agriculture news in Marathi, Army Fall warm on maize in Nashik district, Maharashtra | Agrowon

नाशिक जिल्ह्यात मक्यावर लष्करी अळीचा विळखा
टीम अॅग्रोवन
शुक्रवार, 12 जुलै 2019

बीजप्रक्रिया केलेल्या क्षेत्रावर कंपन्यांनी दिलेल्या मुदतीच्या आत प्रादुर्भाव झाल्याचे पाहणीत निदर्शनास आले. कृषी विभागाने दिलेल्या सूचनांचे पालन करावे. दुबार पेरणीचे संकट टाळण्यासाठी पिकात बदल करावा.
- कारभारी नवले, तालुका कृषी अधिकारी, येवला

नाशिक : लष्करी अळीपासून पीकसंरक्षण होईल या आशेने बीजप्रक्रिया केलेल्या बियाण्याची लागवड केली.  मात्र, जिल्ह्यात मका पिकावर अनेक ठिकाणी अमेरिकन लष्करी अळीचा प्रादुर्भाव दिसून येत असल्याने शेतकरी धास्तावले आहे. त्यामुळे कंपन्यांनी केलेला दावा फोल ठरल्याची चर्चा शेतकऱ्यांमध्ये आहे. 

जिल्ह्यात मक्याचे प्रस्तावित क्षेत्र १ लाख ४३ हजार ६४५ हेक्टर आहे. त्यापैकी ९ जुलै अखेर १ लाख २ हजार १४५ हेक्टरवर लागवड झाली. यंदा बीजप्रक्रिया केलेल्या बियाण्यांची किंमत ४०० ते ५०० रुपयांनी अधिक आहे. लागवडीनंतर २२ दिवसांच्या कालावधीत लष्करी अळीपासून संरक्षण करण्याचा दावा काही कंपन्यांकडून करण्यात आला. मात्र १० ते १२ दिवसात लष्करी अळीचा प्रादुर्भाव झाल्याचे जिल्ह्यातील येवला, निफाड, सिन्नर, देवळा, मालेगाव तालुक्यात समोर आले आहे. त्यामुळे अधिक किंमत घेऊन फसवणूक झाल्याचा आरोप शेतकरी करत आहेत. 

लष्करी अळीचा प्रादुर्भाव आटोक्यात आणण्यासाठी अतिरिक्त खर्च करून कीटकनाशकांच्या फवारण्या कराव्या लागत आहेत. बियाणे दरात झालेली वाढ व कीटकनाशकांवरील खर्च यामुळे एकरी २ ते ३ हजार रुपये वाढला आहे. जिरायत व बागायती क्षेत्रात येणारे मका पीक अमेरिकन लष्करी अळीला मोठ्या प्रमाणावर बळी पडत आहे. त्यामुळे उत्पादनासह चाऱ्याचा प्रश्‍न उद्‍भवण्याची मोठी शक्यता आहे.

शासनाने फसव्या दाव्याकडे गांभीर्याने लक्ष घालावे
लष्करी अळीचा प्रादुर्भाव झाल्याने शेतकऱ्यांचे मोठे नुकसान झाले आहे. काही भागात दुबार पेरणीचा धोका निर्माण झाला आहे. त्यामुळे सरकारने या प्रकरणात गांभीर्याने लक्ष घालून या नुकसानीची व कंपनीने कोणत्या आधारावर मका पिकावर लष्करी अळी रोखण्याचे दावे केले हे तांत्रिकदृष्ट्या तपासून शेतकऱ्यांना न्याय द्यावा, ही मागणी शेतकरी वर्गातून जोर धरू लागली आहे. 

प्रतिक्रिया
लष्करी अळीचा प्रादुर्भाव होणार नाही यासाठी बीजप्रक्रिया केलेले बियाणे घेतले. मात्र मका उगवल्यानंतर सातव्या दिवशी प्रादुर्भाव दिसून आला. झालेला खर्च वाया गेला आहे.
- बापूसाहेब नरोडे, मका उत्पादक, नांदेसर, ता. येवला 

इतर अॅग्रो विशेष
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...
दुष्काळामुळे द्यावा लागणार पाणी...पुणे ः सततच्या दुष्काळामुळे आता पाणी...
पीक पोषणात महत्त्वाची अन्नद्रव्ये पिकांच्या सुदृढ वाढीसाठी १८ अन्नद्रव्यांची...
मिल्क केक बनविण्याची प्रक्रियामिल्क केक हा दिसायला कलाकंदप्रमाणे असला तरी...
मराठवाड्यात ठिकठिकाणी हलक्या ते जोरदार...पुणे ः राज्यात पावसासाठी पोषक वातावरण तयार...
सोयाबीनवरील कीडीची ओळख सोयाबीन हे राज्यातील महत्त्वाचे पीक असून, त्यावर...
नांदेड जिल्ह्यात अन्नधान्य पिकांच्या...नांदेड : जिल्ह्यात गुरुवारपर्यंत (ता. १८) ६ लाख...
एकाच गावातील ७५० एकरांत ७५०० कामगंध...जालना : गतवर्षी नियंत्रण मिळविलं म्हणून कपाशीवरील...
जलसंधारणाचा खामगाव पॅटर्न देशभरात जाणारअकोला ः राष्ट्रीय महामार्गाचे काम करताना त्यासाठी...
कृत्रीम शीतपेयांना शोधला कोकणी नैसर्गिक...कोकणातील निसर्गरम्य कोळथर (ता. दापोली, जि....
फुलांनी आणला आयुष्यात बहर, अॅग्रोवनची...पुणे जिल्ह्यात रुई येथील सुहास लावंड यांनी...
जलव्यवस्थापनातील हुशारीतून फुलतेय ...दुष्काळाशी लढताना औरंगाबाद जिल्ह्यातील गाढेजळगाव...
दुष्काळातही कडवंची गावच्या अर्थकारणाची...भूगर्भीय सर्वेक्षण आधारित पाणलोटाची कामे, मृद...
मातीची सुपीकता टिकविणे आव्हानात्मक: डॉ...कोल्हापूर : कोल्हापूर विभागात मातीची सुपीकता...
साखर कारखान्यांना कर्ज न देणाऱ्या...मुंबई: आगामी हंगामासाठी साखर कारखान्यांना...
कृषी कौशल्य विकासासाठी सहकार्याचा करारअकोला ः  केंद्र शासनाची पंतप्रधान कौशल्य...