agriculture news in marathi, Bacterial disease infection to sheep in parbhani districts, Maharashtra | Agrowon

मेंढ्यांना जिवाणूजन्य आजाराचा संसर्ग
टीम अॅग्रोवन
रविवार, 9 सप्टेंबर 2018

संसर्गित नर मेंढ्याच्या रक्ताचे नमुने प्रयोगशाळेत तपासणीसाठी आणले आहेत. परीक्षणानंतरच नेमक्या आजाराचे निदान होईल. त्यानुसार मेंढपाळांना माहिती देण्यात येत आहे.
- डॉ. आनंद देशपांडे, सूक्ष्मजीवशास्त्र विभाग, पशुवैद्यकीय महाविद्यालय, परभणी.

परभणी ः सोन्ना (ता. परभणी) येथील मेंढ्यांना जिवाणूजन्य आजाराचा संसर्ग झाल्याचे दिसून आले आहे. यामुळे गेल्या तीन महिन्यांत सुमारे ८० मेंढ्यांचा अकाली गर्भपात झाला आहे. हा आजार ब्रुसेल्लोसिस असल्याचा प्राथमिक अंदाज आहे. संसर्ग झालेल्या मेंढ्यांच्या (नराचे) रक्ताचे नमुने तपासणीसाठी आणले आहेत, अशी माहिती परभणी येथील पशुवैद्यकीय महाविद्यालयातील सूक्ष्मजीवशास्त्र विभागप्रमुख डॉ. आनंद देशपांडे यांनी दिली आहे. या आजारामुळे मेंढीपालकांचे तब्बल अडीच लाख रुपयांचे नुकसान झाले आहे.
 

दरम्यान, मेंढ्यांच्या या संसर्गजन्य आजाराबाबत पशुसंवर्धन विभाग अनभिज्ञ असल्याचे मेंढपाळांनी सांगितले.

गेल्या तीन महिन्यांपासून सोन्ना (ता.परभणी) येथील मुंजा जमरे, माणिक जमरे, भागवत जमरे यांच्या मेंढ्यांचा अकाली गर्भपात होत आहे. याबाबत मुंजा जमरे यांनी सोमवारी (ता.३) परभणी येथील पशुचिकित्सालयातील तज्ज्ञांना याबाबत माहिती दिली. या आजाराचे गांभीर्य लक्षात घेऊन पशुवैद्यकीय महाविद्यालयाचे प्राचार्य डॅा. नितीन मार्कंडेय यांनी सूक्ष्मजीवशास्त्र विभागप्रमुख डॉ. आनंद देशपांडे, डॅा. प्रशांत सूर्यवंशी, डॉ. बाबूलाल कुमावत यांचे पथक सोन्ना गावाकडे रवाना केले. या पथकाने गर्भपात झालेल्या मेंढ्यांची तपासणी केली असता हा आजार ब्रुसेल्लोसिस असण्याचा प्राथमिक अंदाज व्यक्त करण्यात आला.

या आजाराबाबत माहिती देताना डॉ. देशपांडे म्हणाले की, या आजाराचे जिवाणू मूळतः मादी मेंढीमध्ये असतात. अशा प्रकारची मादी आणि सामान्य नर मेंढा यांचा रेतनाच्या वेळी संबंध आल्यास नर मेंढ्याला या आजाराचा संसर्ग होतो. संसर्ग झालेला नराचा कळपातील इतर मेंढ्यांशी रेतनाच्या वेळी संबंध आलेल्या प्रत्येक मेंढीला या आजाराचा संसर्ग होतो. यामुळे सुरुवातीला मेंढी गाभण राहते, परंतु गर्भाची ७५ टक्के वाढ झाल्यानंतर (११० ते १२० दिवस) अकाली गर्भपात होतो. यामुळे मेंढ्या पुढील आयुष्यात वांझ होतात. त्यामुळे अशा मेंढ्यांना खाटकाला विकल्याशिवाय पर्याय रहात नाही.

मेंढ्यांसोबत शेळ्या, गायी, म्हशी आदी जनावरांनादेखील हा आजार होतो. संसर्गित जनावरांच्या प्रजनन संस्थेची अयोग्य हाताळणी झाल्यास माणसालासुद्धा या आजाराचा संसर्ग होतो. या आजाराची माणसांमध्ये सांधेदुखी, अधून मधून ताप येणे अशी लक्षणे आहेत. प्रामुख्याने पशुवैद्यकांना या आजाराचा संसर्ग होण्याचा धोका अधिक असतो.

दक्षता घ्या...
ब्रुसेल्लोसिस आजाराचा संसर्ग रोखण्यासाठी इतिहास माहित नसलेल्या नर मेंढ्याचा वापर कळपातील मेंढ्यांचे रेतन करण्यासाठी करू नये. गर्भपात झालेला गर्भ, जार हातमोजे घालून हाताळावा. जमिनीत खोल पुरून टाकावा. धुण्याच्या साबणाने हात धुवावेत.

प्रतिक्रिया
गेल्या तीन महिन्यांत आमच्या परिसरातील ८० मेंढ्यांचा अकाली गर्भपात झाला. यामुळे मेंढपाळांचे अडीच लाख रुपयांचे नुकसान झाले आहे.
- मुंजा जमरे, मेंढपाळ (सोन्ना, जि. परभणी)

 

इतर अॅग्रो विशेष
अनुदान नव्हे; योगदानच वाचवेल शेतीलावातावरण बदल आणि कोसळणाऱ्या पाऊस धारा अथवा कडक...
साखर निर्यातीची सुवर्णसंधीपावसाळी स्थितीमुळे निर्यात न होऊ शकलेल्या साखर...
कापूस लोकायची लाज राखते; पण आमचं काय? यवतमाळ : ‘‘आमच्या कापसापासून तयार कपड्यानं आमी...
कंपोस्ट खते बनविण्याच्या पद्धतीजमिनीचा कस टिकविण्यासाठी सेंद्रिय पदार्थांचा...
एकदम बाजार समित्या बरखास्त करू नका:...पुणे ः केंद्रीय अर्थमंत्र्यांनी बाजार समित्या...
पावसाने मोसंबीच्या उत्पादनातही संकटाची...औरंगाबाद : लिंबूवर्गीय फळपिकात 'राजा' पीक म्हणून...
आंतरराष्ट्रीय द्राक्ष चर्चासत्र आजपासूनपुणे: राष्ट्रीय द्राक्ष संशोधन (एनआरसीजी)...
राज्यात पीकहानी ७० लाख हेक्टरच्याही...पुणे : केंद्र शासनाला पाठविल्या जाणाऱ्या अहवालात...
राज्यात गारठा वाढला; नगर १२.१ अंशावरपुणे : किमान तापमानात घट होत असल्याने राज्यात...
साखर कारखान्यांसाठी कर्ज परतफेडीचा...नवी दिल्ली ः केंद्र सरकारने साखर कारखान्यांसाठी...
दोडका पिकाने उंचावले अर्थकारणधामणखेल (ता. जुन्नर, जि. पुणे) येथील चंद्रकांत...
पेरू विक्रीसाठी प्रसिद्ध पेरणे फाटापुणे जिल्ह्यातील हवेली आणि शिरूर तालुक्यांच्या...
जळगावचे उडीद मार्केट यंदा पोचले...उडीद उत्पादनात खानदेश अग्रेसर आहे. जळगावच्या...
पर्यायाविना निर्णय घातकच! ऑ नलाइन राष्ट्रीय कृषी बाजार (ई-नाम) अधिक...
नैसर्गिक आपत्तीपासूनचा धडा काही वेदनांमधून सुखद आनंदप्राप्ती होते, तर काही...
किमान तापमानात किंचित वाढपुणे  : राज्यात थंडीची चाहूल लागल्यानंतर...
बाजार समित्यांना सक्षम पर्याय द्याः...पुणे ः केंद्रीय अर्थमंत्री निर्मला सीतारामन यांनी...
पावसाने संत्र्यात ४० टक्के फळगळ; ४००...नागपूर : राज्याचे मुख्य फळपिकांत महत्त्वाचे स्थान...
हमीभावाने कापूस खरेदी २० नोव्हेंबरपासून...जळगाव : भारतीय कापूस महामंडळ (सीसीआय) व...
बारा लाख टन साखर निर्यातीचा मार्ग मोकळापुणे : केंद्र शासनाने मुदतवाढ दिल्यामुळे देशातील...