औरंगाबाद : येथील कृषी उत्पन्न बाजार समितीमध्ये शनिवारी (ता. १४) कांद्याची ६४४ क्विंटल आवक झाली. त्याला १२०० ते ८००० रुपये प्रतिक्विंटलचा दर मिळाल्याची माहिती बाजार समितीतर्फे देण्यात आली.
औरंगाबाद बाजार समितीमध्ये शनिवारी हिरव्या मिरचीची ५९ क्विंटल आवक झाली. तिला ८०० ते १००० रुपये प्रतिक्विंटलचा दर मिळाला. १७५ क्विंटल आवक झालेल्या टोमॅटोचे दर २०० ते १००० रुपये प्रतिक्विंटल राहिले. ५९ क्विंटल आवक झालेल्या वांग्यांचे दर ८०० ते १८०० रुपये राहिले. ४ क्विंटल आवक झालेल्या गवारीला ३५०० ते ४००० रुपये प्रतिक्विंटलचा दर मिळाला. भेंडीची आवक ६ क्विंटल, तर दर २५०० ते ३५०० रुपये प्रतिक्विंटल राहिला. ६ क्विंटल आवक झालेल्या वालशेंगांना ८०० ते १००० रुपये प्रतिक्विंटलचा दर मिळाला.
मक्याची आवक ८ क्विंटल, तर दर १००० ते १३०० रुपये प्रतिक्विंटल राहिले. ४५ क्विंटल आवक झालेल्या काकडीला ७०० ते १२०० रुपये प्रतिक्विंटलचा दर मिळाला. लिंबांची आवक ११ क्विंटल, तर दर ५०० ते ६०० रुपये प्रतिक्विंटल राहिले. ७ क्विंटल आवक झालेल्या कारल्याला १८०० ते २००० रुपये प्रतिक्विंटलचा दर मिळाला. दुधी भोपळ्याची आवक १७ क्विंटल, तर दर ४०० ते ७०० रुपये प्रतिक्विंटल राहिले. ८० क्विंटल आवक झालेल्या कोबीचे दर ६०० ते १००० रुपये, तर ४२ क्विंटल आवक झालेल्या फ्लॉवरला १५०० ते ३००० रुपये प्रतिक्विंटलचा दर मिळाला.
१५ क्विंटल आवक झालेल्या ढोबळ्या मिरचीचे दर १६०० ते २००० रुपये प्रतिक्विंटल राहिले. काशीफळाची आवक २० क्विंटल, तर दर ५०० ते ६५० रुपये प्रतिक्विंटल राहिला. २५ क्विंटल आवक झालेल्या गाजराला ३००० ते ३५०० रुपये प्रतिक्विंटलचा दर मिळाला. वाटाण्याची आवक १३९ क्विंटल, तर दर १५०० ते २००० रुपये प्रतिक्विंटल राहिले. १७ क्विंटल आवक झालेल्या मोसंबीला २००० ते ५५०० रुपये प्रतिक्विंटलचा दर मिळाला. १३० क्विंटल आवक झालेल्या डाळिंबांचे दर १०० ते ५००० रुपये प्रतिक्विंटल राहिले. १४ क्विंटल आवक झालेल्या अंजीरला ३००० ते ३५०० रुपये प्रतिक्विंटलचा दर मिळाला. पेरूची आवक ५२ क्विंटल तर दर १२०० ते २२०० रुपये प्रतिक्विंटल राहिले. ३५ क्विंटल आवक झालेल्या बोरांचे दर ७०० ते १५०० रुपये प्रतिक्विंटल रहिले. ३५ क्विंटल आवक झालेल्या संत्राला १००० ते २८०० रुपये प्रतिक्विंटलचा दर मिळाला.
सिताफळाची आवक १८ क्विंटल, तर दर २००० ते ६५०० रुपये प्रतिक्विंटल राहिला. २० क्विंटल आवक झालेल्या ऍपल बोरांचे दर १००० ते २००० रुपये प्रतिक्विंटल राहिले. १८ हजार जुड्यांची आवक झालेल्या मेथीला प्रतिशेकडा २०० ते ३०० रूपयांचा दर मिळाला. १३ हजार जुड्याची आवक झालेल्या पालकाचे दर १०० ते १२५ रुपये प्रतिशेकडा राहिले. २२ हजार जुड्यांची आवक झालेल्या कोथिंबिरीचे दर ८० ते १२० रुपये प्रतिशेकडा राहिल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.