औरंगाबादेत कारले ८०० ते १००० रुपये प्रतिक्विंटल
औरंगाबाद : येथील कृषी उत्पन्न बाजार समितीमध्ये शनिवारी (ता. २७) कारल्याची ८३ क्विंटल आवक झाली. त्याला ८०० ते १००० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी हिरव्या मिरचीची १३७ क्विंटल आवक झाली. तिला २५०० ते ३५०० रुपये प्रतिक्विंटलचा दर मिळाला. कांद्याची आवक ५२५ क्विंटल, तर दर ८०० ते १३०० रुपये प्रतिक्विंटल राहिला. १३९ क्विंटल आवक झालेल्या टोमॅटोला १५०० ते ५००० रुपये प्रतिक्विंटलचा दर मिळाला. ३७ क्विंटल आवक झालेल्या फ्लॉवरचे दर ३००० ते ४००० रुपये प्रतिक्विंटल राहिले.
वांग्यांची आवक ४१ क्विंटल झाली. त्यांना ५०० ते १००० रुपये प्रतिक्विंटलचा दर मिळाला. १५ क्विंटल आवक झालेल्या गवारीचे दर २००० ते ३५०० रुपये प्रतिक्विंटल राहिले. काकडीची आवक ४८ क्विंटल, तर दर ५०० ते १५०० रुपये प्रतिक्विंटल राहिले. १०९ क्विंटल आवक झालेल्या भेंडीला ८०० ते १००० रुपये प्रतिक्विंटलचा दर मिळाला.
कोबीची आवक ६८ क्विंटल, तर दर १००० ते १६०० रुपये प्रतिक्विंटल राहिला. २८ क्विंटल आवक झालेल्या लिंबूचे दर १२०० ते २८०० रुपये प्रतिक्विंटल राहिले. ३३ क्विंटल आवक झालेल्या शेवग्याचे दर २५०० ते ४५०० रुपये प्रतिक्विंटल राहिले. आंब्याची आवक ३५ क्विंटल झाली. त्यांना १२०० ते ३००० रुपये प्रतिक्विंटलचा दर मिळाला. ५ क्विंटल आवक झालेल्या दुधी भोपळ्याचे दर ५०० ते ७०० रुपये प्रतिक्विंटल राहिले.
ढोबळ्या मिरचीची आवक ४४ क्विंटल, तर दर १४०० ते २००० रुपये, चवळीची आवक ४ क्विंटल, तर दर २००० ते ३००० रुपये प्रतिक्विंटलचा मिळाला. ६१ क्विंटल आवक झालेल्या मक्याचे दर १००० ते १४०० रुपये प्रतिक्विंटल राहिले. २० क्विंटल आवक झालेल्या मोसंबीला २५०० ते ३८०० रुपये प्रतिक्विंटलचा दर मिळाला.
डाळिंबाची आवक ५८ क्विंटल, तर दर २००० ते ५८०० रुपये प्रतिक्विंटल राहिले. ४ क्विंटल आवक झालेल्या दिलपसंदला १२०० ते २००० रुपये प्रतिक्विंटलचा दर मिळाला. ३२ क्विंटल आवक झालेल्या काशीफळाचे दर ८०० ते १४०० रुपये प्रतिक्विंटल राहिले. २२ क्विंटल आवक झालेल्या कच्च्या खजूरला ३००० ते ५००० रुपये प्रतिक्विंटलचा दर मिळाला.
४९ क्विंटल आवक झालेल्या भुईमूग शेंगांचे दर ४७०० ते ५००० रुपये प्रतिक्विंटल राहिले. ७८०० जुड्यांची आवक झालेल्या मेथीला प्रतिशेकडा ६०० ते ८०० रुपये, ९५०० जुड्यांची आवक झालेल्या पालकाला ३०० ते ५०० रुपये प्रतिशेकडा दर मिळाला. याशिवाय २८ हजार जुड्यांची आवक झालेल्या कोथिंबिरीला ४०० ते ७०० रुपये प्रतिशेकड्याचे दर मिळाल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.