देवगडातील आणखी एका मच्छीमारांचा मृत्यू 

सिंधुदुर्ग ः देवगड बंदरातील आणखी एका मच्छीमाराचा जिल्हा रूग्णालयात उपचारादरम्यान मृत्यू झाला.त्यामुळे विशिष्ट आजाराने मृत झालेल्यांची संख्या तीन वर पोहोचली आहे. दरम्यान जिल्हा रूग्णालयात आयसोलेशन कक्षात उपचार घेत असलेल्या आणखी एका रूग्णाचा मृत्यू झाला. या दोघांच्या मृत्युशी कोरोनाचा संबंध नसल्याचे स्पष्टीकरण जिल्हा शल्यचिकीत्सक डॉ. धनजंय चाकुरकर यांनी दिले आहे.
Another fisherman from Devgad dies
Another fisherman from Devgad dies

सिंधुदुर्ग ः देवगड बंदरातील आणखी एका मच्छीमाराचा जिल्हा रूग्णालयात उपचारादरम्यान मृत्यू झाला.त्यामुळे विशिष्ट आजाराने मृत झालेल्यांची संख्या तीन वर पोहोचली आहे. दरम्यान जिल्हा रूग्णालयात आयसोलेशन कक्षात उपचार घेत असलेल्या आणखी एका रूग्णाचा मृत्यू झाला. या दोघांच्या मृत्युशी कोरोनाचा संबंध नसल्याचे स्पष्टीकरण जिल्हा शल्यचिकीत्सक डॉ. धनजंय चाकुरकर यांनी दिले आहे. 

देवगड बंदरातील मच्छीमारांना गेल्या काही दिवसांपासून विशिष्ट आजाराने ग्रासले आहे. पाय सुजणे, उलट्या होणे, जुलाब होणे अशा प्रकारची लक्षणे काही मच्छीमारांमध्ये दिसून आली होती. त्यामुळे मच्छीमारांनी ही बाब पालकमंत्री उदय सांमत यांच्या निदर्शनास आणून दिल्यानंतर त्यांनी किनारपट्टी भागाचे सर्व्हेक्षण करण्याची सूचना आरोग्य विभागाला दिली होती. 

आरोग्य विभागाने मच्छीमारांची तपासणी केली होती. तालुका वैद्यकीय अधिकारी डॉ. संतोष कोडके यांनी आरोग्य पथक देखील कार्यरत केले होते. दरम्यान सोमवारी (ता. ४) आणखी एका मच्छीमारामध्ये त्या आजाराची लक्षणे दिसून आल्यामुळे त्याला जिल्हा रूग्णालयात दाखल करण्यात आले. त्याच्यावर तेथे उपचार सुरू होते. परंतु त्याचा बुधवारी (ता. ६) सायकांळी मृत्यू झाला. यापूर्वी अशीच लक्षणे असलेल्या दोघांचा मृत्यू झाला होता. 

त्यामुळे मच्छीमारांमध्ये भितीचे वातावरण निर्माण झाले आहे.अजूनही त्या आजाराचे निदान झालेले नाही. याशिवाय जिल्हा रूग्णालयातील आयसोलेशन कक्षात उपचार घेत असलेल्या आणखी एका रूग्णाचा मृत्यू झाला आहे. या दोघांच्या मृत्युशी कोरोनाचा सबंध नाही. त्या रूग्णांच्या किडनी, लिव्हर निकामी झाल्यामुळे झाला आहे, अशी माहिती जिल्हा शल्यचिकीत्सक श्री. चाकुरकर यांनी स्पष्ट केले आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com