agriculture news in marathi, auditor appointed for sugarcane drip scheme, Maharashtra | Agrowon

ऊस ठिबक योजनेसाठी लेखापरीक्षकाची नेमणूक
टीम अॅग्रोवन
रविवार, 23 सप्टेंबर 2018

 पुणे : राज्यात ऊस लागवडीसाठी ठिबक अनुदान वाटपाच्या महत्त्वाकांक्षी योजनेत आर्थिक गोंधळ टाळण्याकरिता राज्य शासनाने स्वतंत्र लेखापरीक्षकांची नियुक्ती करण्यात आली आहे. दुष्काळ, अवर्षण, पाणी वाटपाचे होणारे सतत तंटे यामुळे साखर कारखान्यांनी पाणी बचतीसाठी पुढाकार घ्यावा, असे राज्य शासनाचे म्हणणे आहे.

 पुणे : राज्यात ऊस लागवडीसाठी ठिबक अनुदान वाटपाच्या महत्त्वाकांक्षी योजनेत आर्थिक गोंधळ टाळण्याकरिता राज्य शासनाने स्वतंत्र लेखापरीक्षकांची नियुक्ती करण्यात आली आहे. दुष्काळ, अवर्षण, पाणी वाटपाचे होणारे सतत तंटे यामुळे साखर कारखान्यांनी पाणी बचतीसाठी पुढाकार घ्यावा, असे राज्य शासनाचे म्हणणे आहे.

सिंचनात काटेकोरपणा वाढविण्याकरिता कारखान्यांच्या कार्यक्षेत्रातील शेतकरी सभासदांना ऊस लागवड करताना ठिबक बंधनकारक करण्याचा शासनाचा विचार आहे. त्यासाठी पहिल्या टप्प्यात ५२ साखर कारखान्यांची निवड करण्यात आलेली आहे. ‘‘ऊस ठिबक योजनेसाठी भविष्यात कोट्यवधीची कर्जे वाटली जाणार आहेत. त्यासाठी व्याजदर सव्वासात टक्के ठेवला गेला आहे. मात्र, शेतकऱ्यांकडून केवळ दोन टक्के व्याज आकारले जाईल. या योजनेतील उलाढाल बघता आर्थिक नियोजन सांभाळण्यासाठी कारखानानिहाय लेखापरीक्षक नियुक्त करण्याचा निर्णय घेण्यात आला आहे’’, असे सूत्रांनी स्पष्ट केले. 

‘‘सहकार विभागाच्या वर्ग एक श्रेणीतील विशेष लेखापरीक्षक या योजनेचे आर्थिक कामकाज सतत तपासतील. कारखान्यांनी या योजनेला जबाबदारीने पुढे नेण्यासाठी शासनाने साखर कारखान्यांच्या कार्यकारी संचालकांच्या अध्यक्षतेखाली अंमलबजावणी समितीदेखील गठीत केली आहे. या समित्यांना देखील वेळोवेळी मार्गदर्शन करण्याची भूमिका लेखापरीक्षकांना बजवावी लागेल’’, असे सूत्रांनी स्पष्ट केले. 

ऊस ठिबक योजनेसाठी कर्ज देण्याकरिता सुरवातीला फक्त जिल्हा बॅंकांनी पुढाकार घेतला होता. मात्र, काही राष्ट्रीयीकृत बॅंकांनी देखील कर्ज देण्याची तयारी दाखविल्याने आता राष्ट्रीयीकृत बॅंकांनाही परवानगी देण्यात आलेली आहे. ‘‘या योजनेसाठी कर्जनिधी उपलब्ध करून देण्याची मुख्य जबाबदारी नाबार्डची आहे. सध्या कागदावर योजना तयार असली तरी निधी येण्यास उशीर होत असल्याने कर्जवाटप अद्यापही सुरू झालेले नाही. मात्र, यावर्षाच्या अखेरीस प्रत्यक्ष काम सुरू होणे अपेक्षित आहे’’, अशी माहिती सहकार विभागाच्या सूत्रांनी दिली.

उसासाठी ठिबक योजना राबविण्याची मुख्य जबाबदारी कृषी विभागाची होती. मात्र, या विभागाने उसासाठी संथ गतीने कामे केली. त्यामुळे आता कृषी विभागाला या योजनेत सामावून घेण्यात आलेले आहे. शेतकऱ्यांना ठिबक कर्जावर दिल्या जाणाऱ्या चार टक्के व्याजाची रक्कम कृषी विभागाकडून घेण्याचा प्रयत्न कृषी आयुक्तालयाचा चालू आहे. 

‘‘कृषी विभाग पहिल्या टप्प्यात ५० कोटी रुपये व्याज अनुदान देण्यास तयार आहे. नाबार्ड देखील ३०० कोटी रुपयांपर्यंत निधी देण्यास तयार आहे. मात्र, प्रत्यक्ष निधी वितरित झाल्याशिवाय कागदोपत्री असलेल्या योजनेला शेतकऱ्यांपर्यंत नेता येणार नाही’’, असे मत सहकार विभागाच्या सूत्रांनी व्यक्त केले. 

ऊस ठिबक योजनेचा पहिला टप्पा

  • सहभागी झालेले साखर कारखाने :   ५२
  • ठिबक अनुदानासाठी कारखान्यांनी निवडलेले शेतकरी :   ३० हजार 
  • ठिबकखाली येणारी शेतजमीन :   ३५ हजार हेक्टर
  • सध्या अर्ज केलेले शेतकरी :   २० हजार 
  • कर्जासाठी जिल्हा बॅंकांकडे आलेले अर्ज :  १५ हजार

इतर अॅग्रो विशेष
संघर्षमय हंगामगेल्या वर्षीच्या गळीत हंगामात राज्यात विक्रमी...
द्राक्ष शेतीला चालना कशी मिळेल?संपूर्ण भारत देशामध्ये द्राक्ष लागवड १.३९ लाख...
जमिनीच्या सुपीकतेतील गांडुळांचे योगदानजगभरामध्ये हजारो जातीची गांडुळे अस्तित्वात असून,...
ईशान्यकडील राज्ये का नाकारतात...कोल्हापूर : वाहतूक खर्चामुळे महाग पडत असल्याने...
जळगाव जिल्ह्यात 'येथे' सुरु झाली...जळगाव ः खानदेशात भारतीय कापूस महामंडळाने (...
केंद्रीय पथक आज करणार पीकहानीची पाहणीपुणे ः मॉन्सूनोत्तर पावसामुळे राज्यात शेतीच्या...
‘दाणेदार’ खताच्या मागे ‘मालदार’ हालचालीपुणे : राज्यात १९७० ते २००० या तीन दशकांमध्ये...
योजना, निधीची कमी नाही, मग शेतीचे प्रश्...औरंगाबाद : योजना, निधी, यंत्रणा, सुविधा,...
धक्कादाय ! चक्क दाताखाली दाणे ठेवत...उमरखेड, यवतमाळ : मॉन्सूनोत्तर पावसाच्या...
कोकण, मध्य महाराष्ट्रात गारठा कमीपुणे: विदर्भ, मराठवाड्यात तापमान कमी झाल्याने...
शेतकऱ्यांचे ३० कोटी परत करा; पुण्यात...पुणे: पुणे कृषी उत्पन्न बाजार समितीमधील डाळिंब...
फूलशेती देऊ शकते का उत्पन्नाचा हमखास...अकोला जिल्ह्यातील कंझरा येथील अमृतराव दलपतराव...
पुदिना उत्पादनात रवी करंजकरांची मास्टरी...मुंबईत पुदिन्यात ‘गुडवील’ मिळविलेले करंजकर नाशिक...
अचूक आकडेवारीचा काळ आठव्या आंतरराष्ट्रीय कृषी सांख्यिकी परिषदेत...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
भरताच्या वांग्यासह दादर ज्वारीसाठी...खानदेशकन्या तथा आपल्या कवितेतून शेतीचे...
बॅंक एकत्रीकरण एक अनावश्‍यक पाऊलभारताने १९९० मध्ये नवीन आर्थिक धोरण स्वीकारले....
भूगर्भ तहानलेलाच!रा ज्यात या वर्षी जोरदार पाऊस झाला. अनेक भागांत...