agriculture news in Marathi, article regarding weather forecast | Agrowon

राज्यभरात हलक्या ते मध्यम पावसाचा अंदाज
डॉ.रामचंद्र साबळे
शनिवार, 3 ऑगस्ट 2019

महाराष्ट्रावरील हवेचे दाब पुन्हा कमी होत आहेत. उत्तरेस १००२ हेप्टापास्कल तर महाराष्ट्राचे मध्यावर १००४ हेप्टापास्कल इतका कमी हवेचा दाब राहील. त्यामुळे वारे मोठ्या प्रमाणात ढग लोटून आणतील, त्यामुळे सर्वच भागांत चांगल्या पावसाची शक्‍यता राहील.

महाराष्ट्रावरील हवेचे दाब पुन्हा कमी होत आहेत. उत्तरेस १००२ हेप्टापास्कल तर महाराष्ट्राचे मध्यावर १००४ हेप्टापास्कल इतका कमी हवेचा दाब राहील. त्यामुळे वारे मोठ्या प्रमाणात ढग लोटून आणतील, त्यामुळे सर्वच भागांत चांगल्या पावसाची शक्‍यता राहील.

दिनांक ५ ऑगस्टपर्यंत हीच स्थिती कायम राहील. ६ ऑगस्ट दरम्यान उत्तरेकडील भागावर जोरदार पावसाची शक्‍यता राहील व मध्य तसेच दक्षिण भागावर हलक्‍या ते मध्यम पावसाची शक्‍यता राहील. तसेच ७ ऑगस्ट रोजी मुंबई, ठाणे, पालघर, रायगडसह नाशिक व इतर भागांत अधिक पावसाचा जोर राहील. 
या आठवड्यात रत्नागिरी जिल्ह्यात ६६ मि.मी. अथवा त्याहून अधिक पाऊस राहील. मराठवाड्यात हलक्‍या ते मध्यम स्वरूपाची तर विदर्भात काही दिवशी १५ ते २५ मिलिमीटर पावसाची शक्‍यता आहे. पश्‍चिम महाराष्ट्रात कोल्हापूर जिल्ह्यात काही दिवशी ७१ मिलिमीटर सांगली, सातारा, पुणे व नगर जिल्ह्यांच्या पश्‍चिम भागात ३० ते ४५ मिलिमिटर व सोलापूर जिल्ह्यात हलक्‍या पावसाची शक्‍यता आहे.

कोकण 
रत्नागिरी जिल्ह्यात काही दिवशी ६६ मिलिमिटर पाऊस होईल आणि अतिवृष्टी होईल. तसेच सिंधुदुर्ग व रायगड जिल्ह्यांत ५१ ते ५२ मिलिमीटर काही दिवशी पावसाची शक्‍यता असून, ठाणे जिल्ह्यात ४४ मिलिमिटर पावसाची शक्‍यता आहे. कमाल तापमान ठाणे व रत्नागिरी जिल्ह्यांत २९ ते ३० अंश सेल्सिअस राहील. रायगड जिल्ह्यात २८ अंश सेल्सिअस राहील तर सिंधुदुर्ग जिल्ह्यात २३ अंश सेल्सिअस राहील. रत्नागिरी जिल्ह्यात किमान तापमान २४ अंश सेल्सिअस राहील तसेच सिंधुदुर्ग व रायगड जिल्ह्यांत २५ अंश सेल्सिअस आणि ठाणे जिल्ह्यांत २६ अंश सेल्सिअस राहील. आकाश अंशतः ढगाळ राहील. 

उत्तर महाराष्ट्र 
नाशिक जिल्ह्यात ३२ मि.मी. पावसाची शक्‍यता असून, धुळे, नंदूरबार व जळगाव जिल्ह्यांत १६ ते १८ मिलिमीटर पावसाची शक्‍यता आहे. वाऱ्याची दिशा नैऋत्येकडून राहील. वाऱ्याचा ताशी वेग १६ ते २५ किलोमीटर राहील. कमाल तापमान नाशिक व जळगाव जिल्ह्यांत २४ व २९ अंश सेल्सिअस प्रत्येकी राहील, तर धुळे व जळगाव जिल्ह्यांत ३० अंश सेल्सिअस राहील. आकाश अंशतः ढगाळ राहील.

मराठवाडा 
औरंगाबाद व नांदेड जिल्ह्यांत काही दिवशी १० मिलिमिटर पावसाची शक्‍यता असून, उस्मानाबाद व जालना जिल्ह्यांत ८ ते ९ मिलिमीटर पावसाची शक्‍यता आहे. परभणी व लातूर जिल्ह्यांत ३ ते ४ मिलिमीटर पावसाची शक्‍यता आहे. मराठवाड्यातील लातूर जिल्ह्यात कमाल तापमान २८ अंश सेल्सिअस राहील तर जालना व औरंगाबाद जिल्ह्यांत २९ अंश सेल्सिअस राहील. उर्वरित जिल्ह्यांत ते ३० ते ३१ अंश सेल्सिअस राहील व उस्मानाबाद जिल्ह्यात ते ३३ अंश सेल्सिअस राहील. किमान तापमान उस्मानाबाद जिल्ह्यात १९ अंश सेल्सिअस राहील, तर लातूर जिल्ह्यात २१ अंश सेल्सिअस आणि उर्वरित जिल्ह्यांत ते २२ ते २३ अंश सेल्सिअस राहील. आकाश अंशतः ढगाळ राहील. 

पश्‍चिम विदर्भ
बुलढाणा, अकोला व वाशीम जिल्ह्यांत १५ ते १८ मिलिमिटर पावसाची शक्‍यता असून, अमरावती जिल्ह्यात काही दिवशी ३० मिलिमिटर पावसाची शक्‍यता आहे. वाऱ्याची दिशा नैर्ऋत्येकडून राहील. वाऱ्याचा ताशी वेग ४ ते ६ किलोमीटर राहील. वाशीम व अमरावती जिल्ह्यांत कमाल तापमान २९ अंश सेल्सिअस राहील तर अकोला व बुलढाणा जिल्ह्यांत ३० ते ३१ अंश सेल्सिअस राहील. किमान तापमान २३ ते २४ अंश सेल्सिअस राहील. आकाश अंशतः ढगाळ राहील. 

मध्य विदर्भ 
यवतमाळ जिल्ह्यात १५ मिलिमिटर तसेच वर्धा व नागपूर जिल्ह्यांत २० मिलिमिटर पावसाची शक्‍यता आहे. वाऱ्याची दिशा नैर्ऋत्येकडून राहील. वाऱ्याचा ताशी वेग ५ ते १२ किलोमीटर राहील. कमाल तापमान २९ अंश सेल्सिअस राहील, तर किमान तापमान २३ ते २४ अंश सेल्सिअस राहील. आकाश अंशतः ढगाळ राहील. सकाळी सापेक्ष आर्द्रता वर्धा जिल्ह्यात ८१ टक्के तर यवतमाळ व नागपूर जिल्ह्यांत ९० ते ९२ टक्के राहील. दुपारची सापेक्ष आर्द्रता नागपूर जिल्ह्यात ७५ टक्के व यवतमाळ व वर्धा जिल्ह्यांत ८० ते ८९ टक्के राहील.

पूर्व विदर्भ 
गोंदिया, चंद्रपूर व गडचिरोली जिल्ह्यांत २५ मिलिमिटर पावसाची शक्‍यता आहे. वाऱ्याची दिशा नैर्ऋत्येकडून राहील. वाऱ्याचा ताशी वेग ६ ते ८ किलोमीटर राहील. चंद्रपूर जिल्ह्यात कमाल तापमान ३१ अंश सेल्सिअस राहील तर गडचिरोली, भंडारा व गोंदिया जिल्ह्यांत ते २९ अंश सेल्सिअस राहील. चंद्रपूर जिल्ह्यात किमान तापमान २४ अंश सेल्सिअस राहील, तर उर्वरित सर्वच जिल्ह्यांत ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता चंद्रपूर व भंडारा जिल्ह्यांत ९२ ते ९३ टक्के राहील, तर गडचिरोली व गोंदिया जिल्ह्यांत ९५ टक्के राहील. 

दक्षिण-पश्‍चिम महाराष्ट्र 
कोल्हापूर जिल्ह्यात ७१ मिलिमिटर पावसाची शक्‍यता असून, अतिवृष्टीची शक्‍यता आहे. सातारा, पुणे, नगर जिल्ह्यांत ४५ मिलिमीटर पावसाची शक्‍यता असून, सांगली जिल्ह्यात ३२ मिलिमिटर व सोलापूर जिल्ह्यात ९ मिलिमिटर पावसाची शक्‍यता आहे. सांगली व नगर जिल्ह्यांत कमाल तापमान २८ अंश सेल्सिअस राहील. कोल्हापूर जिल्ह्यात २६ अंश सेल्सिअस राहील व सातारा जिल्ह्यात २९ अंश सेल्सिअस राहील. तसेच पुणे, सोलापूर जिल्ह्यांत ते ३१ ते ३३ अंश सेल्सिअस राहील. किमान तापमान २१ ते २३ अंश सेल्सिअस सर्वच जिल्ह्यांत राहील. आकाश अंशतः ढगाळ राहील.

 

कृषी सल्ला 

  •    भाताचे पीक फुटव्यांचे अवस्थेत असताना खाचरात २ ते ३ सें.मी. पाणीपातळी ठेवावी. मात्र, फुटव्यांची चांगली वाढ होताच पाणी पातळी वाढवून ५ सें.मी. ठेवावी.
  •    कोकण व कोल्हापूर जिल्ह्यांत अतिवृष्टीची शक्‍यता आहे ,तेथे शेतात साठलेल्या पाण्याचा निचरा करावा. जास्तीचे पाणी शेतात पाणी साचू देऊ नये.
  •    गोकूळ अष्टमीपूर्वी शेताची पूर्वमशागत करून गोकूळ अष्टमीनंतर रब्बी ज्वारीची पेरणी करावी.

 

(ज्येष्ठ कृषी हवामान तज्ज्ञ, सदस्य, संशोधन परिषद वसंतराव नाईक मराठवाडा कृषी विद्यापीठ, परभणी.)

फोटो गॅलरी

इतर ताज्या घडामोडी
मित्रबुरशींच्या संवर्धनातून लष्करी...सध्या राज्याच्या विविध भागात अनुकूल हवामानामुळे...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
आचारसंहितेच्या धास्तीने जिल्हा परिषदेत...पुणे : आगामी विधानसभा निवडणुकीच्या...
नगर जिल्ह्यात टंचाईग्रस्तांना ३८३...नगर  : पावसाची रोहिणी, मृग, आर्द्रा,...
मराठवाड्यात हलक्या पावसाची हजेरीऔरंगाबाद, नांदेड : मराठवाड्यातील ३०९ मंडळांमध्ये...
महाजनादेश यात्रेत सावधगिरी म्हणून...नाशिक : मुख्यमंत्री देवेंद्र फडणवीस यांनी...
साताऱ्यात यंदा ऊस हंगाम तीन महिनेच सातारा : अतिवृष्टीमुळे निर्माण झालेल्या पूर...
संयुक्त राष्ट्र विकास कार्यक्रम पथकाची...कोल्हापूर : महापुरामुळे झालेल्या नुकसानीची पाहणी...
सत्ताधाऱ्यांच्या चुकीच्या धोरणांने तरुण...बीड : सत्ताधाऱ्यांनी शेतकऱ्यांच्या हिताचा...
कृषी संजीवनी प्रकल्पात पाच हेक्टरपर्यंत...मुंबई : जागतिक बँकेच्या अर्थसाह्याने राबविण्यात...
बदल्यांचा धूमधडाका सुरूचपुणे : राज्यात खरीप हंगाम शेवटच्या टप्प्यात...
वानच्या पाण्यावर पहिला हक्क शेतकऱ्यांचाअकोला : शेती सिंचनासाठी निर्माण करण्यात आलेल्या...
विमा कंपनी कार्यालयात शेतकऱ्यांचा ठिय्यासोलापूर ः पीकविम्याच्या पैशाबाबत सातत्याने...
मक्यावरील लष्करी अळीच्या प्राथमिक...नागपूर : राज्यातील मका पिकावर आलेल्या अमेरिकन...
कृषी विद्यापीठांच्या संशोधन, विकासासाठी...मुंबई ः कृषी विद्यापीठाच्या संशोधन व विकासासाठी...
कोल्हापूर जिल्ह्यात पंधरा टक्के...कोल्हापूर : जिल्ह्यात सुमारे पंधरा टक्के...
कोकण, मध्य महाराष्ट्रात पावसाचा जोर...पुणे : बंगालच्या उपसागर आणि अरबी समुद्रात तयार...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
तुरुंगात गेलेल्यांनी विचारू नये, की...सोलापूर ः ‘‘मी घरच्यांना सांगून आलो आहे, आता...
मराठवाडा दुष्काळमुक्‍तीसाठी सरकारचे...औरंगाबाद : वॉटर ग्रिड, गोदावरीच्या तुटीच्या...