नाशिक : कळवण तालुक्यातील खर्डेदिगर येथील वीज उपकेंद्रासाठी ३ कोटी ६३ लाख रुपये, तर जिरवाडे (ह) येथील वीज उपकेंद्रासाठी ३ कोटी ७० लाख रुपयांची महावितरणने तांत्रिक व प्रशासकीय मान्यता दिली. त्यामुळे आत जिल्हा वार्षिक योजनेतून आदिवासी उपयोजनेअंतर्गत निधी मिळेल. त्यानंतर लगेच कामाला सुरवात होईल. त्यामुळे खर्डेदिगर व जिरवाडे (ह) परिसरातील ५० गावे व वाड्या-वस्त्यांवरील शेतकऱ्यांना अखंडित व हक्काची वीज मिळेल.
खर्डेदिगर व जिरवाडे (ह) परिसरात सध्या मुबलक प्रमाणात वीज पुरवठा होत नसल्याची ओरड आहे. वाढती विजेची मागणी असताना वीजचोरीमुळे कमी दाबाने वीज पुरवठा होतो. त्यामुळे शेतीपंपांना सुरळीत वीज मिळत नाही. शेतकऱ्यांनी आमदार नितीन पवार यांच्यासमोर व्यथा मांडली होती.
महावितरणकडे प्रस्ताव दाखल करून उपमुख्यमंत्री अजित पवार, ऊर्जामंत्री नितीन राऊत, पालकमंत्री छगनराव भुजबळ, आदिवासी विकासमंत्री के. सी. पाडवी यांच्याकडे पाठपुरावा करून पवार यांनी मंजुरी मिळवली.
५० गावे, वाड्या, वस्त्यांवर मिळणार वीज
खर्डेदिगर व जिरवाडे (ह) परिसरातील शेतकऱ्यांना सुरळीत वीज पुरवठा मिळवून देण्यासाठी वीज उपकेंद्राचा प्रश्न मार्गी लावून ५० गावे, वाड्या, वस्त्यांवरील वीज प्रश्न सोडवणुकीचे आश्वासन दिले होते. अनुक्रमे ३३ व ११ केव्ही वीज उपकेंद्राला शासनाने मंजुरी दिली. त्यामुळे वीजेचा प्रश्न सुटण्यास मदत होणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.