परभणी जिल्ह्यातील शिल्लक कापसाची पडताळणी सुरू

परभणी : शासकीय खरेदी केंद्रांवर कापूस विक्रीसाठी ऑनलाइन नोंदणी केलेल्या परंतु, अद्याप मोजमाप न झालेल्या शेतकऱ्यांच्या घरात कापूस शिल्लक आहे. त्याची पडताळणी केली जात आहे.
Balance in Parbhani district Verification of cotton continues
Balance in Parbhani district Verification of cotton continues

परभणी : शासकीय खरेदी केंद्रांवर कापूस विक्रीसाठी ऑनलाइन नोंदणी केलेल्या परंतु, अद्याप मोजमाप न झालेल्या शेतकऱ्यांच्या घरात कापूस शिल्लक आहे. त्याची पडताळणी केली जात आहे. त्यासाठी तलाठी, कृषी सहाय्यक, ग्रामसेवकांची पथके स्थापन करण्यात आली आहेत. यासंदर्भात जिल्हाधिकारी दीपक मुगळीकर यांनी आदेश काढले आहेत. 

भारतीय कापूस महामंडळ आणि राज्य सहकारी कापूस उत्पादक पणन महासंघ यांच्या केंद्रांवर कापूस विक्रीसाठी जिल्ह्यातील ३७ हजार १३१ शेतकऱ्यांनी ऑनलाईन आणि ४ हजार ९० शेतकऱ्यांनी ऑफलाइन अशी एकूण ४१ हजार २२९ शेतकऱ्यांनी नोंदणी केली. त्यापैकी रविवार (ता.३१)पर्यंत १० हजार २७५ शेतकऱ्यांचा ३ लाख २ हजार ९४३ क्विंटल कापूस खरेदी करण्यात आला. नोंदणीनुसार सुमारे ३० हजारावर शेतकऱ्यांच्या कापसाची खरेदी बाकी आहे.  परंतु, मोजमाप राहिलेल्या शेतकऱ्यांकडे नेमका किती कापूस घरात शिल्लक आहे, यांचा अंदाज बांधता येत नाही. 

हमीभाव आणि खुल्या बाजारातील दर यामध्ये मोठा फरक आहे. त्यामुळे राज्यातील तसेच अन्य राज्यातील व्यापारी शेतकऱ्यांच्या माध्यमातून शासकीय केंद्रांवर कापूस विक्री करण्याची शक्यता नाकारता येत नाही. गैरप्रकारांवर नियंत्रण ठेवणे आवश्यक आहे. त्यामुळे जिल्हा प्रशासनाने ऑनलॉइन नोंदणी केलेल्या शेतकऱ्यांच्या घरातील कापसाची पडताळणी करण्याचा निर्णय घेतला आहे. त्यासाठी ग्रामसेवक, तलाठी, कृषी सहाय्यकांच्या पथकामार्फत प्रत्यक्ष शेतकऱ्यांच्या घरी जाऊन शिल्लक कापसाची पडताळणी केली जात आहे. 

हमीभावाने कापूस विक्री केलेल्या शेतकऱ्यांची नावे वगळून उर्वरित शेतकऱ्यांच्या गावनिहाय याद्या (संपूर्ण पत्ता व मोबाईल क्रमांकासंह) तयार करुन तपासणी पथकातील कर्मचाऱ्यांना देण्यात आल्या आहेत. या कामाचा दैनंदिन अहवाल तहसिलदार, सहाय्यक निबंधकांनी संयुक्तरित्या जिल्हाधिकारी कार्यालय, जिल्हा उपनिबंधक (सहकारी संस्था) कार्यालयास सादर करावा, असे आदेश जिल्हाधिकारी मुगळीकर यांनी दिले.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com