agriculture news in Marathi, ax on vineyard due to heavy rian, Maharashtra | Agrowon

कलेढोणात अतिपावसामुळे द्राक्षबागांवर कुऱ्हाड

टीम अॅग्रोवन
शुक्रवार, 8 नोव्हेंबर 2019

द्राक्षबागेवरील संकटातून वाचण्यासाठी बॅंकांचे कर्ज काढूनही खर्चाचा मेळ बसणार नाही. माझी दोन एकर बाग असून त्यातील एक एकर बाग केवळ औषधांच्या खर्चाचा बोजा न परवडणारा असल्यामुळे काढून टाकली आहे. शासनाने नुकसान भरपाईसाठी मदत द्यावी. त्यामुळे शेतकरी संकटातून सावरू शकेल.
- हसन कुमठेकर, कलेढोण

कलेढोण, जि. सातारा : अतिपावसामुळे खटाव तालुक्यातील मायणी, कलेढोण, विखळे, म्हासुर्णे, कानकात्रेसह मायणी मंडळातील १८७ हेक्‍टर क्षेत्रावरील द्राक्षबागांचे नुकसान झाले. त्यात कलेढोणच्या १२५ हेक्‍टरवरील द्राक्षबागांचा समावेश आहे. द्राक्षबागेत साठलेल्या पाण्यामुळे घड जिरणे, घडकुज, डाऊन्या, भुरीमुळे १८७ हेक्‍टर क्षेत्रावरील द्राक्षबागांच्या उत्पादनात सुमारे २८ कोटींचे नुकसान झाल्याचा प्राथमिक अंदाज आहे. तर बागांवर होणाऱ्या खर्चाचा मेळ बसत नसल्याने द्राक्ष बागायतदारांनी बागांवर कुऱ्हाड चालविण्यास सुरवात केली आहे. 

खटाव तालुक्‍यातील कलेढोणसह, मायणी, निमसोड, विखळे, पाचवड, मुळीकवाडी, तरसवाडी, गारुडी, कानकात्रे, हिवरवाडी, अनफळे, गारळेवाडी, गुंडेवाडी आदी भागांतील द्राक्षे जिल्ह्याला परकीय चलन मिळवून देतात. यंदाच्या पावसामुळे मायणी मंडळात द्राक्षबागांचे मोठे नुकसान झाले. त्यात घडकुज, घड जिरणे, डाउन्या, भुरीचा प्रादुर्भाव झाल्याने युरोपला जाणाऱ्या मालाच्या उत्पादनावर मोठा परिणाम झाला आहे. ज्या निर्यातक्षम बागेतील झाडांवर ३५ ते ४० घड असतात, त्या झाडांवर पाच ते सातच घड आले आहेत. पावसामुळे अनेक बागा छाटणीविना उभ्या आहेत. तर काही द्राक्ष बागायतदारांनी बागा काढण्यास सुरवात केली आहे. 

ज्या शेतकऱ्यांनी उन्हाळ्यात विकतचे पाणी आणून बागांना दिले, त्याच बागेतून आता अतिपावसामुळे पाणी निघता निघेना. या पावसाने बाधित झालेल्या झाडांना वाचविण्यासाठी मारलेल्या औषधांचा खर्च न परवडणारा असल्याने कलेढोणच्या हसन कुमठेकर व धनंजय कारंडे यांनी बागांवर कुऱ्हाडी चालविल्या आहेत. तर अनेकांनी बागा छाटण्याचे काम हाती घेतले नाही.
 
द्राक्षबागेसाठी छाटणीपासून मालापर्यंत हेक्‍टरी सुमारे साडेसात ते आठ लाखांचा खर्च येतो. या मालास परदेशात ६० ते ६५ रुपये तर लोकलसाठी २५ ते ३० रुपये प्रतिकिलो असा दर मिळतो. या द्राक्षबागांचे सरासरी ५० रुपये दराने प्रतिहेक्‍टरी १५ लाखांच्या उत्पादनाप्रमाणे १८७ हेक्‍टरचे सुमारे २८ कोटींचे नुकसान झाल्याचा प्राथमिक अंदाजात दिसून येत आहे. नुकताच कृषी विभागाने मायणी, कलेढोण, विखळे, पडळ आदी ठिकाणच्या द्राक्षबागांचे पंचनामे करून तालुका प्रशासनास अहवाल सादर केला आहे. 

शासनाच्या २०१५च्या शासन निर्णयानुसार फळबागेसाठी एकरी अठरा हजारांची नुकसानभरपाई करण्याची तरतूद आहे. मात्र, सद्य:परिस्थितीत या मदतीच्या रकमेत सुधारणा करून त्यात वाढ करण्याची गरज आहे. 


इतर अॅग्रो विशेष
चार आने की मुर्गी...केंद्र सरकारने मागील लोकसभा निवडणुकीच्या तोंडावर...
मटणाचे वाढते दर अन् शेळी-मेंढीपालन मागणी, पुरवठा आणि किंमत या बाबींच्या...
एरियल फवारणीसाठी हवी ‘सीआयबी’ची परवानगीनागपूर ः देशात एरियल (आकाशातून) फवारणीकामी...
कणेरी मठात ३० पासून राष्ट्रीय कृषी...कोल्हापूर : कणेरी (ता. करवीर) येथील सिद्धगिरी...
शेतकरी गट, ‘एफपीओ’ची सबलीकरणाची वाट अवघडऔरंगाबाद : गटशेती सबलीकरण योजनेंतर्गत निवडलेल्या...
‘स्मार्ट’ची तयारी पूर्ण; दिल्लीत होणार...पुणे : महाराष्ट्र राज्य कृषी व्यवसाय व ग्रामीण...
कृषी विज्ञान केंद्राच्या तंत्रज्ञान...सोलापूर ः ‘‘सोलापुरातील कृषी विज्ञान केंद्राच्या...
देशात यंदा कडधान्य आयात ४६ टक्के वाढलीनवी दिल्ली: देशात यंदा कडधान्य उत्पादन...
थंडी गायब; किमान तापमानात वाढ पुणे : उत्तरेकडून येणाऱ्या थंड वाऱ्यांचे प्रवाह...
हिंगणघाट झाले कापूस व्यवहाराचे ‘हब’कापूस प्रक्रिया उद्योगाचे जाळे विस्तारले गेल्याने...
तंत्रशुद्ध व्यवस्थापनातून मधमाशीपालनात...नाशिक शहराजवळील पाथर्डी येथील गौतम डेमसे या...
पाणीवाटपावर चर्चा गरजेची : डॉ. माधवराव...अकोला  ः देशाचा विकास होताना नागरीकरणाच्या...
चिंता पुरे; हवी थेट कृती ग्रामीण कुटुंबाचे उत्पन्न वाढल्याशिवाय देशाचा...
खेड शिवापुरात केली स्ट्रॉबेरी लागवड...खेड शिवापूर (जि. पुणे) येथील मयूर कोंडे या...
राज्यात गारठा झाला कमी पुणे : राज्याच्या किमान तापमानात चढ-उतार सुरूच...
थकीत कर्जावर व्याज आकारू नये : राज्य...मुंबई ः महात्मा फुले शेतकरी कर्जमाफी...
केंद्र कांदा निर्यातबंदी, साठा मर्यादा...नवी दिल्ली ः देशात कांद्याचे उत्पादन...
शेतकरी कंपनीमुळे तयार झाले उत्पन्नाचे...पुणे जिल्ह्यातील मढ पारगाव आणि परिसरातील सात...
निर्यातदार व्हा... पण शेतकऱ्यांचा...पुणे: शेतमालाची निर्यात आता पूर्णतः ‘बिझनेस...
हरितक्रांती घडविताना सुपीकता हरवली:...अकोला : अन्नधान्य निर्मितीचे उद्दिष्ट पूर्ण...