agriculture news in Marathi, article regarding weather forecast | Agrowon

पावसाचे प्रमाण कमी होत जाणार
डॉ.रामचंद्र साबळे
शनिवार, 7 सप्टेंबर 2019

पालघर, नंदूरबार, धुळे, जळगाव नाशिक व विदर्भातील काही भागांवर १००० ते १००२ हेप्टापास्कल इतका कमी हवेचा दाब असल्यामुळे पावसाचे प्रमाण चांगले राहील. तितकाच कमी हवेचा दाब कोकण, मराठवाडा आणि दक्षिण महाराष्ट्रावर आहे.  दिनांक ८ सप्टेंबर रोजी उत्तर महाराष्ट्र व विदर्भावर हवेचा दाब १००२ हेप्टापास्कल इतका, तर मध्य महाराष्ट्रावर १००४ हेप्टापास्कल इतका हवेचा दाब राहील. तीच स्थिती ९ सप्टेंबर रोजी राहील. तोपर्यंत पावसाचा जोर राहील.
 

पालघर, नंदूरबार, धुळे, जळगाव नाशिक व विदर्भातील काही भागांवर १००० ते १००२ हेप्टापास्कल इतका कमी हवेचा दाब असल्यामुळे पावसाचे प्रमाण चांगले राहील. तितकाच कमी हवेचा दाब कोकण, मराठवाडा आणि दक्षिण महाराष्ट्रावर आहे.  दिनांक ८ सप्टेंबर रोजी उत्तर महाराष्ट्र व विदर्भावर हवेचा दाब १००२ हेप्टापास्कल इतका, तर मध्य महाराष्ट्रावर १००४ हेप्टापास्कल इतका हवेचा दाब राहील. तीच स्थिती ९ सप्टेंबर रोजी राहील. तोपर्यंत पावसाचा जोर राहील.
 

 दिनांक १० सप्टेंबर रोजी मध्य महाराष्ट्रावर १००६ व उत्तरेकडील भागावर १००४ हेप्टापास्कल इतका हवेचे दाब राहण्यामुळे पावसाचे प्रमाण कमी होईल. दिनांक १२ सप्टेंबर रोजी हवेच्या दाबात आणखी वाढ होईल. उत्तर महाराष्ट्रात १००६, तर दक्षिणेकडील भागावर १००८ हेप्टापास्कल इतका हवेचा दाब राहिल्यामुळे पावसाचे प्रमाण कमी होईल. आठवडाभर कोकणात विस्तृत स्वरूपात जोरदार पावसाची शक्‍यता आहे. मध्य महाराष्ट्रातही बऱ्याच भागांत विस्तृत स्वरूपात पाऊस होईल. मराठवाड्यात तुरळक ठिकाणी पावसाची शक्‍यता आहे. पावसाचे प्रमाण हलक्‍या ते मध्यम स्वरूपाचे राहील. विदर्भात बऱ्याच भागात विस्तृत स्वरूपात पाऊस होईल. या आठवड्याच्या सुरुवातीस २ ते ३ दिवस अशी स्थिती राहील. त्यानंतर उत्तर महाराष्ट्रात पावसाचा जोर राहील. दिनांक ७ नंतर अथवा त्या दरम्यान मध्य महाराष्ट्र, पश्‍चिम महाराष्ट्र व मराठवाड्यात पावसाचा जोर कमी राहील. या आठवड्यात कोकणात मात्र आठवडाभर पावसाचा जोर कायम राहील. दिनांक १२ ते १४ सप्टेंबर काळात मुंबई, नंदूरबार, नाशिक, धुळे, जळगाव व विदर्भातील काही जिल्ह्यांत पावसाचे प्रमाण अधिक राहील. त्याचवेळी मराठवाड्यातही तुरळक ठिकाणी पाऊस होईल. 

कोकण 
कोकणातील सिंधुदुर्ग, रत्नागिरी व रायगड जिल्ह्यांत या आठवड्याच्या सुरुवातीच्या काळात ३१ ते ३७ मि.मी. पावसाची शक्‍यता प्रतिदिनी काही दिवस राहील. अद्याप वाऱ्याची दिशा नैर्ऋत्येकडून राहील. त्यामुळे नैर्ऋत्य मॉन्सून सक्रिय राहील.  रत्नागिरी जिल्ह्यात कमाल तापमान २९ रायगड व सिंधुदुर्ग जिल्ह्यात ते ३०, ठाणे जिल्ह्यात ३१ अंश सेल्सिअस राहील. रत्नागिरी जिल्ह्यात किमान तापमान २४ अंश सेल्सिअस राहील, तर उर्वरित जिल्ह्यात ते २५ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता  ९५ टक्के, तर दुपारची सापेक्ष आर्द्रता ८५ ते ९२ टक्के राहील. 

उत्तर महाराष्ट्र 
नंदूरबार, नाशिक, जळगाव व धुळे जिल्ह्यांत पावसाची शक्‍यता आहे. नाशिक व नंदूरबार जिल्ह्यांत कमाल तापमान ३०, जळगाव जिल्ह्यात  ३१ अंश सेल्सिअस राहील. किमान तापमान २४ ते २५ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ९२ ते ९४ टक्के, तर दुपारची सापेक्ष आर्द्रता ७८ टक्के राहील. 

मराठवाडा 
नांदेड, उस्मनाबाद, परभणी, लातूर, जालना, हिंगोली जिल्ह्यांत पावसाची शक्यता आहे. लातूर जिल्ह्यात कमाल तापमान ३२ अंश सेल्सिअस, उस्मानाबाद, नांदेड, बीड व हिंगोली जिल्ह्यांत ते ३१ अंश सेल्सिअस राहील. परभणी, जालना व औरंगाबाद जिल्ह्यांत कमाल तापमान ३० अंश सेल्सिअस राहील. उस्मानाबाद किमान तापमान १७ अंश सेल्सिअस राहील. औरंगाबाद जिल्ह्यात २१ अंश व जालना जिल्ह्यात २२ अंश सेल्सिअस राहील. लातूर, नांदेड, बीड, परभणी व हिंगोली जिल्ह्यांत किमान तापमान २० अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ८८ ते ९२ टक्के राहील, तर दुपारची सापेक्ष आर्द्रता ६५ ते ७५ टक्के राहील. 

पश्‍चिम विदर्भ 
वाशीम, अमरावती, अकोला व बुलडाणा जिल्ह्यांत काही दिवस पावसाची शक्‍यता राहील. अकोला जिल्ह्यात कमाल तापमान ३१ अंश सेल्सिअस राहील. अमरावती, वाशीम व बुलडाणा जिल्ह्यांत ३२ अंश सेल्सिअस राहील. किमान तापमान २४ अंश सेल्सिअस राहील. आकाश अंशतः ढगाळ राहील. वाशीम व अमरावती जिल्ह्यांत सकाळ सापेक्ष आर्द्रता ९१ ते ९४ टक्के राहील, तर उर्वरित जिल्ह्यांत  ७८ टक्के राहील. दुपारची सापेक्ष आर्द्रता ६३ ते ७६ टक्के राहील. 

मध्य विदर्भ 
सर्वच जिल्ह्यांत काही दिवस पावसाची शक्‍यता आहे. नागपूर जिल्ह्यात ३२ अंश सेल्सिअस, यवतमाळ व वर्धा जिल्ह्यांत ३३ अंश सेल्सिअस राहील. किमान तापमान २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ते ९५ टक्के राहील. तर दुपारची सापेक्ष आर्द्रता ७८ टक्के राहील.

पूर्व विदर्भ 
भंडारा व गडचिरोली जिल्ह्यांत काही दिवशी पावसाची शक्‍यता आहे. चंद्रपूर व गोंदिया जिल्ह्यांत काही दिवशी ७ ते ८ मिलिमीटर पावसाची शक्‍यता आहे. कमाल तापमान गडचिरोली, भंडारा व गोंदिया जिल्ह्यांत ३२ अंश सेल्सिअस राहील, तर चंद्रपूर जिल्ह्यात ते ३३ अंश सेल्सिअस राहील. किमान तापमान सर्वच जिल्ह्यांत २४ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८५ ते ९७ टक्के राहील. तर दुपारची सापेक्ष आर्द्रता भंडारा जिल्ह्यात ८३ टक्के व उर्वरित जिल्ह्यांत ती ७० ते ७६ टक्के राहील. 

दक्षिण- पश्‍चिम महाराष्ट्र 
कोल्हापूर जिल्ह्यात काही दिवशी ४१ मि.मी. पावसाची शक्‍यता असून, पुणे जिल्ह्यात २६ मी.मी. पावसाची शक्‍यता आहे. सोलापूर जिल्ह्यात अत्यल्प म्हणजे २ मि.मी. पावसाची शक्‍यता आहे. तसेच सातारा, अहमदनगर व सांगली जिल्ह्यांत काही दिवशी १० ते १२ मि.मी. पावसाची शक्‍यता आहे. कोल्हापूर व सातारा जिल्ह्यांत कमाल तापमान २९ अंश सेल्सिअस राहील. सांगली व पुणे जिल्ह्यांत ते ३० अंश सेल्सिअस राहील. नगर जिल्ह्यात ३१, सोलापूर जिल्ह्यात ३२ अंश सेल्सिअस राहील. नगर जिल्ह्यात किमान तापमान २० अंश सेल्सिअस, कोल्हापूर व सोलापूर जिल्ह्यांत ते २२ अंश सेल्सिअस, सांगली, सातारा व पुणे जिल्ह्यांत ते २३ अंश सेल्सिअस राहील. वातावरण अंशतः ढगाळ राहील. सकाळची सापेक्ष आर्द्रता ८५ ते ९०, तर दुपारची सापेक्ष आर्द्रता ७५ ते ८६ टक्के राहील.

 

इतर कृषी सल्ला
मित्रबुरशींच्या संवर्धनातून लष्करी...सध्या राज्याच्या विविध भागात अनुकूल हवामानामुळे...
कृषी सल्ला : बीटी कापूस, सोयाबीन, मूग,...या वर्षी पावसाचे आगमन उशिरा झाले असले तरी काही...
गाजरगवत निर्मूलनासाठी नियमित सामुदायिक...पडीक जमिनी, मोकळ्या जागा, रस्त्याच्या कडा या...
पावसाचे प्रमाण कमी होत जाणारपालघर, नंदूरबार, धुळे, जळगाव नाशिक व विदर्भातील...
पावसाच्या खंड काळात घ्यावयाची काळजीपिकांची उगवण झाल्यावर सर्वसाधारण १५ ते २०...
पूरग्रस्त द्राक्षवेलीची मुळे कार्यरत...सांगली जिल्ह्यातील द्राक्ष विभागामध्ये जास्त...
कार्यक्षमता वाढवण्यासाठी तणनाशकांसोबत...बहुतेक शेतकरी बंधू पावसाळ्यात पावसाची शक्‍यता...
पीक फेरपालटाद्वारे जपा जमिनीची सुपीकता महाराष्ट्रातील बहुतांश शेती ही कोरडवाहू असून,...
पूरस्थितीतील द्राक्ष बागेचे व्यवस्थापनसां गली, कोल्हापूर व कर्नाटक शेजारील काही भागांत...
तणनाशकांची कार्यपद्धती, निवडकता पिकातील तणनियंत्रण हे अत्यंत महत्त्‍वाचे आणि...
सोयाबीनवरील किडींचे नियंत्रण व्यवस्थापनसध्या स्थितीत सोयाबीन पिकावर तुरळक स्वरूपात...
अजैविक ताणाविरोधी लढाईत जैवसंप्रेरके...पुणे येथे द्राक्ष बागायतदार संघ महाअधिवेशन ३ ते ५...
पाणी साचलेल्या द्राक्षबागांसाठी...द्राक्ष लागवडीखाली असलेल्या क्षेत्रात गेल्या...
फळगळचे नेमके कारण जाणून करा योग्य... एकूण फळागळीमध्ये ७० ते ८० टक्के फळे ही...
तणनियंत्रण पद्धतींचा विकास हाताने तण उपटून टाकण्यापासून सुरू झालेला हा...
तणांचे आच्छादन हा सर्वोत्तम पर्याय तणांकडे पाहण्याचा दृष्टिकोन बदलतानाच तणांचे...
गुलाबी बोंड अळीला रोखण्यासाठी एकात्मिक...गुलाबी बोंड अळ्यांना खाण्यासाठी व पतंगाना अंडी...
तणनिर्मूलनाचा थोडक्यात इतिहास माणसाने शेतीला सुरवात केल्यानंतर काही काळात अन्य...
आडसाली उसासाठी एकात्मिक खत व्यवस्थापन जमिनीची सुपीकता टिकवण्यासाठी एकात्मिक अन्नद्रव्य...
कृषी सल्ला : ज्वारी, सोयाबीन ज्वारी      रोप अवस्था...