नांदेड, परभणी, हिंगोलीत पावसाची ६० मंडळांत हजेरी

नांदेड : नांदेड, परभणी, हिंगोली जिल्ह्यातील ६० मंडळांमध्ये मंगळवारी (ता.३०) सकाळी आठ पर्यंतंच्या २४ तासांमध्ये हलका ते जोरदार पाऊस झाला. या तीन जिल्ह्यातील अनेक मंडळांत रखडलेल्या पेरण्या उरकण्यासाठी तसेच उगवलेल्या पिकांच्या वाढीसाठी जोरदार पावसाची गरज आहे. 

नांदेड जिल्ह्यातील हदगाव, किनवट, धर्माबाद, नायगाव, बिलोली, कंधार, लोहा तालुक्यातील २० मंडळांमध्ये हलका ते जोरदार पाऊस झाला. उर्वरित ६० मंडळांमध्ये उघडीप होती.  परभणी जिल्ह्यातील परभणी, जिंतूर, सेलू, मानवत, गंगाखेड, पालम, पूर्णा तालुक्यातील १५ मंडळांमध्ये हलका ते मध्यम पाऊस झाला. अन्यत्र उघडीप होती. हिंगोली जिल्ह्यातील २५ मंडळांमध्ये हलका ते जोरदार पाऊस झाला.  मंडळनिहाय पाऊस (मि.मी) ः 

नांदेड जिल्हा ः पिंपरखेड ५,तळणी ५, मांडवी ४, धर्माबाद १३, करखेली १०, बरबडा ७, कुंटूर २४, बिलोली २२, सगरोळी ६०, कुंडलवाडी १८, उस्माननगर १४, लोहा ४०, कलंबर १२, सोनखेड १४, कापशी ५. 

परभणी जिल्हा ःदैठणा ३०, सावंगी म्हाळसा १४, चारठाणा ७, बामणी ३५, सेलू ६, कुपटा ५, कोल्हा ६, माखणी ११, महातपुरी ४, चाटोरी ६, कात्नेश्वर ६. 

हिंगोली जिल्हा ःहिंगोली ३८, खंबाळा २६, नरसी नामदेव १२, डिग्रस १०, कळमनुरी १४, नांदापूर १३, आखाडा बाळापूर ६२, डोंगरकडा ११, वारंगा फाटा १४, कुरुंदा १२, टेंभुर्णी १०, आंबा १५, येळेगाव १२, सेनगाव ३०, आजेगाव ३७, साखरा ६, पानकनेरगाव २५, हत्ता १६.