अरुणा प्रकल्पग्रस्तांनी मांडले प्रकल्पस्थळी ठाण

धरणातून पाण्याचा विसर्ग करण्याचा अधिकार प्रशासनाचा आहे. त्यासाठी कंपनीच्या कर्मचाऱ्यांना वेठीस धरणे चुकीचे आहे. कंपनीचे कर्मचारी कंपनीच्या इमारतीत असताना तेथे येऊन प्रकल्पग्रस्तांनी हुज्जत घातली. हा प्रकार योग्य नाही - किरण आढाव, अभियंता, महालक्ष्मी इन्फ्राप्रोजेक्ट कंपनी.
Aruna project sufferers stop in project place
Aruna project sufferers stop in project place

सिंधुदुर्ग : आयुक्त कार्यालयावर ‘दे धडक बेधडक’ आंदोलन छेडल्यानंतर अरुणा प्रकल्पग्रस्तांनी आक्रमक भूमिका घेतली आहे. प्रशासनाने धरणातील पाण्याचा विसर्ग सोडण्याचा प्रयत्न केला. तो प्रकल्पग्रस्तांनी हाणून पाडला. त्यानंतर प्रकल्पस्थळीच ठाण मांडून बसलेल्या प्रकल्पग्रस्त आणि ठेकेदार कंपनीच्या कर्मचाऱ्यांमध्ये वाद झाला. त्यांच्यात जोरदार शाब्दिक बाचाबाची झाली. त्यानंतर घटनास्थळी पोचलेल्या पोलिसांनी सामजस्यांची भूमिका घेत प्रकरणावर पडदा टाकला. 

अरुणा प्रकल्पग्रस्तांनी गेल्या आठवड्यात कोकणभवन येथे आयुक्त कार्यालयावर देधडक बेधडक आंदोलन छेडले होते. त्यानंतर प्रकल्पग्रस्तांनी जलसंपदा विभागाचे मुख्य अभियंता एस. आर. तिरूमनवार यांची भेट घेतली. त्यानंतर मात्र प्रकल्पग्रस्तांनी आक्रमक रूप धारण केल्याचे चित्र पाहायला मिळत आहे. पुनर्वसन न करताच प्रकल्पाची घळभरणी करणाऱ्या अधिकाऱ्यांवर कारवाई करावी, अशी मागणी सातत्याने प्रकल्पग्रस्त करीत आहेत. त्याचबरोबर प्रकल्पग्रस्तांना २३ नागरी मूलभूत सुविधा उपलब्ध करून द्याव्या. या मागण्या जोपर्यंत पूर्ण केल्या जात नाहीत, तोपर्यंत प्रकल्पाचे उर्वरित काम करू देणार नाही, असा निर्धार प्रकल्पग्रस्तांनी केला.

पाटबंधारे विभागाला उर्वरित काम करण्यासाठी धरणातील काही पाण्याचा विसर्ग करायचा आहे. तसा प्रयत्न चार दिवसांपूर्वी करण्यात आला. मात्र, प्रकल्पग्रस्तांनी कालव्यात उतरून आंदोलन छेडले. तेव्हापासून प्रकल्पग्रस्त तिथे ठाण मांडून बसले आहेत. सोमवारी पुन्हा प्रकल्पग्रस्तांनी ठेकेदार कंपनीच्या कर्मचाऱ्यांशी वाद घातला. कपंनीच्या कार्यालयाचे दरवाजे बंद केले. या प्रकारामुळे प्रकल्पस्थळी काही काळ तणाव निर्माण झाला होता. 

प्रकल्पाचे काम बंद पाडल्याचा दावा

प्रकल्पग्रस्तांनी अरुणा प्रकल्पाचे सुरू असलेले काम बंद पाडल्याचा दावा प्रकल्पग्रस्तांनी केला आहे. परंतु, पुनर्वसन गावठाण वगळता प्रकल्पाचे कोणतेही काम प्रकल्पस्थळी सुरू नसल्याचा दावा पाटबंधारे विभागाचे कार्यकारी अभियंता राजन डवरी यांनी केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com