agriculture news in marathi, Artificial sandstorm facility in 110 villages in Kolhapur | Agrowon

कोल्हापुरातील ११० गावांत कृत्रिम रेतनाची सुविधा
टीम अॅग्रोवन
मंगळवार, 18 सप्टेंबर 2018

कोल्हापूर : अनुवंशिक सुधारणा होऊन सशक्त जनावरांची पैदास व्हावी, यासाठी महाराष्ट्र पशुधन विकास मंडळ व बाएफ डेव्हलपमेंट रिसर्च फाउंडेशनच्या वतीने जिल्ह्यातील दहा तालुक्‍यांत ३४ कृत्रिम रेतन केंद्रे सुरू करण्यात आली आहेत. या केंद्राच्या माध्यमातून ११० गावांत ही सुविधा मिळणार आहे. ज्या भागात पशुसंवर्धन विभाग पोचू शकत नाहीत त्या दुर्गम भागात बाएफचे कर्मचारी जाऊन कृत्रिम रेतन करणार आहेत. यामुळे जिल्ह्यात चांगल्या प्रतीच्या जनावरे निर्मितीला चालना मिळणार आहे.

कोल्हापूर : अनुवंशिक सुधारणा होऊन सशक्त जनावरांची पैदास व्हावी, यासाठी महाराष्ट्र पशुधन विकास मंडळ व बाएफ डेव्हलपमेंट रिसर्च फाउंडेशनच्या वतीने जिल्ह्यातील दहा तालुक्‍यांत ३४ कृत्रिम रेतन केंद्रे सुरू करण्यात आली आहेत. या केंद्राच्या माध्यमातून ११० गावांत ही सुविधा मिळणार आहे. ज्या भागात पशुसंवर्धन विभाग पोचू शकत नाहीत त्या दुर्गम भागात बाएफचे कर्मचारी जाऊन कृत्रिम रेतन करणार आहेत. यामुळे जिल्ह्यात चांगल्या प्रतीच्या जनावरे निर्मितीला चालना मिळणार आहे.

पशुसंवर्धन विभागात तोकडे मनुष्यबळ आणि दवाखान्यांची संख्या मर्यादित असल्याने जिल्ह्यात बहुतांशी ठिकाणी कृत्रिम रेतन पद्धती एक तर सहकारी संघांच्या मार्फत राबविली जाते किंवा खासगी पशुवैद्यकीय अधिकाऱ्यामार्फत महागडी सुविधा घ्यावी लागते. दुर्गम भागापर्यंत पशुसवंर्धन विभागाचे कर्मचारी पोचू शकत नाहीत. त्यांना मर्यादा येते. सहकारी संघाचे अधिकारी संघाला दूधपुरवठा करणाऱ्या सभासदांनाच प्राधान्य देतात. यामुळे अनेकदा रेतनासाठी पशुपालकांना फिरावे लागते. या समस्या दूर करण्यासाठी शासन व बाएफ संस्था एकत्र येऊन हा प्रकल्प राबवत आहेत.

आकडेवारी समजणार
कृत्रिम रेतन केल्यानंतर वासराचा जन्म होइपर्यंत हे कर्मचारी संबंधित पशुपालकाच्या संपर्कात रहातील. यामुळे बाएफच्या माध्यमातून किती जनावरांची व कोणत्या जातीची पैदास झाली हे समजू शकणार आहे. कृत्रिम रेतन यशस्वी झाल्यानंतर बाएफला शासनाकडून मोबदला दिला जाईल. घरोघरी जावून हे कर्मचारी सेवा देणार असल्याने याचा फायदा दुर्गम भागातील पशुपालकांना होऊ शकेल.

असा आहे प्रकल्प
दहा तालुक्‍यांमध्ये बाएफची ३४ सेवा केंद्रे सुरू करण्यात आली आहेत. यामध्ये प्रत्येक केंद्रामध्ये एक एरिया ऑफिसरची नियुक्ती केली जाईल. ३४ सेवा केंद्राच्या नियंत्रणाखाली ११० गावांमध्ये ही सेवा सुरू करण्यात आली आहे. शासकीय दरात पशुपालकांना कृत्रिम रेतनाची सोय उपलब्ध करून दिली जाईल. यासाठी या गावांमध्ये बाएफचे कर्मचारी पशुपालकांच्या घरी जावून ही सेवा देतील. त्याची नोंद या कर्मचाऱ्यामार्फत ठेवण्यात येईल.

जिल्ह्यातील दुर्गम भागातही बाएफचे कर्मचारी जाऊन पशुपालकांना सेवा देणार आहेत. यामुळे शासनालाही जनावरांची किती पैदास झाली हे समजू शकेल. तसेच चांगल्या दर्जाचे पशुधनही उपलब्ध होऊ शकेल.
-संजय शिंदे,
 कोल्हापूर जिल्हा पशुसंवर्धन अधिकारी

बाएफच्या वतीने सूत्रबद्ध पद्धतीने आम्ही ही सेवा देणार आहोत. यासाठी केंद्रे, गावे व पुरेसे मनुुष्यबळ आम्ही सज्ज ठेवले आहे. घरपोच सेवा मिळणार असल्याने याचा फायदा पशुपालकांना होईल.
- डॉ. निशिकांत भनांगळे,
प्रकल्प अधिकारी, बाएफ

 

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...