औरंगाबाद : येथील कृषी उत्पन्न बाजार समितीमध्ये शनिवारी (ता. ७) लिंबांची १६ क्विंटल आवक झाली. त्यांना २५०० ते ४५०० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी हिरव्या मिरचीची १८३ क्विंटल आवक झाली. तिला १२०० ते २००० रुपये प्रतिक्विंटलचा दर मिळाला. ५५८ क्विंटल आवक झालेल्या कांद्याला १३०० ते २४०० रुपये प्रतिक्विंटलचा दर मिळाला. टोमॅटोची आवक १७४ क्विंटल, तर दर ८०० ते १३०० रुपये प्रतिक्विंटल राहिला. ३५ क्विंटल आवक झालेल्या वांग्यांचे दर १००० ते २००० रुपये प्रतिक्विंटल राहिले. १३ क्विंटल आवक झालेल्या गवारीला १००० ते १४०० रुपये प्रतिक्विंटलचा दर मिळाला. ३९ क्विंटल आवक झालेल्या भेंडीला ८०० ते १५०० रुपये प्रतिक्विंटलचा दर मिळाला.
वालशेंगाची आवक ११ क्विंटल, तर दर ६०० ते १००० रुपये प्रतिक्वंटल राहिले. १० क्विंटल आवक झालेल्या चवळीचा दर १००० ते १५०० रुपये प्रतिक्विंटल राहिला. ७५ क्विंटल आवक झालेल्या मक्याला १००० ते १४०० रुपये प्रतिक्विंटलचा दर मिळाला. काकडीची ४८ क्विंटल आवक झाली. तिला ६०० ते १००० रुपये प्रतिक्विंटलचा दर मिळाला. कारल्याची आवक ५७ क्विंटल, तर दर ५०० ते ६०० रुपये प्रतिक्विंटल राहिले. ७ क्विंटल आवक झालेल्या दुधी भोपळ्याला ६०० ते १००० रुपये प्रतिक्विंटलचा दर मिळाला. १३० क्विंटल आवक झालेल्या पत्ताकोबीचे दर १००० ते १६०० रुपये प्रतिक्विंटल राहिले. फ्लॉवरची आवक ३४ क्विंटल, तर दर १४०० ते २००० रुपये प्रतिक्विंटल राहिला. २२ क्विंटल आवक झालेल्या ढोबळ्या मिरचीला ६०० ते १००० रुपये प्रतिक्विंटलचा दर मिळाला.
शेवग्याची आवक ५ क्विंटल, तर दर ३००० ते ३५०० रुपये प्रतिक्विंटल राहिला. ५५ क्विंटल आवक झालेल्या काशिफळाला ७०० ते ९०० रुपये प्रतिक्विंटल दर मिळाला. ३० क्विंटल आवक झालेल्या मोसंबीचे दर १२०० ते ४००० रुपये प्रतिक्विंटल राहिले. डाळिंबाची आवक १८ क्विंटल, तर दर ५०० ते ७००० रुपये प्रतिक्विंटल राहिले. १५ हजार जुड्यांची आवक झालेल्या मेथीला ३०० ते ४०० रुपये प्रतिशेकड्याचा दर मिळाला. १३ हजार जुड्यांची आवक झालेल्या पालकचे दर २५० ते ५५० रुपये प्रतिक्विंटल राहिले. २० हजार जुड्यांची आवक झालेल्या कोथिंबिरीला १५० ते २५० रुपये प्रतिशेकड्याचा दर मिळाल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.