Agriculture news in Marathi Aqueduct should be constructed from ‘Wan’ for irrigation | Agrowon

सिंचनासाठी ‘वान’वरून जलवाहिनी उभारावी

टीम अॅग्रोवन
शनिवार, 5 डिसेंबर 2020

शासनाने अगोदर सिंचनासाठी जलवाहिनीची व्यवस्था करावी तसेच धरणातील गाळ, बाष्पिभवन, पाण्याचा मोठ्या प्रमाणातील होत असलेला अपव्यय, कर्मचाऱ्यांची कमतरता, नियोजनशून्य कारभार आदी बाबींकडे लक्ष देऊन शेतकऱ्यांना सिंचनासाठी किती पाण्याची आवश्यकता आहे, असे लोकजागर मंच, वान आघाडीचे संस्थापक अध्यक्ष अनिल गावंडे यांनी म्हटले आहे.

तेल्हारा, जि. अकोला ः शासनाने अगोदर सिंचनासाठी जलवाहिनीची व्यवस्था करावी तसेच धरणातील गाळ, बाष्पिभवन, पाण्याचा मोठ्या प्रमाणातील होत असलेला अपव्यय, कर्मचाऱ्यांची कमतरता, नियोजनशून्य कारभार आदी बाबींकडे लक्ष देऊन शेतकऱ्यांना सिंचनासाठी किती पाण्याची आवश्यकता आहे. त्यानंतर किती पाणी शिल्लक राहते याबाबत शेतकऱ्यांना सोबत घेऊन नियोजन केल्यानंतरच वान धरणातील पाण्याचा इतर ठिकाणी नेण्‍याबाबत विचार व्हावा, असे लोकजागर मंच, वान आघाडीचे संस्थापक अध्यक्ष अनिल गावंडे यांनी म्हटले आहे.

हनुमान सागर प्रकल्प हा तेल्हारा व संग्रामपूर तालुक्यातील शेतकऱ्यांच्या सिंचनासाठी बांधण्यात आला. धरण बांधल्यानंतर धरणातील पाण्याची क्षमता ८४ .४३४ दलघमी आहे. त्यामधील दरवर्षी ३ दलघमी पाण्याचे बाष्पीभवन होते. ३ दलघमी पाण्याची धरणातून गळती होते. त्यामुळे धरणामध्ये जिवंतसाठा फक्त ७८.४३४ दलघमी इतका आहे. मुळातच सिंचनाकरिता २७.७७२४ दलघमी इतक्या पाण्याची तूट आहे. वान धरणाचे निर्मितीवेळी धरणातील फक्त २२ टक्के पाणीच पिण्यासाठी प्रस्तावित होते. परंतु पिण्याच्या पाण्याची गरज लक्षात घेता शासनाने या धरणातून अकोट शहराकरिता ८.६६ दलघमी, तेल्हारा शहराकरिता ३.१६ दलघमी, जळगाव शहराकरिता ४.०२ दलघमी, ८४ खेडी योजनेकरिता ४.२३९ दलघमी, शेगाव शहराकरिता ५.६२ दलघमी तसेच जळगाव तालुक्यातील खेड्यांकरिता ८.४५४ दलघमी पाणी आरक्षित केले आहे.

अकोला शहर अमृत योजनेकरिता २४ दलघमी पाणी आरक्षित झालेले आहे. परंतु या योजनेला शासनाने तात्पुरती स्थगिती दिलेली आहे. तेल्हारा-अकोट मतदारसंघातील १५९ खेडी योजनासुद्धा प्रस्तावित आहेत. त्यामुळे सिंचनाकरिता पिण्याच्या पाण्याकरिता आरक्षण सोडून अमृत योजनेचे व्यतिरिक्त फक्त २० दलघमी पाणी धरणामध्ये शिल्लक राहते. यामुळे मूळ उद्देशाला बाधा पोहोचत आहे. वान धरणावर १२८ पैकी केवळ २० कर्मचारी काम पाहत आहेत. शासनाकडून कालवा साफसफाईबाबत निधी उपलब्ध होत नाही. नादुरुस्त कालव्यांमधून दररोज हजारो लिटर पाण्याचा अपव्यय होत आहे. यासाठी जलवाहिनीची नितांत गरज आहे, अशी भूमिका गावंडे यांनी मांडली.

पाणी रोखण्यासाठी तेल्हारा येथे आंदोलन
वान प्रकल्पाचे पाणी तेल्हारा तालुक्यातील नागरिकांना पिण्याकरिता व सिंचनाकरिता आरक्षित करण्यात यावे, या व इतर मागण्यांकरिता युवाशक्ती संघटनेच्या वतीने शुक्रवारी (ता. ४)  आक्रोश मोर्चा काढण्यात आला आहे. वान प्रकल्पाचे पाणी बाहेर तालुक्यात न देता तालुक्यातील शेतकऱ्यांना  सिंचनासाठी व पिण्यासाठी द्या व पाणी आरक्षित करा, शेतकऱ्यांना दिवसा वीजपुरवठा करा या मागणीसाठी युवाशक्ती संघटनेने आक्रोश मोर्चा व रास्ता रोको आंदोलन आयोजित करण्यात आले होते. मोर्चाची सुरुवात शिवाजी चौकातून करण्यात आली. यावेळी शिवाजी महाराज पुतळ्याला पुष्पहार अर्पण करून मोर्चा काढण्यात येऊन डॉ. बाबासाहेब आंबेडकर उद्याना जवळ बैठक आंदोलन करण्यात आले. यावेळी तेल्हारा ठाणेदार दिनेश शेळके यांनी चोख बंदोबस्त ठेवला. या मोर्चात तेल्हारा शहरातील व तालुक्यातील शेतकरी मोठ्या संख्येने उपस्थित होते.


इतर ताज्या घडामोडी
नव्या कृषी तंत्रज्ञानाचा शेतकऱ्यांना...नाशिक : श्री स्वामी समर्थ केंद्राच्या वतीने सुरू...
येवल्यात ४६ हजार ग्राहकांकडे २६६ कोटी...येवला, जि. नाशिक : तालुक्यातील कृषिपंप धारकांची...
हवामान बदलाचा आंब्यावरील परिणाम...रत्नागिरी ः वातावरणातील चढ-उताराचे आंबा पिकावर...
परभणीत तूर विक्रीसाठी ६ हजार...परभणी ः आधारभूत किंमत योजनेअंतर्गत तूर विक्रीसाठी...
आम्हाला सोडून गेले, ते पराभूत झाले :...नगर : राज्य विधानसभेत मी १९८० साली ५६ आमदारांचा...
काँग्रेस प्रदेशाध्यक्ष बदलण्याच्या...नागपूर ः काँग्रेसचे प्रदेशाध्यक्ष म्हणून...
पी. आर. पाटील साखर संघाचे पुढील अध्यक्ष... कुरळप, जि. सांगली :  सहकार क्षेत्रातील...
निळेली पशुधन संशोधन केंद्रास वंश...सिंधुदुर्गनगरी ः कोकण कन्याळ या शेळी जातीच्या...
सिंधुदुर्गमध्ये बांधले साडेपाच हजार...सिंधुदुर्गनगरी : जिल्ह्यात भासणाऱ्या संभाव्य...
अमरावतीत शेतकऱ्यांवर ४३ कोटींच्या...अमरावती : हंगामात बॅंकांकडून पीककर्जाच्या बाबतीत...
भंडाऱ्यात ८९५ शेतकऱ्यांचे सूक्ष्म...भंडारा : सूक्ष्म सिंचनाला जिल्ह्यात शेतकऱ्यांचा...
छत्तीसगडमध्ये आजवरची सर्वाधिक धान खरेदीरायपूर : : छत्तीसगडमध्ये आजवरची सर्वाधिक धान...
‘किसान गणतंत्र परेड’ शांततेतच होणार नवी दिल्ली : दिल्लीत सुरू असलेल्या आंदोलनाचा एक...
नक्षत्रांचे गणित चुकू लागलेगावातील वयोवृद्ध माणसे हाताच्या बोटांवर गणिते करत...
पुण्यात सर्वच भाजीपाल्यांचे दर स्थिरपुणे ः गुलटेकडी येथील कृषी उत्पन्न बाजार...
हवामान बदलाला अनुरूप पीक पद्धतीची गरजजागतिक पातळीवर विविध मार्गांनी हवेमधील कार्बन...
कृषी कायद्यांविरोधात शेतकरी विधवांचा...यवतमाळ : केंद्र सरकारच्या नव्या कायद्यांमुळे...
नांदेड जिल्ह्यात दोन लाख ७० हजार...नांदेड : जिल्ह्यात रब्बीमध्ये दोन लाख सत्तर हजार...
पावणेतीन हजार कोटींची कामे मंजूर ः...नांदेड : ‘‘कारोना संसर्गाच्या काळात विकास...
खानदेशातील प्रकल्पांत ५८ टक्के पाणीजळगाव ः खानदेशातील प्रमुख सिंचन प्रकल्पांमध्ये...