Agriculture news in Marathi Apply for Kharif Crop Insurance Scheme | Page 2 ||| Agrowon

नाशिक : खरीप पीकविमा योजनेसाठी ३१ जुलैपर्यंत अर्ज करा

टीम अॅग्रोवन
सोमवार, 13 जुलै 2020

नाशिक : पंतप्रधान पीकविमा योजनेच्या खरीप हंगामासाठी शेतकऱ्यांनी ३१ जुलैपर्यंत अर्ज सादर करावे, असे आवाहन जिल्हा अधीक्षक कृषी अधिकारी संजीव पडवळ यांनी केले आहे.

नाशिक : पंतप्रधान पीकविमा योजनेच्या खरीप हंगामासाठी शेतकऱ्यांनी ३१ जुलैपर्यंत अर्ज सादर करावे, असे आवाहन जिल्हा अधीक्षक कृषी अधिकारी संजीव पडवळ यांनी केले आहे.

पंतप्रधान पीकविमा योजनेसाठी शासन निर्णयानुसार २०२०-२१ ते २०२२-२३ या तीन वर्षांसाठी एकच शासन निर्णय लागू करण्यात आला आहे. या तीन वर्षांच्या कालावधीत खरीप व रब्बी हंगामातील पिकांकरिता नाशिक जिल्ह्यासाठी भारती अॅक्सा जनरल इन्शुरन्स कंपनी ही एकच विमा कंपनी नेमण्यात आली आहे. जिल्ह्यातील जवळपास सर्वच प्रमुख अन्नधान्य, गळीत धान्य आणि नगदी पिकांचा समावेश या योजनेत करण्यात आला आहे.

रब्बी हंगाम २०२०-२१ साठी पुढील पिकांकरिता रब्बी ज्वारी ३० नोव्हेंबर तसेच गहू, हरभरा, कांदा व इतर पिके १५ डिसेंबरपर्यंत अर्ज सादर करण्याची मुदत देण्यात आली आहे. शेतकऱ्यांच्या विमा हप्त्याचा भार कमी व्हावा यासाठी खरीप हंगामासाठी विमा हप्ता २ टक्के, रब्बी हंगामासाठी १.५ तर नगदी पिकांसाठी ५ टक्के असणार आहे. कर्जदार किंवा बिगर कर्जदार शेतकऱ्यांना अधिसूचित क्षेत्रातील अधिसूचित पिकांसाठी ही योजना ऐच्छिक असून, कर्जदार शेतकऱ्यांनी संबंधित बँकेस व पतपुरवठा करणाऱ्या संस्थेस कळविणे बंधनकारक असल्याचे पत्रकात नमूद करण्यात आले आहे.

असे असणार पीक विम्याचे संरक्षण
पीक पेरणीपासून ते काढणीपर्यंतच्या कालावधीत नैसर्गिक आग, वीज कोसळणे, गारपीट, चक्रीवादळ, पूर, दुष्काळ, भूस्खलन, पावसातील खंड, कीड व रोग इत्यादी बाबींमुळे पिकांच्या उत्पादनात येणारी घट जोखमीच्या बाबींमध्ये समाविष्ट केलेली आहे. हवामान घटकांच्या प्रतिकूल परिस्थितीमुळे पिकांची पेरणी किंवा लावणी न झाल्यामुळे होणारे नुकसान (फक्त खरीप हंगामासाठी) पिकांची काढणीपश्चात होणारे नुकसान तसेच स्थानिक नैसर्गिक आपत्तीमुळे होणाऱ्या नुकसानासाठी ही पीक विम्याचे संरक्षण मिळणार आहे.

हंगामनिहाय पिके अशी
खरीप हंगाम : भात, खरीप ज्वारी, बाजरी, नाचणी, मका, तूर, मूग, उडिद, भुईमूग, सोयाबीन, कारळे, कापूस, खरीप कांदा.
रब्बी हंगाम : गहू, ज्वारी, ज्वारी, हरभरा, उन्हाळी भुईमूग, रब्बी कांदा.


इतर ताज्या घडामोडी
सोलापूर जिल्ह्यात उसावर ‘हुमणी’चा...सोलापूर  : जिल्ह्यात खरिपातील मूग, उडदावर...
राधानगरीतून २८०० क्युसेक विसर्गकोल्हापूर : जिल्ह्याच्या पश्चिम भागात पावसाचा जोर...
सांगली जिल्ह्यात तुरीच्या पेरणी...सांगली : जिल्ह्यात गतवर्षी परतीचा झालेला पाऊस आणि...
मका बनले नाशिक जिल्ह्यातील प्रमुख पीकयेवला : कांद्याचा अन् द्राक्षाचा जिल्हा अशी...
रत्नागिरीत मत्स्य शेतीकडे छोट्या...रत्नागिरी : मत्स्य व्यवसाय विभागाला लाखोंचे...
रासायनिक खतांचा योग्य वापर महत्त्वाचापिकांना खताची मात्रा ठरविण्यापूर्वी जमिनीचे...
मका, सीताफळ, केळी, भाजीपाला पीक सल्ला (...प्रादेशिक हवामान केंद्र, मुंबई येथून प्राप्‍त...
दूध प्रश्नी मुख्यमंत्र्यांनी हस्तक्षेप...नगर ः दुधाला प्रतिलिटर किमान 30 रुपये दर मिळावा...
सुपारी, आंबा, नारऴ, काजू फळबाग सल्ला (...ढगाळ व दमट वातावरणामुळे, आंब्याच्या नवीन येणाऱ्या...
राज्यात लिंबं २०० ते १६०० रूपये क्विंटलऔरंगाबादमध्ये क्विंटलला ५०० ते ७०० रुपये दर...
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...