औरंगाबाद : येथील कृषी उत्पन्न बाजार समितीमध्ये शनिवारी (ता. २१) संत्र्यांची १५५ क्विंटल आवक झाली. त्यांना किमान ५०० ते कमाल १००० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी हिरव्या मिरचीची ११५ क्विंटल आवक झाली. तिला किमान २००० ते कमाल ३५०० रुपये प्रतिक्विंटलचा दर मिळाला. ५६५ क्विंटल आवक झालेल्या कांद्यांचा दर ५०० ते १५०० रुपये प्रतिक्विंटल राहिला. फ्लॉवरची आवक ४४ क्विंटल, तर दर ३०० ते ५०० रुपये प्रतिक्विंटल राहिला. ७५ क्विंटल आवक झालेल्या टोमॅटोचे दर ४०० ते ६०० रुपये प्रतिक्विंटल राहिले. २८ किवंटल आवक झालेल्या वांग्यांना ६०० ते ८०० रुपये प्रतिक्विंटलचा दर मिळाला. गवारीची आवक ७ क्विंटल, तर दर २५०० ते ३००० रुपये प्रतिक्विंटल राहिला. ७५ क्विंटल आवक झालेल्या काकडीला ४०० ते ६०० रुपये प्रतिक्विंटलचा दर मिळाला.
भेंडीची आवक ३७ क्विंटल, तर दर १५०० ते २००० रुपये प्रतिक्विंटल राहिला. ९२ क्विंटल आवक झालेल्या कोबीचे दर २०० ते ३०० रुपये प्रतिक्विंटल राहिले. लिंबांची आवक २५ क्विंटल, तर दर ६०० ते २००० रुपये प्रतिक्विंटल राहिला. ४७ क्विंटल आवक झालेल्या शेवग्याला १००० ते १४०० रुपये प्रतिक्विंटलचा दर मिळाला. बदाम व लालबाग आंब्याची आवक १४ क्विंटल, तर दर ७ हजार ते १० हजार रुपये प्रतिक्विंटल राहिले. ३५ क्विंटल आवक झालेल्या पपईला ६०० ते ८०० रुपये प्रतिक्विंटलचा दर मिळाला.
दुधी भोपळ्याची आवक २० क्विंटल, तर दर ६०० ते ८०० रुपये प्रतिक्विंटल राहिले. २२ क्विंटल आवक झालेल्या ढोबळ्या मिरचीचे दर १००० ते १४०० रुपये प्रतिक्विंटल राहिले. ४ क्विंटल आवक झालेल्या चवळीला १५०० ते २००० रुपये दर मिळाला. ६ क्विंटल आवक झालेल्या वालशेंगांना ६०० ते ७०० रुपये दर मिळाला. कारल्याची आवक ३ क्विंटल, तर दर १००० ते १५०० रुपये प्रतिक्विंटल राहिला. ९ क्विंटल आवक झालेल्या मक्याला ४०० ते ७०० रुपये प्रतिक्विंटलचा दर मिळाला.
मोसंबीची आवक १३५ क्विंटल, तर दर ६०० ते १८०० रुपये प्रतिक्विंटल राहिला. १५ क्विंटल आवक झालेल्या डाळिंबांचे दर १००० ते १५०० रुपये प्रतिक्विंटल राहिले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.