पी. एम. मुरंबीकर यांनी सांगितले. त्यांची प्रकृती ढासळत होती.  मंत्रिगण दाखल होण्यापूर्वी प्रशासनाने दक्षता पाळत कोणालाही माहिती दिली नाही. पावणेतीन वाजता मागण्यांवर अण्णांसोबत मुख्यमंत्री फडणवीस यांच्यासह अन्य मंत्री, पोपटराव पवार यांनी मागण्यावर बंद खोलीत चर्चा केली. रात्री सात वाजेपर्यंतही चर्चा सुरूच होती. त्यामुळे उपोषणावर रात्री उशिरापर्यंत तोडगा निघाला नाही. मात्र अण्णाच्या बहुतांश मागण्या सरकारने मान्य केल्या आहेत. केवळ स्वामिनाथन समितीच्या मुद्द्यावर अडले होते, असे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com