एकरकमी ‘एफआरपी’साठी ‘बळिराजा’च्या संघर्ष यात्रेस प्रारंभ 

सांगली : ‘एकरकमी एफआरपी मिळालीच पाहिजे’, ‘या सरकारचं करायचं काय खाली डोक वर पाय..’ अशा घोषणा देत येडेमच्छिंद्र (ता. वाळवा) येथून बळिराजा शेतकरी संघटनेच्या संघर्ष यात्रेला रविवारी (ता.७) सुरुवात झाली.
Baliraja farmers union agitate on sugarcane FRP in sangli
Baliraja farmers union agitate on sugarcane FRP in sangli

सांगली : ‘एकरकमी एफआरपी मिळालीच पाहिजे’, ‘या सरकारचं करायचं काय खाली डोक वर पाय..’ अशा घोषणा देत येडेमच्छिंद्र (ता. वाळवा) येथून बळिराजा शेतकरी संघटनेच्या संघर्ष यात्रेला रविवारी (ता.७) सुरुवात झाली. 

प्रदेशाध्यक्ष बी. जी. पाटील, केंद्रीय अध्यक्ष पंजाबराव पाटील, विश्‍वास जाधव, अॅड. युनुस मुल्ला, जयसिंगराव उथळे, मोहनराव खराडे, सत्यजित माने, अशोक सलगर, सुधीर कदम, संजय जाधव, शामराव मगदूम यांच्या मार्गदर्शनाखाली दुपारी दोनच्या संघर्ष यात्रेस प्रारंभ झाला. संघर्ष यात्रा दुपारी चारच्या दरम्यान कराड येथील दत्त चौकात पोहोचली. येथे मोठा पोलिस बंदोबस्त तैनात होता. पोलिसांनी बळीराजा शेतकरी संघटनेच्या कार्यकर्त्यांना येथे अडवले. तुम्हाला इथून पुढे जाता येणार नाही, तुमचे म्हणणे आम्ही पालकमंत्री तथा सहकारमंत्री बाळासाहेब पाटील यांच्यापर्यंत पोहोचवतो. मात्र शेतकरी संघटनेचे कार्यकर्त्यांनी नकार देत आम्हाला सहकारमंत्र्यांच्या घरासमोर ठिय्या आंदोलन करून घ्या, या मागणी वर ठाम होते. 

पोलिसांनी त्यास नकार दिला, त्यावर पोलिस आणि संघटनेतील पंजाबराव पाटील, बी. जी. पाटील चर्चा करताना म्हणाले, ‘कोल्हापूर जिल्ह्यातील साखर कारखानदारांनी एक रकमी एफआरपी दिली, मग सातारा आणि सांगली जिल्ह्यातील साखर कारखाने का एकरकमी एफआरपी देत नाहीत. एकरकमी एफआरपी मिळाल्याशिवाय आम्ही इथून हलणार नाही.’ त्यानंतर तहसील कार्यालयाच्या आवारात धरणे आंदोलन सुरू केले. एकरकमी एफआरपी आणि सहाशे रुपये घेतल्याशिवाय मी शांत बसणार नाही, असे पाटील म्हणाले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com