agriculture news in Marathi, Ashadi ekadashi today in Padharpur, Maharashtra | Agrowon

।। विठु माऊलीये हाचि वर देई ।  संचोरिनी राहीं हृदयामाजी ।।
टीम अॅग्रोवन
शुक्रवार, 12 जुलै 2019

पंढरपूर : 
विठु माऊलीये हाचि वर देई । 
संचोरिनी राहीं हृदयामाजी ।
तुका म्हणे काही न मागे आणिक । 
तुझे पायी सुख सर्व आहे ।।

अशी कृतार्थतेची भावना मनात साठवत आषाढी यात्रेच्या अनुपम सोहळ्यात सहभागासाठी राज्याच्या कानाकोपऱ्यातून लाखोंच्या संख्येने वारकरी पंढरीत दाखल झालेल्या वारकऱ्यांनी आपल्या लाडक्या विठूरायाचे दर्शन घेतले. या सोहळ्यात दशमीच्या स्नानाला विशेष महत्त्व असल्याने गुरुवारी (ता. ११) भल्या पहाटेपासूनच चंद्रभागा नदीच्या तीरावर स्नानासाठी वारकऱ्यांची एकच झुंबड उडाली. 

पंढरपूर : 
विठु माऊलीये हाचि वर देई । 
संचोरिनी राहीं हृदयामाजी ।
तुका म्हणे काही न मागे आणिक । 
तुझे पायी सुख सर्व आहे ।।

अशी कृतार्थतेची भावना मनात साठवत आषाढी यात्रेच्या अनुपम सोहळ्यात सहभागासाठी राज्याच्या कानाकोपऱ्यातून लाखोंच्या संख्येने वारकरी पंढरीत दाखल झालेल्या वारकऱ्यांनी आपल्या लाडक्या विठूरायाचे दर्शन घेतले. या सोहळ्यात दशमीच्या स्नानाला विशेष महत्त्व असल्याने गुरुवारी (ता. ११) भल्या पहाटेपासूनच चंद्रभागा नदीच्या तीरावर स्नानासाठी वारकऱ्यांची एकच झुंबड उडाली. 

दरम्यान, आषाढी वारीची शासकीय महापुजा मुख्यमंत्री देवेंद्र फडणवीस यांच्या हस्ते शुक्रवारी (ता. १२) पहाटे झाली. यावेळी लातूर जिल्ह्यातील सांगवी सुनेवाडी तांडा (ता. अहमदपूर) येथील विठ्ठल मारुती चव्हाण (वय ६१) आणि सौ. प्रयाग विठ्ठल चव्हाण ( वय ५५) यांना मानाचे वारकरी म्हणून यांना मान मिळाला.  क्षणोक्षणी वाढणारी वारकऱ्यांची गर्दी, टाळ-मृदंगाचा गजर आणि हरिनामाच्या जयघोषाने अवघ्या पंढरीत भक्तीचा मळा फुलून गेला आहे.

राज्यासह आंध्र प्रदेश आणि कर्नाटकमधूनही वारकरी पंढरीत दाखल झाले आहेत. शहरातील विविध मंदिरे, मठ, धर्मशाळा आणि वारकऱ्यांच्या राहुट्यांमध्ये कीर्तन, प्रवचन आणि भजनाचे सूर आळवले जात आहेत. विठ्ठल मंदिर परिसर, प्रदक्षिणामार्ग, ६५ एकर, चंद्रभागा वाळवंट, गोपाळपूर रस्त्यावरील पत्राशेड, भक्तिमार्ग, कैकाडी महाराज मठ, तनपुरे महाराज मठ, रेल्वे स्टेशन परिसरात वारकऱ्यांची मोठी वर्दळ आहे. शहरातील मंदिर परिसर, प्रदक्षिणा मार्ग, स्टेशन रस्ता आदी प्रमुख मार्गावर प्रासादिक, खेळणी साहित्य, तुळशीमाळा, मृदंग, तबला, वीणा आदी भजनी साहित्याची दुकाने, सौंदर्य प्रसाधने, कपडे, घरगुती साहित्याच्या विक्रीसाठी व्यापारपेठाही सजल्या आहेत.

गेल्या वीस दिवसांपासून सावळ्या विठुरायाच्या भेटीसाठी निघालेल्या संत ज्ञानेश्‍वर महाराज आणि संत तुकाराम महाराज यांच्यासह विविध संतांचे पालखी सोहळे आज पंढरीत दाखल झाले. तसेच एसटी रेल्वे आणि खासगी वाहनाद्वारे वारकरी दर मिनिटाला पंढरीत दाखल होत आहेत. तर प्रमुख मार्गावर ज्ञानोबा-तुकारामचा जयघोष आणि टाळ-मृदंगाच्या गजराने प्रदक्षिणा मार्गासह चंद्रभागा तिराकडे निघालेल्या दिंड्या आणि वारकऱ्यांमुळे चोहोबाजूंनी भक्तीचा प्रवाह पंढरीत एक होत असल्याचे चित्र आहे. 

दशमीच्या स्नानासाठी चंद्रभागा तिरी झुंबड
गुरुवारी दशमीच्या स्नानासाठी वारकऱयांनी भल्या पहाटेपासूनच चंद्रभागा नदीच्या तीरावर एकच गर्दी केली. चंद्रभागेतील स्नान आणि प्रदक्षिणामार्गावरील फेरी वारकरी आवर्जून पूर्ण करत होते. विठ्ठल मंदिरात पदस्पर्श दर्शनाची रांग गोपाळपूरच्या पत्राशेड भरून स्वेरी कॉलेजच्याही पुढे सात किलोमीटरपर्यंत पोचली. एका वारकऱ्याला दर्शनासाठी १८ ते २० तास लागत आहेत. तर प्रतिमिनिटाला ३० ते ४० वारकरी दर्शन घेऊन बाहेर पडत आहेत. 

क्षणचित्रे 

  • आंध्र प्रदेश, कर्नाटकातील वारकरीही पंढरीत
  • विविध संतांच्या पालख्यांचेही आगमन
  • दर्शनाची रांग पोचली सात किलोमीटरपर्यंत 
  • प्रतिमिनिटाला ३०-४० वारकऱ्यांना होतेय दर्शन
  • स्नानासाठी भक्तांची झुंबड
  • मंदिर, मठ, धर्मशाळांमध्ये प्रवचन, भारुड भजनाचे सूर

इतर बातम्या
पीकविम्याला मुदतवाढ देण्याची ‘...अकोला ः या हंगामात पीकविमा भरण्यासाठी २४ जुलै ही...
‘त्या’ बँकांमधील शासकीय खाती बंद करणार...यवतमाळ : बँकांच्या आडमुठेपणामुळे शेतकरी...
परडा येथे मक्यावर लष्करी अळीचा...अकोला ः या हंगामात लागवड झालेल्या मक्यावर मोताळा...
अमरावती जिल्ह्यात पीककर्जाचा टक्का...अमरावती  : छत्रपती शिवाजी महाराज शेतकरी...
अकोल्यात सोयाबीन सरासरी ३६१० रुपये...अकोला ः येथील कृषी उत्पन्न बाजार समितीत बुधवारी (...
सातारा जिल्हा परिषदेचा १०० कोटींचा...सातारा : जिल्हा परिषदेच्या इतिहासात प्रथमच मूळ...
पुण्यात पीकविम्यासाठी शिवसेना रस्त्यावरपुणे ः ‘कोण म्हणतो देणार नाय विमा घेतल्याशिवाय...
पुणे विभागातील कोरडवाहू पट्ट्यात टंचाई...पुणे : विभागातील पुणे, सातारा, कोल्हापूर...
मराठवाड्यातील पाणीटंचाईत वाढऔरंगाबाद : पावसाने पाठ फिरविल्याने...
नांदेड जिल्ह्यात शेतकऱ्यांनी उतरविला १...नांदेड : पंतप्रधान पीकविमा योजनेंतर्गंत खरिपासाठी...
मराठवाड्यातील पाच जिल्ह्यांत १५ चारा...औरंगाबाद : मराठवाड्यातील घटलेली चारा छावण्यांची...
अचूक पीक पेरणी अहवाल देणे शक्य नाही ः...बुलडाणा  ः जिल्ह्यातील पीक पेरणीचा...
आडसाली ऊस लागवडीला कोल्हापूर जिल्ह्यात...कोल्हापूर  : जिल्ह्यात गेल्या पंधरवड्यात...
परभणी कृषी विद्यापीठ उत्पादित अडीच हजार...परभणी : वसंतराव नाईक मराठवाडा कृषी विद्यापीठाच्या...
‘शेतकरी सन्मान’साठी ९१.३३ टक्के ...अकोला  ः पंतप्रधान शेतकरी सन्मान निधी (पीएम...
एचटी कापूस बियाण्यांबाबतचा अहवाल १५...मुंबई  : प्रतिबंधित एचटी (हर्बीसाइड टॉलरंट)...
शिवसेना शेतकऱ्यांची दिशाभूल करतेय ः...मुंबई  ः पीकविम्यासंदर्भात विमा कंपन्यांवर...
पीकविम्याचे पैसे पंधरा दिवसांत न...मुंबई  : कर्जमाफी दिलेल्या शेतकऱ्यांची...
फळपीक विमा योजनेला मुदतवाढ देण्याची...पुणे  : राज्यातील दुष्काळी स्थिती आणि...
कृत्रिम पावसाचा मंगळवारी तीन ठिकाणी...मुंबई   ः पश्चिम महाराष्ट्रातील...