खानदेशातील ऊस गाळपात आर्यन शुगरने घेतली आघाडी

खानदेशातील ऊस गाळपात आर्यन शुगरने घेतली आघाडी
खानदेशातील ऊस गाळपात आर्यन शुगरने घेतली आघाडी

जळगाव : खानदेशात सर्वाधिक तीन साखर कारखाने नंदुरबार जिल्ह्यात सुरू आहेत. ऊस गाळपात समशेपूरनजीकच्या (ता. नंदुरबार) आयर्न शुगर कारखान्याने आघाडी घेतली आहे. या कारखान्याने एक लाख सहा हजार मेट्रिक टन उसाचे गाळप केले आहे.

जळगाव जिल्ह्यात मुक्ताईनगर येथील मुक्ताई हा साखर कारखाना सुरू होता. चाळीसगाव तालुक्‍यात अनेक वर्षे बंद असलेला बेलगंगा साखर कारखाना प्रगतिशील शेतकरी, उद्योजकांनी पुढाकार घेऊन शुक्रवारी (ता. ७)  सुरू केला. जळगावमधील यावल तालुक्‍यातील मधुकर, चोपडा तालुक्‍यातील चोपडा सहकारी साखर कारखाना अजूनही सुरू नाही. यावल, चोपडा भागांतील उसाची वाहतूक मालेगाव (जि. नाशिक) व कन्नड (जि. औरंगाबाद) येथील खासगी साखर कारखाने करीत आहेत.

 धुळे जिल्ह्यात कुठलाही साखर कारखाना सुरू नाही. नंदुरबारात शहादा तालुक्‍यातील सातपुडा साखर कारखाना गाळपात दुसऱ्या क्रमांकावर आहे. ९६ हजार मेट्रिक टन उसाचे गाळप या कारखान्याने केले. नवापूर तालुक्‍यातील आदिवासी सहकारी साखर कारखान्याने ३२ हजार मेट्रिक टन ऊस गाळप केले.

जळगाव जिल्ह्याच्या तुलनेत नंदुरबारात अधिक ऊस गाळप होईल, असे चित्र आहे. जळगावातील सहकारी साखर कारखाने बंद असल्याने तेथील उसाची वाहतूक इतर भागात होत आहे. त्यामुळे हे कारखाने सुरू झाले तरी त्यांच्याकडून अपेक्षित गाळप होणार नाही. चोपडा सहकारी साखर कारखान्याकडे शेतकऱ्यांचे मागील हंगामातील सुमारे दोन कोटी रुपये अडकले आहेत. यासंदर्भातील वाद साखर आयुक्तालय व जिल्हा प्रशासनाकडे प्रलंबित आहे, अशी माहिती मिळाली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com