Agriculture news in marathi Ayaram's blow to BJP; Capture of fort from Congress-NCP | Agrowon

भाजपला दिला आयारामांनी झटका...

टीम अॅग्रोवन
गुरुवार, 25 फेब्रुवारी 2021

सांगली-मिरज-कुपवाड महालिकेवर गेल्या अडीच वर्षांपूर्वी भाजपने अगदी काठावरचे बहुमत घेऊन सत्ता स्थापन केली होती. मात्र अंतर्गत नाराजीचा फायदा घेत राष्ट्रवादी आणि काँग्रेसने एकत्र येऊन सत्तांतर केले.

सांगली : सांगली-मिरज-कुपवाड महालिकेवर गेल्या अडीच वर्षांपूर्वी भाजपने अगदी काठावरचे बहुमत घेऊन सत्ता स्थापन केली होती. भाजपने पश्‍चिम महाराष्ट्रात सत्ता रोवून काँग्रेस-राष्ट्रवादी काँग्रेसचे अस्तित्व कमी करण्याचा प्रयत्न केला होता. परंतु अडीच वर्षांत महापालिकेत बरीच खलबते झाली. गेल्या दोन ते तीन महिन्यांपासून अंतर्गत नाराजी नाट्य सुरू झाले. त्याचाच फायदा घेत राष्ट्रवादी आणि काँग्रेसने एकत्र येऊन सत्तांतर करण्याची चक्रव्यूह आखला आणि त्या चक्रव्यूहात भाजपचे नेते अडकले. 

अडीच वर्षांपूर्वी राज्यात भाजपची सत्ता असताना सांगली-मिरज-कुपवाड महापालिकेत भाजपचे ४१ सदस्य निवडून आले. स्व:बळावर पहिल्यांदाच सत्ता आली. त्यामुळे महापालिकेवर असलेली कॉँग्रेसची सत्ता संपुष्टात आली होती. मात्र, भाजपला मिळालेली सत्ता बहुतांश राष्ट्रवादीमधून फुटलेल्या नगरसेवकांमुळेच मिळाली होती. पहिले अडीच वर्षे महापौर पद ओबीसी महिला प्रवर्गासाठी आरक्षीत होते. तर पुढील अडीच वर्षे सर्वसाधारण खुल्या प्रवर्गासाठी आरक्षण पडले.

दरम्यान, २०१९ मध्ये राज्यात सत्तांतर झाल्यानंतर महापालिकेच्या सत्तेमध्ये बदल होतील, अशी चर्चा सुरू झाली. सत्तेसाठी भाजपमध्ये गेलेले नगरसेवक पुन्हा स्वगृही परतण्यासाठी चुळबूळ करू लागले होते. राष्ट्रवादीचे प्रदेशाध्यक्ष जयंत पाटील यांनी भाजपला जनतेने पाच वर्षांसाठी सत्ता दिली आहे, ती त्यांनी सांभाळावी, असे सांगत सत्तांतराकडे दुर्लक्ष केले होते.

गेल्या वर्षभरात सत्तेमध्ये असलेल्या भाजपच्या नगरसेवकांमधून नाराजी समोर येत होती. या सदस्यांची मोट बांधण्यासाठी कोणीही पुढे येत नव्हते. परिणामी गेल्या दीड दोन महिन्यांत भाजपांतर्गत असंतोष, नाराजी उफाळून आली. त्यातच ओबीसी महिला प्रवर्गाची मुदत संपली. त्यामुळे आता पुन्हा महापालिकेत सत्तांतराचा करेक्ट कार्यक्रम करण्याची वेळ आली आहे, असा संदेश त्यांनी स्थानिक नेत्यांना दिला आणि भाजपची सत्ता उलथून लावण्यासाठी व्यूहरचना सुरू झाली.

महापालिकेत काँग्रेसचे संख्याबळ अधिक होते, त्यामुळे काँग्रेसचा महापौर झाला पाहिजे, अशी भूमिका होती. दरम्यान, कृषी राज्यमंत्री विश्वजित कदम, विशाल पाटील, जयश्री पाटील आणि काँग्रेसचे जिल्हा शहर अध्यक्ष पृथ्वीराज पाटील आणि राष्ट्रवादीचे नेते यांच्यात महापौर आणि उपमहापौरसाठी चर्चाही झाली. पुढची अडीच वर्ष सत्तेत राहण्यासाठी या दोन पक्षांचा किमान समान कार्यक्रम अर्थात सत्तेचा फॉर्म्युला ठरला असून, सव्वा-सव्वा वर्ष महापौरपद वाटून घेण्याचे ठरले आहे. मात्र या बाबत दोन्ही पक्षाच्या नेत्यांनी अधिकृत वक्तव्य केलेले नाही. हा फॉर्म्युला वरिष्ठ नेत्यांच्या संमतीनंतर जाहीर करण्यात येणार आहे.

पहिली सव्वा वर्ष महापौरपद राष्ट्रवादीला देण्यात आले. तर उपमहापौर, सभागृह नेता आणि स्थायी समिती सभापती काँग्रेसकडे देण्यात येणार आहे. या नंतर पुढच्या सव्वा वर्षात महापौरपद काँग्रेसकडे तर उरलेली पदे राष्ट्रवादी कॉंग्रेसला देण्यात येणार आहेत. खासदार संजय पाटील यांना साऱ्या गोष्टी माहिती होत्या. परंतु त्यांनी त्याकडे दुर्लक्ष कसे केले, असा देखील प्रश्न उपस्थित होऊ लागला आहे.

आमदार सुधीर गाडगीळ यांनी सत्ता राखण्यासाठी किती प्रयत्न केले, हे देखील पाहणे तितकेच आवश्यक आहे. दरम्यान, पुणे पदवीधर मतदारसंघात अरुण लाड यांच्या विजयानंतर काँग्रेस-राष्ट्रवादीकडून भाजपचे प्रदेशाध्यक्ष चंद्रकांत पाटील यांना सांगली महानगरपालिकेच्या रूपाने दुसरा धक्का दिला आहे.  

 

 


इतर ताज्या घडामोडी
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...
आधुनिक फुलशेती संशोधन, निर्यात...गेल्या काही वर्षांत व्यावसायिक आणि उद्योगाचा...