सांगली जिल्ह्यात पीक कर्जवाटपास टाळाटाळ

सांगलीः खरीप हंगामामध्ये जिल्हा बॅंक, राष्ट्रीयकृत व व्यापारी बॅंकांना पीक कर्जवाटपाचे १ हजार ४९७ कोटी ५० लाखांचे उद्दिष्ट दिले होते. त्यापैकी १ हजार ३८७ कोटी २५ लाखाचे कर्जवाटप केले आहे.
Avoid crop loan disbursement in Sangli district
Avoid crop loan disbursement in Sangli district

सांगली ः खरीप हंगामामध्ये जिल्हा बॅंक, राष्ट्रीयकृत व व्यापारी बॅंकांना पीक कर्जवाटपाचे १ हजार ४९७ कोटी ५० लाखांचे उद्दिष्ट दिले होते. त्यापैकी  १ हजार ३८७ कोटी २५ लाखाचे कर्जवाटप केले आहे.

 जिल्हा बॅंकेने एक लाख ४५ हजार १७९ शेतकऱ्यांना ९१६ कोटी २८ लाख रुपयांचे सर्वाधिक कर्जवाटप केले.  रब्बी हंगामासाठी जिल्हा बॅंकेकडून कर्जवाटप सुरु झाले आहे. मात्र, राष्ट्रीयकृत आणि व्यापारी बॅंकांकडून पीक कर्जवाटपास टाळाटाळ होत असल्याचे चित्र आहे.

शासनाने खरीप हंगामात जिल्हा मध्यवर्ती बॅंक, राष्ट्रीयकृत आणि ग्रामीण बॅंकाना एक हजार ४९७ कोटी ५० लाख रुपयांच्या पीक कर्ज वाटपाचे उद्दिष्ट दिले. पीक कर्ज वाटपाच्या प्रक्रियेला एप्रिल महिन्यापासून सुरुवात झाली. गेल्या आठ महिन्यांच्या कालावधित या तीनीही बॅंकांनी ३०  सप्टेंबर २०२० पर्यंत ९३ टक्के कर्जाचे वाटप केले.

जिल्हा बॅंकेला ८०० कोटी ५० लाख कर्ज पुरवठ्याचे उद्दिष्ट होते. त्यापैकी एक लाख ४५ हजार १७९ शेतकऱ्यांना ९१६ कोटी २८ लाख रुपयांचा कर्ज पुरवठा केला आहे. इतर बॅंकांना ६९७ कोटींचे उद्दिष्ट दिले होते. त्यापैकी या बॅंकांनी २४ हजार ८०५ शेतकऱ्यांना ४७१ कोटी दोन लाख पीक कर्जाचा पुरवठा केला आहे.  राष्ट्रीयीकृत बॅंकांना ठरवून दिलेल्या पीक कर्जाच्या ६८ टक्केच पीक कर्जवाटप केले आहे.

शेतकरी रब्बी हंगामाची तयारी करू लागले आहेत. रब्बी हंगामात शेतकऱ्यांना कर्ज पुरवठा एक ऑक्टोबरपासून करण्यास सुरवात केली आहे. त्यामुळे शेतकऱ्यांना दिलासा मिळाला आहे. जिल्हा बॅंकेने रब्बी हंगामाच्या कर्ज वाटपास सुरवात केली आहे. मात्र,  राष्ट्रीयीकृत बॅंकाकडून शेतकऱ्यांना कर्ज वाटपास अद्यापही सुरु केलेले नसल्याचे चित्र आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com