राज्यात बाजार समित्या सुरूच राहणार : पणन संचालक सुनील पवार

राज्यात बाजार समित्या सुरूच राहणार : पणन संचालक सुनील पवार
राज्यात बाजार समित्या सुरूच राहणार : पणन संचालक सुनील पवार

पुणे : कोरोना विषाणूचा संसर्ग, फैलाव आणि प्रादुर्भाव रोखण्यासाठी पुणे आणि मुंबई बाजार समित्यांनी दोन दिवस समित्या बंद ठेवण्याचा निर्णय घेतला आहे. मात्र बाजार समित्यांनी कोरोनाचा प्रादुर्भाव रोखण्यासाठी प्रभावी उपाययोजना करता, बाजार समित्या बंद ठेवणे योग्य  होणार नाही. शेतकऱ्यांचा शेतमाल विक्री मध्ये कोणतीही अडचण न येता ग्राहकांना सुरळीत फळे, भाजीपाला, अन्नधान्य मिळावे यासाठी उपाययोजना कराव्यात असे आदेश पणन संचालक सुनील पवार यांनी परिपत्रकाद्वारे दिले आहेत.

फळे भाजीपाला, अन्नधान्य कडधान्ये आदी शेतमाल हा जीवनावश्यक असून, कोरोना विषाणूच्या पार्श्वभूमीवर ग्राहकांना या वस्तूंचा पुरवठा सुरळीत व्हावा आणि ग्राहकांअभावी शेतमालाचे नुकसान होऊ नये यासाठी बाजार समित्यांमधील व्यवहार सुरळीत असणे गरजेचे आहे. बाजार समित्यांनी बाजार वेळा संपल्यावर आणि शक्यतो रात्रीच्या वेळी युद्धपातळीवर स्वच्छता आणि निर्जंतुकीकरणाची कामे करण्याचे आदेश देण्यात आले आहेत.

दरम्यान, दूध, धान्य, भाजीपाला अशा जीवनावश्यक वस्तूंचा पुरवठा कोणत्याही परिस्थितीत सुरळीत ठेवण्याबाबतच्या सूचना विभागीय आयुक्त डॉ. दीपक म्हैसेकर यांनी दिल्या आहेत. विभागीय आयुक्तालयात अन्न, नागरी पुरवठा विभाग, पणन विभाग, दुग्ध विभागाच्या प्रशासकीय अधिका-यांची बैठक विभागीय आयुक्त डॉ. म्हैसेकर यांच्या अध्यक्षतेखाली झाली, त्यावेळी त्यांनी या सूचना दिल्या.

ते म्हणाले, सध्याच्या परिस्थितीत कोरोना विषाणूचा उद्रेक झाल्यामुळे जीवनावश्यक वस्तूंचा तुटवडा व जीवनावश्यक वस्तूंची जादा दराने विक्री होण्याची शक्यता नाकारता येत नाही. ही गोष्ट लक्षात घेऊन जनतेचे दैनंदिन जनजीवन सुरळीत सुरू राहण्यासाठी जीवनावश्यक वस्तू सुरळीत व रास्त भावात उपलब्ध होणे गरजेचे आहे. पणन विभागाने जीवनावश्यक वस्तूंचा पुरवठा सुरळीत राहण्यासाठी नियंत्रण ठेवावे. दूध, धान्य, भाजीपाला, तूरडाळ, कांदा, बटाटा, लसूण आदी जीवनावश्यक वस्तू सुरळीतपणे नागरिकांना उपलब्ध व्हाव्यात. तर अन्न व प्रशासन विभागाने बाजारात श्वसनासंबंधी आजारांवरील औषधांचा तुटवडा भासणार नाही याकडे विशेष लक्ष द्यावे,असेही म्हैसेकर यांनी सांगितले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com