Agriculture news in marathi; Atal Anandvan Scheme in maharastra | Agrowon

राज्यात लवकरच अटल आनंदवन योजना ःमुनगंटीवार
टीम अॅग्रोवन
बुधवार, 12 जून 2019

नाशिक : पर्यावरण रक्षणासाठी वनसंवर्धन आवश्यक असून, त्यासाठी ३३ कोटी वृक्ष लागवड कार्यक्रमाला वन आंदोलन आणि वृक्ष सत्याग्रहाचे स्वरूप लोकसहभागातून येणे आवश्यक आहे. जपानमधील मियावाकी जंगलाच्या धर्तीवर प्राणवायूची शाश्वत ठिकाणे निर्माण करण्यासाठी नगरपालिका, महापालिका यांच्या धर्तीवर अटल आनंदवन योजना आणली जाणार आहे. एक एकरात १० ते १२ हजार झाडे लावून ती जगवून या माध्यमातून १३ टक्के वन आच्छादित क्षेत्र वाढविणार असल्याची माहिती राज्याचे वनमंत्री सुधीर मुनगंटीवार यांनी दिली. 

नाशिक : पर्यावरण रक्षणासाठी वनसंवर्धन आवश्यक असून, त्यासाठी ३३ कोटी वृक्ष लागवड कार्यक्रमाला वन आंदोलन आणि वृक्ष सत्याग्रहाचे स्वरूप लोकसहभागातून येणे आवश्यक आहे. जपानमधील मियावाकी जंगलाच्या धर्तीवर प्राणवायूची शाश्वत ठिकाणे निर्माण करण्यासाठी नगरपालिका, महापालिका यांच्या धर्तीवर अटल आनंदवन योजना आणली जाणार आहे. एक एकरात १० ते १२ हजार झाडे लावून ती जगवून या माध्यमातून १३ टक्के वन आच्छादित क्षेत्र वाढविणार असल्याची माहिती राज्याचे वनमंत्री सुधीर मुनगंटीवार यांनी दिली. 

म. वि. प्र. संस्थेच्या वाणिज्य, व्यवस्थापन आणि संशोधन महाविद्यालयात ३३ कोटी वृक्ष लागवडीसंदर्भात आयोजित विभागीय बैठकीत ते बोलत होते. बैठकीस वन विभागाचे प्रधान सचिव विकास खारगे, विभागीय आयुक्त राजाराम माने, महापौर रंजना भानसी, खासदार भारती पवार, आमदार देवयानी फरांदे, सीमा हिरे, अतिरिक्त प्रधान मुख्य वनसंरक्षक टी. के. चौबे, विशेष पोलिस महानिरीक्षक छेरींग दोरजे, मुख्य वनसंरक्षक विजय शेळके, ए. के. कळसकर, पोपटराव पवार आदी उपस्थित होते.

श्री. मुनगंटीवार म्हणाले की, वृक्षसंवर्धनासाठी पुढील दहा वर्षांचे नियोजन करणे आवश्यक आहे. त्यादृष्टीने वृक्ष लावण्याच्या मानसिकतेचे बिजारोपण होण्यासाठी जनजागृतीवर भर देण्यात यावा. रानमळा पद्धत, कन्या वनसमृद्धी योजना हे उपक्रम याच प्रयत्नांचा भाग असून, त्याबाबत जनतेला अधिकाधिक माहिती देण्यात यावी. वन विभागातर्फे १२ हजार ६६५ गावांत संयुक्त वन समित्यांची स्थापना करण्यात आली आहे. वृक्ष लागवडीची सांगड आर्थिक आणि सामाजिक विकासाशी घालून त्याला लोकचळवळीचे रूप देण्याचा प्रयत्न असून, जनतेने यात मोठ्या संख्येने सहभाग घ्यावा, असे आवाहन वनमंत्र्यांनी केले.

विभागीय आयुक्त माने यांनी ३३ कोटी वृक्ष लागवड उपक्रमांतर्गत विभागातील पूर्वतयारीची माहिती दिली. नाशिक विभागात १ जुलै ते ३० सप्टेंबर या कालावधीत ५ कोटी ८२ लक्ष वृक्ष लागवडीचे उद्दिष्ट देण्यात आले असून, ६ कोटी ८५ रोपे उपलब्ध आहेत. ५ कोटी ४ लक्ष खड्डे खोदण्यात आले आहेत. हरितसेनेअंतर्गत ७ लाख ९५ हजार नोंदणी करण्यात आली असल्याचे ते म्हणाले. या वेळी पोपटराव पवार यांनी मधमाश्‍या आकर्षित करणाऱ्या आणि पक्ष्यांच्या अधिवासासाठी उपयुक्त प्रजातीची झाडे लावण्याचे आवाहन केले.

नाशिक विभागातील वृक्ष लागवडीची आखणी 

  •  धुळे ‍जिल्ह्यात स्वयंसेवी संस्थांच्या मदतीने वन विभागाच्या जमिनीवर मोठ्या प्रमाणात वृक्ष लागवड 
  •  जळगाव जिल्ह्यात रोटरी क्लब आणि जैन इरिगेशनच्या माध्यमातून त्रिपक्षीय कराराद्वारे वृक्ष लागवड 
  •  नंदुरबार जिल्ह्यातील कोठली खुर्द गावात सघन वृक्ष लागवड; त्यासाठी २२ गावांत स्वयंसेवी संस्थांची मदत
  •  नाशिक जिल्ह्यात देवराईच्या माध्यमातून वृक्षारोपणाला चांगला प्रतिसाद 
  •  अहमदनगर जिल्ह्यात वृक्ष लागवडीसाठी साखर कारखान्यांची मदत

इतर बातम्या
कांदा खाणाऱ्यांचा विचार करता, मग...नाशिक : कांद्यातील भाववाढीला आळा घालण्यासाठी...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
चांद्रयान मोहिमेसाठी निधी देणार ः...आटपाडी ः भारतीय अवकाश संशोधन संस्थेला या पुढच्या...
द्राक्षपंढरीत गोड्या छाटण्यांना सुरवातनाशिक : चालू वर्षीच्या द्राक्ष हंगामाला सुरवात...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
युरियाशिवाय शेती विचार रुजला तरच...नागपूर ः सेंद्रिय शेतीचा विचार गेल्या अनेक...
...अखेर ऊसतोड कामगार महामंडळ स्थापनमुंबई ः गेल्या अनेक वर्षांपासून प्रलंबित असलेल्या...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
जलसमृद्धी बक्षीस योजनेतील चौथ्या आणि...पुणे : ॲग्रोवन जलसमृद्धी बक्षीस योजनेची सोडत...
नागपूर जिल्हा बॅंक घोटाळा निकाली...नागपूर ः नागपूर जिल्हा मध्यवर्ती बॅंकेतील...
शेतकरी कंपन्यांकडून हमीभावाने खरेदीची...पुणे : किमान हमीभाव खरेदीच्या कार्यक्रमात शेतकरी...
राज्यात उद्यापासून पावसाची शक्यतापुणे : राज्यात पावसासाठी पोषक हवामान होत असल्याने...
राज्यात नवे जलधोरणपुणे : राज्याच्या जुनाट जलधोरणाला अखेर मूठमाती...
कृषी विभाग उभारणार गाव पातळीवर शेतकरी...नागपूर ः ग्रामपंचायत कार्यालयात कृषी सहायकांकरिता...
दुष्काळमुक्त महाराष्ट्रासाठी...सिंधुदुर्ग  ः कर्जमुक्त आणि दुष्काळमुक्त असा...