‘विलास शिंदे’ यांना ‘नाशिकभूषण’ पुरस्कार प्रदान

‘विलास शिंदे’ यांना ‘नाशिकभूषण’ पुरस्कार प्रदान
‘विलास शिंदे’ यांना ‘नाशिकभूषण’ पुरस्कार प्रदान

नाशिक  : स्वातंत्र्यप्राप्तीपासून ते आजपर्यंत पिण्याचे पाणी, शेतीसाठी पाणी, वीज यांसारख्या पायाभूत सुविधांभोवती देशाची व्यवस्था फिरत आहे. शेती विकासासाठी राबविलेली कृषी विस्ताराची कार्य सध्या निरुपयोगी ठरत असल्याने ग्रामीण भागातील जीवनमान अधिकच बिकट होत चालले आहे. येत्या काळात शहरी आणि ग्रामीण विकासातील ही दरी कमी केली नाही, तर देशाला उद्ध्वस्त करण्यासाठी कुठल्याही परकीय शक्तीची गरज भासणार नाही, असा इशारा आदर्श ग्राव हिवरे बाजारचे सरपंच पोपटराव पवार यांच्या दिला आहे. 

रोटरी कल्ब ऑफ नाशिकतर्फे दिल्या जाणाऱ्या ‘नाशिक भूषण पुरस्कार’ वितरण प्रसंगी ते बोलत होते. सह्याद्री फार्मर्स प्राड्यूसर्सचे संचालक व प्रगतिशील शेतकरी विलास शिंदे यांना हा पुरस्कार प्रदाण करण्यात आला. व्यासपीठावर माजी मंत्री विनायकदादा पाटील, रोटरी क्‍लबचे अध्यक्ष दिलीप सिंह बेनिवाल, श्रीनंदन भालेराव, मनीष चिंधडे आदी उपस्थित होते.

पोपटराव पवार म्हणाले, की गेल्या ७० वर्षांत विकासाच्या नावाखाली निसर्गाशी प्रचंड दुरावा निर्माण झाला आहे. शहरीकरणाच्या नादात ग्रामीण भागाकडे विशेषता: कृषी विकासात आवश्यक प्रगती झाली नाही. त्यामुळे ग्रामीण अर्थ व्यवस्था खिळखिळी झाली आहे. 

आजही शेतकऱ्यांची बियाण्यांमध्ये फसवणूक होते. पीक नियोजन, भूजल व्यवस्थापन, पाण्याचे पुनर्भरण, शेती पिकांचे विक्री व्यवस्थापन आदी बाबतीत मोठ्या प्रमाणावर काम करावे लागणार आहे. त्यातूचनच ग्रामीण अर्थ व्यवस्था बळकट होऊ शकते. विलास शिंदे यांनी कृषी क्षेत्रात केलेले कार्य देशासाठी पथदर्शी असून, नाशिकने देशाच्या कृषी क्षेत्राला दिशा देण्याचे काम करावे, असे आवाहन त्यांनी केले.  शाल, श्रीफळ, सन्मान चिन्ह आणि रोख रक्कम असे पुरस्काराचे स्वरूप होते. प्रस्ताविक रोटरीचे अध्यक्ष दिलीप सिंह बेनी यांनी केले. सूत्रसंचालन स्वाती मराठे यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com