`फळबाग आंबिया बहरासाठी ऑनलाइन अर्ज करावेत `

नाशिक : ‘‘राज्य शासनाच्या पुनर्रचित हवामान आधारित फळपिक विमा योजनेअंतर्गत (आंबिया बहार) २०२१-२२ साठी जिल्ह्यातील डाळिंब, काजू, केळी, द्राक्ष व आंबा या पिकाचा समावेश करण्यात आला.
Apply online for Orchard Ambia Deaf
Apply online for Orchard Ambia Deaf

नाशिक : ‘‘राज्य शासनाच्या पुनर्रचित हवामान आधारित फळपिक विमा योजनेअंतर्गत (आंबिया बहार) २०२१-२२ साठी जिल्ह्यातील डाळिंब, काजू, केळी, द्राक्ष व आंबा या पिकाचा समावेश करण्यात आला. त्या अनुषंगाने या विमा संरक्षणचा लाभ घ्यावा. शेतकऱ्यांनी ऑनलाइन अर्ज सादर करावेत’’, असे आवाहन जिल्हा अधिक्षक कृषी अधिकारी विवेक सोनवणे यांनी केले.

‘‘पंतप्रधान फळपीक विमा योजना संरक्षणासाठी देण्यात येणारी रक्कम सहकार विभागाने मंजूर केलेल्या कर्ज दराएवढी निर्धारित करण्यात आली आहे. या योजनेत कर्जदार व बिगर कर्जदार शेतकऱ्यांना अधिसूचित क्षेत्रातील पिकांसाठी लाभ घेणे ऐच्छिक आहे. पीक संरक्षणाचा लाभ घेण्यासाठी सादर करावयाचा अर्ज व विमा हप्ता कॉमन सर्व्हिस सेंटरतर्फे ऑनलाइन पद्धतीने स्वीकारले जातील, याची नोंद शेतकऱ्यांनी घ्यावी’’, असेही सोनवणे यांनी कळविले.

योजनेसाठी नाशिक जिल्ह्यासाठी रिलायन्स जनरल इन्शुरन्स या कंपनीची नियुक्ती करण्यात आली आहे. महसुल मंडळात स्थापन केलेल्या महावेध प्रकल्पांतर्गत स्वयंचलित हवामान केंद्रातर्फे ग्राह्य धरण्यात येणाऱ्या प्राप्त आकडेवारीतील तरतुदीनुसार  नुकसान भरपाई देण्यात येईल. या योजने संदर्भात अधिक माहिती जाणून घेण्यासाठी हा शासन निर्णय महाराष्ट्र शासनाच्या www.maharashtra.gov.in या संकेत स्थळावर देण्यात आला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com