agriculture news in Marathi annasaheb more says community efforts required for stop suicide of farmers Maharashtra | Agrowon

शेतकरी आत्महत्या थांबविण्यासाठी सामूहिक प्रयत्नांची गरजः अण्णासाहेब मोरे 

टीम अॅग्रोवन
शुक्रवार, 24 जानेवारी 2020

नाशिक : देशातील कृषी व ऋषी संस्कृतीमध्ये काळ्या आईची सेवा करणारा शेतकरी हा देवांपेक्षाही मोठा आहे. मात्र, त्याच्या वाढणाऱ्या आत्महत्या हा चिंतेचा विषय आहे. त्या थांबविण्यासाठी सर्वांनी एकत्र येऊन सामूहिक प्रयत्न केले पाहिजे, असे प्रतिपादन श्री स्वामी समर्थ सेवा मार्गाचे व श्री स्वामी समर्थ कृषी विकास संशोधन चॅरिटेबल ट्रस्टचे प्रमुख गुरुमाउली अण्णासाहेब मोरे यांनी केले. 

नाशिक : देशातील कृषी व ऋषी संस्कृतीमध्ये काळ्या आईची सेवा करणारा शेतकरी हा देवांपेक्षाही मोठा आहे. मात्र, त्याच्या वाढणाऱ्या आत्महत्या हा चिंतेचा विषय आहे. त्या थांबविण्यासाठी सर्वांनी एकत्र येऊन सामूहिक प्रयत्न केले पाहिजे, असे प्रतिपादन श्री स्वामी समर्थ सेवा मार्गाचे व श्री स्वामी समर्थ कृषी विकास संशोधन चॅरिटेबल ट्रस्टचे प्रमुख गुरुमाउली अण्णासाहेब मोरे यांनी केले. 

श्री स्वामी समर्थ सेवा मार्ग दिंडोरी यांच्या वतीने गुरुवारी (ता.२३) आयोजित ‘जागतिक कृषी महोत्सवा’च्या उद्‍घाटनप्रसंगी ते बोलत होते. या वेळी आमदार डॉ. सुधीर तांबे, देवयानी फरांदे, सीमा हिरे, नगरसेविका वत्सला खैरे, भागवत आरोटे, स्वाती भामरे, मधुकर जाधव, व्ही. एन. नाईक शिक्षण संस्थेचे अध्यक्ष पंढरीनाथ थोरे, प्रा. नामदेवराव जाधव, नगर रचना विभागाच्या सहसंचालक प्रतिमा भदाणे, जिल्हा अधीक्षक कृषी अधिकारी संजीव पडवळ, आत्मा नाशिकचे प्रकल्प उपसंचालक कैलास शिरसाठ, हेमंत काळे, आयोजक आबासाहेब मोरे यांसह शेतकरी मोठ्या संख्येने उपस्थित होते. 

श्री. मोरे म्हणाले, की शेती क्षेत्रात होणारे बदल हे नव्या युगाचे आव्हान आहे. शेती ही शाश्वत करण्यासाठी सर्वांगीण पातळीवरून काम उभे करावे. त्यासाठी ग्रामपंचायतीच्या माध्यमातून हंगामनिहाय नियोजन, बियाणे निवड, लागवडपद्धती, काढणीपश्चात तंत्रज्ञान व विपणन या विषयावर मार्गदर्शन व चर्चा व्हावी. त्यातूलच गाव पातळीवर शेतीच्या बांधापर्यंत जाईल. 

आमदार फरांदे म्हणाल्या, की शेतकरी जगाला, तर देश मोठा होईल. नाशिक हा प्रगतिशील व प्रयोगशील जिल्हा कृषी क्षेत्रात पुढारलेला आहे. जागतिक दर्जाचे तंत्रज्ञान उपलब्ध होण्यासाठी अशा उपक्रमाचे सातत्यपूर्ण आयोजने व्हावीत, अशी अपेक्षा व्यक्त केली. 

आमदार डॉ. तांबे म्हणाले, की कृषी संस्कृतीची खरी सुरुवात महिलेने केली. त्यामुळेच ती टिकली व पुढे चालत आली आहे. त्यामुळे आगामी काळात शेतीविकासासाठी पुरुषांसह महिलांना पुढे आणायची गरज आहे. शेती हा व्यवसाय म्हणून करावा, त्यासाठी अद्ययावत तंत्रज्ञानाचा स्वीकार करून समृद्ध व्हावे, असे त्यांनी सांगितले. 

कृषी दिंडीने कार्यक्रमाची सुरुवात झाली. त्यांनतर माती, शेती अवजारांची पूजा करून जागतिक महोत्सवाची सुरुवात झाली. कृषी, देशी गोवंश संवर्धन, सामाजिक कार्य क्षेत्रात उल्लेखनीय काम करणाऱ्या व्यक्तींचा सन्मान यावेळी करण्यात आला. या महोत्सवात कृषी क्षेत्रातील नवनवीन प्रयोग, दुर्मीळ वनौषधी प्रदर्शन, देशी गोवंश, बांबू शेतीतील उद्योग व व्यवसाय यावर मांडणी करण्यात आली आहे. 
-------------------- 
कृषी माउली २०२० पुरस्कार विजेते 

  • शेतकरी गट : राजेंद्र भट : नैसर्गिक व जैविक पद्धतीने शेती व मार्गदर्शन 
  • पशू गोवंश व दुग्ध व्यवसाय गट : डॉ. गोपालभाई सुतारिया, बंसी गीर गोशाला, गुजरात 
  • सामाजिक कार्य गट : कल्लाप्पा गेरडे, कुरंदवाड, ता. शिरोळ, जि. सांगली 
  • शासकीय कृषी विभाग : अनिल भोकरे, कृषी उपसंचालक, कृषी अधीक्षक कार्यालय, जळगाव 
  • आध्यात्मिक व सामाजिक कार्यसंस्था गट : मंगल ग्रह सेवा संस्था, अमळनेर 
     

इतर अॅग्रो विशेष
जळगाव ः कापसाच्या खेडा खरेदीला कमी...जळगाव ः कापसाची खेडा खरेदी मागील आठवड्यात...
इंडोनेशियात कच्च्या साखरेची जादा...कोल्हापूर : भारताच्या दृष्टीने साखर निर्यातीसाठी...
चांगदेव यात्रेला प्रारंभ; दिंड्या दाखलचांगदेव, जि. जळगाव ः सिद्धेश्वर योगिराज चांगदेव...
सर्व्हर डाउनच्या गोंधळामुळे द्राक्ष...नाशिक : केंद्रीय अप्रत्यक्ष कर आणि सीमा शुल्क...
विदर्भात पावसाला पोषक हवामान पुणे: राज्याच्या कमाल आणि किमान तापमानात वाढ...
चारशे अधिकाऱ्यांच्या कृषी विभागात...पुणे ः कृषी विभागात गेल्या दोन ते तीन दिवसांत ३९९...
परराज्यापर्यंत विस्तारला ऊसरोपे...मुखई (जि. पुणे) येथील अभिजित धुमाळ या तरुण...
केळी ‘रायपनिंग चेंबर’चा यशस्वी केला...कोल्हापूर जिल्ह्यातील ऊसबहुल क्षेत्रात केळी...
शेतकऱ्यांवर अन्यायकारक करार नकोचअमेरिकेचे अध्यक्ष डोनाल्ड ट्रम्प आपल्या...
ऐच्छिक पीकविम्याचे इंगितकें द्र सरकारने पीकविमा योजना शेतकऱ्यांसाठी...
नैसर्गिक नव्हे, सेंद्रिय शेतीची धरा काससुभाष पाळेकरांच्या पद्धतीनुसार बाह्य निविष्ठा...
जलयुक्त फेल, पुढे काय?उद्धव ठाकरे यांनी मुख्यमंत्रिपदाची सूत्रे हाती...
ऊस उत्पादकता २५० टनांपर्यंत न्यावीच...पुणे : देशातील ऊस उत्पादकता एकरी शंभर टन...
कर्जमाफीसाठी आकस्मिकता निधीतून दहा हजार...मुंबई : शेतकऱ्यांच्या कर्जमाफीसाठी राज्य सरकारने...
पीकविमा हप्त्यापोटी पाचशे कोटी वितरणास...मुंबई ः पंतप्रधान पीकविमा योजना खरीप हंगाम २०१९...
मोसंबी क्लटरमध्ये शाश्‍वत उत्पादन,...औरंगाबाद : मोसंबी उत्पादकांसाठी उत्पन्नाची...
डाळिंब उत्पादनात ३० टक्के घटसांगली ः सुरुवातीला दुष्काळी परिस्थिती, त्यानंतर...
कोरोनाच्या अफवेमुळे पोल्ट्रीचे १५०...पुणे : कुक्कुट पक्षी व कुक्कुट उत्पादने यांचा...
प्रयोगशील शेतीच्या आधारे चिंचवलीने...पारंपरिक भातशेतीत बदल करून ऊसशेती व त्यास...
कहर ‘कोरोना’चाकोरोना विषाणूच्या वाढत्या उद्रेकाने जगभर दहशतीचे...