Agriculture news in Marathi Artificial intelligence needed in vineyards: Dr. Mon. | Page 2 ||| Agrowon

द्राक्षशेतीत हवी कृत्रिम बुद्धिमत्ता ः डॉ. सोमकुवर

टीम अॅग्रोवन
गुरुवार, 23 सप्टेंबर 2021

भविष्यात कीड-रोग, अन्नद्रव्य आणि सिंचन व्यवस्थापनासाठी शेतकऱ्यांना कृत्रिम बुद्धिमत्तेची (एआय) कास धरावी लागेल. त्यामुळे आपण तंत्रज्ञानाच्या वापराला सज्ज राहायला हवे, असे सूतोवाच राष्ट्रीय द्राक्ष संशोधन केंद्राचे संचालक डॉ. आर. जी. सोमकुवर यांनी केले. 

पुणे ः देशाच्या द्राक्षशेतीला आधुनिक वळण मिळण्यासाठी डिजिटल तंत्रज्ञानाचा वापर अत्यावश्यक ठरणार आहे. भविष्यात कीड-रोग, अन्नद्रव्य आणि सिंचन व्यवस्थापनासाठी शेतकऱ्यांना कृत्रिम बुद्धिमत्तेची (एआय) कास धरावी लागेल. त्यामुळे आपण तंत्रज्ञानाच्या वापराला सज्ज राहायला हवे, असे सूतोवाच राष्ट्रीय द्राक्ष संशोधन केंद्राचे संचालक डॉ. आर. जी. सोमकुवर यांनी केले. 

महाराष्ट्र राज्य द्राक्ष बागायतदार संघाच्या ६१ व्या वार्षिक अधिवेशनाच्या उद्‍घाटन सोहळ्यात ते बोलत होते. दूरदृश्‍यप्रणालीद्वारे झालेल्या अधिवेशनात संघाचे अध्यक्ष राजेंद्र पवार, उपाध्यक्ष शिवाजीराव पवार, कोशाध्यक्ष कैलास भोसले, मध्यवर्ती विज्ञान समितीचे अध्यक्ष अरुण कांचन तसेच इतर पदाधिकारी उपस्थित होते. माजी केंद्रीय कृषिमंत्री शरद पवार, कृषिमंत्री दादा भुसे, कृषी आयुक्त धीरज कुमार यांनी संघाच्या अधिवेशनाला शुभसंदेश पाठविले. 

 डॉ. सोमकुवर यांनी द्राक्षशेतीमधील महत्त्वाच्या घडामोडींचा आढावा घेतला. ‘‘द्राक्षशेती मजबूत करायची असल्यास कृत्रिम बुद्धिमत्तेची साधने विकसित करून त्याचा अंगीकारही करावा लागेल. सर्वांत अत्यावश्यक बाब म्हणजे मजुरांना तंत्रशुद्ध प्रशिक्षण द्यावे लागेल. याशिवाय बदलत्या वातावरणाचा अभ्यास करून संशोधनाच्या दिशा ठरवाव्या लागतील. देशी-विदेशी बाजारपेठा आणि उपहारगृहे क्षेत्राच्या पसंतीचा अभ्यास करीत द्राक्ष व्यवसायाला चालना द्यावी लागेल,’’ असे ते म्हणाले. 

शेतकरी किंवा खासगी संस्थांकडून विकसित होणाऱ्या तंत्रज्ञानाच्या वापराला स्टार्टअपच्या माध्यमातून वापराच्या प्रवाहात आणावे लागेल, असे स्पष्ट करून डॉ. सोमकुवर म्हणाले, की राष्ट्रीय द्राक्ष संशोधन केंद्राच्या जनुकीय संग्रहात ४८० वाणांचे संकलन करण्यात आले आहे. डावणीला प्रतिकार करणाऱ्या २० वाणांवर मोलाचा अभ्यास सुरू आहे. द्राक्षशेतीला पारंपरिक वाणांमधून बाहेर काढून नव्या व गुणवत्तापूर्ण वाणांच्या शोधासाठी शास्त्रज्ञ परिश्रम घेत आहेत. त्यातूनच मांजरी संशोधन केंद्रातून नवीन, मेडिका, किशमिश, श्यामा अशा नव्या वाणांचा यापूर्वीच प्रसार झाला आहे. याशिवाय अजून काही नव्या वाणांवर चाचण्या सुरू आहेत.’’

ज्ञानाची परंपरा अखंडित ः अध्यक्ष पवार
संघाचे अध्यक्ष श्री. पवार म्हणाले, की द्राक्ष बागायतदारांच्या अडचणी सोडविण्यासाठी वार्षिक अधिवेशनाला अनेक वर्षांची परंपरा आहे. कोरोनामुळे या परंपरेवर सावट होते. मात्र दूरदृश्‍यप्रणालीचा वापर करीत संघाने ही ज्ञानपरंपरा निर्धारपूर्वक अखंड सुरू ठेवली आहे. बदलत्या तंत्रज्ञानाचा, विदेशी बाजारपेठांचा अभ्यास संघ करीत असून बिगर पेटंट वाणदेखील उपलब्ध होण्यासाठी परिश्रम घेत आहे. बागायतदारांचा वाढीव खर्च कमी करण्यासाठी उपयुक्त सल्ला आणि पीक संरक्षणाची उत्पादने किफायतशीरदरात संघाकडून उपलब्ध करून दिली जात आहेत.’’
फळपीक विमा योजनेत सुधारणा करणे, द्राक्ष विकास परिषदेची स्थापना, अवकाळी पावसाने नुकसानग्रस्त झालेल्या बागांना भरपाई, मनरेगामधून लागवडीसाठी मदत अशा मुद्द्यांवर संघाकडून पाठपुरावा सुरू असल्याचे श्री. पवार यांनी नमुद केले. ‘‘कर्जपुरवठा, निर्यात, देशी बाजारपेठांमधील सुविधा तसेच द्राक्षशेतीच्या बळकटीकरणासाठी सरकारी विभागांप्रमाणेच अपेडा, शेतकरी उत्पादन कंपन्या व निर्यातदारांसोबत सतत समन्वय ठेवण्याचा प्रयत्न बागाईतदार संघाचा राहील,’’ अशी ग्वाही त्यांनी या वेळी दिली.


इतर बातम्या
नगर जिल्ह्यात रब्बी पेरणी पोहोचली ३१...नगर ः रब्बी हंगामातील बहुतांश पिकांच्या पेरणीचा...
सातारा जिल्ह्यात मॉन्सूनोत्तर पावसाचा...सातारा ः जिल्ह्यात शुक्रवारी (ता.३) पावसाचा जोर...
रब्बी, उन्हाळी हंगामांत पिकांखालील...वर्धा : या वर्षी पाऊस लांबल्याने प्रकल्पांमध्ये...
सोलापूर :शेतकऱ्यांना दुधाळ गाई,...सोलापूर : पशुसंवर्धन विभागामार्फत दुधाळ गाई-...
वीज प्रश्‍नांवर सकारात्मक तोडगा काढणार...वाशीम : जिल्ह्यात विजेची समस्या दिवसेंदिवस गंभीर...
पंढरपुरात दीडशे विकास सेवा...सोलापूर ः कोरोनाच्या प्रादुर्भावामुळे रखडलेल्या...
वर्धा जिल्ह्यात तुषार सिंचनाचा १ हजार...वर्धा ः ‘‘नानाजी देशमुख कृषी संजिवनी योजनेअंतर्गत...
मराठवाड्यात २ लाख १२ हजार हेक्‍टरवर...औरंगाबाद : मराठवाड्यातील औरंगाबाद, जालना व बीड...
नाशिक : फसवणूक झाल्यास समितीकडे तक्रार...नाशिक : मालेगाव कृषी उत्पन्न बाजार समितीत...
खानदेशात गारव्यामुळे पशुधन मृत्युमुखी नंदुरबार : सलग तीन दिवस मॉन्सूनोत्तर पावसामुळे...
कोकण, मध्य महाराष्ट्र, मराठवाड्यात...पुणे : पावसाला पोषक हवामान झाल्याने राज्याच्या...
‘रिलायन्स’ पीकविमा भरपाई देण्यास तयारपुणे ः पंतप्रधान पीकविमा योजनेसाठी दहा...
नाशिकमध्ये भरला साहित्यप्रेमींचा मेळा नाशिक : येथील कुसुमाग्रज नगरीत रंगणाऱ्या ९४व्या...
देशात ४७.२१ लाख टन साखरेचे उत्पादनकोल्हापूर : देशातील साखर हंगाम वेगाने सुरू झाला...
बंगालच्या उपसागरात ‘जवाद’ चक्रीवादळाची...पुणे : बंगालच्या उपसागरातील कमी दाब क्षेत्राची...
कृषी शिक्षणाचा टक्का घसरलापुणे ः राज्याच्या ग्रामीण अर्थकारणाचा गाडा...
राज्यात ढगाळ हवामानासह हलक्या पावसाची...पुणे : राज्यात बुधवारपासून (ता. १) पावसाने हजेरी...
राज्यातील द्राक्ष बागांना १० हजार...सांगली ः राज्यात मॉन्सूनोत्तर पावसाने पूर्व...
पाऊस, गारठ्याने नगरमध्ये  सातशे चौदा...नगर ः नगर जिल्ह्यात गेल्या चार दिवसांपासून ढगाळ...
पामतेलाऐवजी सोयाबीन, सूर्यफूल तेलाला...पुणे ः पामतेलाचे दर वाढल्याने सोयाबीन आणि...