नगर जिल्ह्यात सरासरीच्या ३१ टक्के गव्हाची पेरणी

Average sowing of wheat in Nagar district is 31percent
Average sowing of wheat in Nagar district is 31percent

नगर : जिल्ह्यामध्ये यंदा चांगला पाऊस झाल्याने गव्हाचे क्षेत्र वाढणार असल्याचा अंदाज आहे. मात्र, अद्याप जिल्हाभरात ३१ टक्केच गव्हाची पेरणी झाली आहे. यावर्षी पाणी उपलब्धता बऱ्यापैकी असल्याने क्षेत्रात सरासरीपेक्षा जास्ती वाढ होणार असल्याचा अंदाज कृषी विभागाने व्यक्त केला आहे. 

जिल्ह्यामध्ये रब्बीत ६ लाख ६७ हजार २६१ हेक्टर पेरणीचे सरासरी आहे. ज्वारी, हरभरा, गहू, मकांचे क्षेत्र अधिक असते. जिल्ह्यामध्ये गव्हाचे सरासरी ४९ हजार ७८५ हेक्टर क्षेत्र आहे.

यंदा पावसाळ्याच्या सुरुवातीला चांगला पाऊस झाल्याने गव्हाच्या क्षेत्रात वाढ होऊन सरासरीपेक्षा अधिक क्षेत्रावर पेरणी होईल, असा अंदाज कृषी विभागाने व्यक्त केला. मात्र अद्याप तरी गव्हाच्या पेरणीला फारसा वेग नसल्याचे चित्र आहे.

आधीच पुरेसा पाऊस नसल्याने कापसाची वाढ खुटंली. त्यात मागील महिन्यात झालेल्या पावसाने कापसाचे मोठे नुकसान झाले. त्यामुळे कापसाची आता शेवटी वेचनी चालू आहे. ज्या भागात मागील महिन्यात झालेल्या पावसाने पाणी उपलब्ध झाले, त्या भागात आता ज्वारी पेरणी शक्य नाही. त्यामुळे तेथे गव्हाचा पेरा वाढणार आहे.

सध्या जिल्हाभरात सरासरीच्या तुलनेत ३१ टक्के म्हणजे १५ हजार ५९१ हेक्टर क्षेत्रावर गव्हाची पेरणी झाली. श्रीगोंदा, पारनेर तालुक्यांत सर्वाधिक गव्हाची पेरणी झाली असून कर्जत, राहुरी, अकोल्यात गव्हाचे क्षेत्र अल्प आहे. कोपरगाव, श्रीरामपूर, राहाता तालुक्यांत तर गव्हाची पेरणीच झाली नाही ,असे कृषी विभागातर्फे सांगण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com