पुणेः बाजार समित्यांमधील शेतमाल खरेदी विक्री व्यवहारात पारदर्शकता आणत, ऑनलाइन व्यवहारांना प्रोत्साहन देण्यासाठी ऑनलाइन व्यवहारांतून सर्वाधिक पेमेंट केलेल्या आणि घेतलेल्या अडतदार, व्यापारी आणि शेतकऱ्यांना पुरस्काराने गौरविण्यात येणार आहे. यासाठीची योजना राज्य कृषी पणन मंडळाद्वारे तयार करण्यात येत असून, यावर्षीपासून विभागनिहाय हे पुरस्कार देण्याचे नियोजन आहे. बाजार समित्यांमध्ये शेतकऱ्यांची आर्थिक फसवणूक होत असल्याच्या घटना सातत्याने समोर येत आहेत. यामुळे केंद्र आणि राज्य सरकारकडून बाजार समित्यांमधील व्यवहार पारदर्शी करण्यासाठी विविध कायदे आणि उपाययोजना केल्या जात आहे. तसेच शेतमाल विक्री व्यवहारातील पैशांची देवाणघेवाण ऑनलाइन करण्यासाठी देखील शासन प्रयत्नशील आहे. ऑनलाइन व्यवहारांना प्रोत्साहन देण्यासाठी बाजार समित्यांमधील आडते, व्यापारी आणि शेतकऱ्यासाठी पुरस्काराची योजना पणन मंडळ आखत आहे. यामध्ये सर्वाधिक ऑनलाइन पेमेंट करणाऱ्या आडतदार, व्यापारी आणि शेतकऱ्यांना विभागनिहाय पुरस्कार देऊन गौरविण्यात येणार आहे. या योजनेच्या प्रस्तावाला पणन मंडळाच्या बैठकीमध्ये मंजुरी मिळाल्यानंतर यावर्षी हे पुरस्कार दिले जाणार आहेत. असे असतील पुरस्कार राज्यस्तरीय आणि विभागीय पातळीवर पुरस्कार देण्यात येतील. राज्य पातळीवर अडते, व्यापारी आणि शेतकरी पुरस्कार हे साधारण ५१ हजार रुपये रोख, मानचिन्ह आणि विभागीय पातळीवर २५ हजार रुपये रोख आणि मानचिन्ह अशा स्वरूप असणार आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.